ສະຫລອງ​ວັນ​ພະຍາບານ​ໂລກ

- advert banner 728 90 728x90 - ສະຫລອງ​ວັນ​ພະຍາບານ​ໂລກ

ໃນທ້າຍອາທິດຜ່ານມານີ້, ຢູ່​ໂຮງຮຽນມັດທະຍົມສົມບູນຈັນທະ​ບູລີນະຄອນຫລວງ​ວຽງຈັນ, ອົງການ​ກາ​ແດງ​ລາວ​ໄດ້​ຈັດ​ພິທີສະ​ເຫລີ​ມສະຫລອງ​ວັນ​ພະ​ຍາ​ບານ​ໂລກ​ຂຶ້ນ, ​ໂດຍການ​ເຂົ້າຮ່ວມ​ຂອງ​ທ່ານ ສິງ ​ເມ​ໂນ​ລາດ ຮອງ​ປະທານ ອົງການ​ກາ​ແດງລາວ, ມີ​ບັນດາ​ຄູ-​ອາຈານ ​ແລະ ນັກຮຽນເຂົ້າຮ່ວມ​ເປັນ​ຈຳນວນ​ຫລາຍ.

- new3 - ສະຫລອງ​ວັນ​ພະຍາບານ​ໂລກ

ຮອງ​ປະທານ​ອົງການ​ກາ​ແດງ​ລາວ ​ໃຫ້​ຮູ້​ວ່າ: ວັນ​ພະຍາບານ​ໂລກ​ແມ່ນ​ການ​ສະ​ເຫລີ​ມສະຫລອງປະຈຳ​ປີທີ່​ສຳຄັນທີ່​ທາງ​ອົງການ​ກາ​ແດງ​ລາວ ກໍ​ຄືອົງການ​ກາ​ແດງ​ສາກົນ​ທົ່ວ​ໂລກ​ຈັດຂຶ້ນ, ການ​ປະຖົມພະ​ຍາ​ບານ​ແມ່ນ​ຄວາມ​ຮູ້​ ​ແລະ ທັກ​ສະພຶ້ນຖານ​ທີ່​ຈຳ​ເປັນ ​ເພື່ອ​ຊ່ວຍ​ເຫລືອຕໍ່ຄົນ​ເຈັບ ຫລື ຜູ້​ໄດ້​ຮັບ​ບາດ​ເຈັບ​ເບື້ອງຕົ້ນ​ໂດຍ​ທັນທີ​ທັນ​ໃດຢ່າງ​ມີ​ປະສິດທິ​ຜົນ ​ແລະ ວ່ອງ​ໄວ, ຊຶ່ງ​ແມ່ນ​ການ​ໃຫ້ການ​ເບິ່ງ​ແຍງຈາກ​ບຸກຄົນ​ທົ່ວ​ໄປທີ່​ໄດ້​ຮັບ​ການ​ຝຶກ​ອົບຮົມ​ທາງ​ດ້ານ​ປະຖົມພະຍາບານ.

​​ແນວ​ໃດ​ກໍ​ດີ, ​​ໃນ​ແຕ່ລະ​ປີທົ່ວໂລກມີປະຊາກອນ​ປະມານ 16 ພັນ​ຄົນ​ເສຍ​ຊີວິດຍ້ອນ​ການ​ບາດ​ເຈັບທີ່​ເກີດ​ຈາກ​ສາ​ເຫດຕ່າງໆທີ່​ສາມາດ​ປ້ອງ​ກັນ​ໄດ້ ​ແຕ່​ຍ້ອນ​ວ່າການ​ຊ່ວຍ​ເຫລືອ​ເບື້ອງຕົ້ນບໍ່ທ່ວງທັນ​ເວລາ ​ແລະ ບໍ່ຖືກ​ເຕັກນິກຈຶ່ງ​ມີ​ການ​ສູນ​ເສຍ​ດັ່ງກ່າວ.

ທ່ານຮອງ​ປະທານ​ອົງການ​ກາ​ແດງລາວ ​ໃຫ້​ຮູ້​ວ່າ: ຢູ່ລາວມີ​ປະຊາກອນປະມານ 6,4 ລ້ານກວ່າ​ຄົນ ​ແລະ 1 ລ້ານ​ກວ່າ​ຄົວ​ເຮືອນ, ​ໃນ​ແຕ່ລະ​ປີການ​ເກີດ​ອຸປະຕິ​ເຫດ​ໃນ​ຄົວ​ເຮືອນມີ​ອັດຕາ​ສູງ​​ຂຶ້ນ ​ເຊັ່ນ: ​ໄຟ​ໄໝ້, ນ້ຳ​ຮ້ອນ​ລວກ, ມີດ​ບາດ ​ແລະ ອື່ນໆ ຊຶ່ງ​ເຮັດ​ໃຫ້​ມີ​ການ​ເສຍ​ຊີວິດ​ຫລາຍ​ສົມ​ຄວນ, ຊຶ່ງ​​ເຫດການ​ດັ່ງກ່າວ​ແມ່ນ​ສາມາດ​ປ້ອງ​ກັນ​ໄດ້ ຫລື ຫລັງ​ການ​ເກີດ​ເຫດ​ຖ້າ​ສາມາດ​ຊ່ວຍ​ປະຖົມພະ​ຍານ​ບານ​ແບບ​ຖືກ​ວິທີ​ກໍ​ສາມາດ​ຊ່ວຍ​ຊີວິດ​ຜູ້​ຮັບ​ເຄາະ​ຮ້າຍ​ໄດ້​ຢ່າງປອດໄພ.

- lattana 1 - ສະຫລອງ​ວັນ​ພະຍາບານ​ໂລກ

ໃນພິທີດັ່ງກ່າວ, ຜູ້ເຂົ້ຮ່ວມ​ໄດ້ຮັບຊົມ​ການ​ສາທິດ​ເບື້ອຕົ້ນ​ຂອງອາສາ​ສະໝັກ ກາ​ແດງ​ໃນ​ການ​ປະຖົມພະ​ຍາ​ບານ ​ແລະ ຮ່ວມ​ຫລີ້ນກິດຈະກຳ​ອື່ນໆ.

error: Content is protected !!