ລາວ​ຫາ​ລື​ມາດ​ຕະ​ຖານ​ການ​ປູກ​ກ້ວຍ​ເປັນ​ສິນ​ຄ້າຢູ່ 8 ແຂວງ​ພາກເໜືອ

- lao banana plantation - ລາວ​ຫາ​ລື​ມາດ​ຕະ​ຖານ​ການ​ປູກ​ກ້ວຍ​ເປັນ​ສິນ​ຄ້າຢູ່ 8 ແຂວງ​ພາກເໜືອ
- Untitled design - ລາວ​ຫາ​ລື​ມາດ​ຕະ​ຖານ​ການ​ປູກ​ກ້ວຍ​ເປັນ​ສິນ​ຄ້າຢູ່ 8 ແຂວງ​ພາກເໜືອ

ເມື່ອທ້າຍອາທິດຜ່ານມາ, ກະ​ຊວງ​ກະ​ສິ​ກຳ ແລະ ​ປ່າ​ໄມ້ຮ່ວມ​ກັບພະ​ແນກກະ​ສິ​ກຳ ແລະ ​ປ່າ​ໄມ້​ແຂວງ​ອຸ​ດົມ​ໄຊ, ໄດ້ຈັດກອງປະຊຸມ​ປຶກ​ສາ​ຫາ​ລືລະ​ຫວ່າງ​ພາກ​ລັດ, ຜູ້​ປະ​ກອບ​ການ ແລະ​ ຊາວ​ກະ​ສິ​ກອນສວນກ້ວຍ, ຂຶ້ນທີ່ແຂວງອຸດົມໄຊໂດຍ​ການ​ເປັນ​ປະ​ທານ​ຂອງ​ທ່ານ ພວງ​ປ​າ​ຣິ​ສັກ ປ​ຣະ​ວົງ​ວຽງ​ຄຳ ຮອງ​ລັດ​ຖະ​ມົນຕີ​ກະ​ຊວງດັ່ງກ່າວ, ມີເຈົ້າແຂວງອຸດົມໄຊ ພ້ອມດ້ວຍພະແນກກະສິກໍາ ແລະ ປ່າໄມ້, ມີປະກອບການ ແລະ ຊາວກະສິກອນຈາກ 8 ແຂວງ ພາກເຫນືອເຂົ້າຮ່ວມ.

ກອງປະຊຸມດັ່ງກ່າວ, ແນໃສ່​ໃຫ້​ຜູ້​ປະກອບການ ແລະ ຊາວ​ກະ​ສິ​ກອນ​ໄດ້ເຂົ້າ​ໃຈ​ກ່ຽວກັບ​​ການ​ນຳ​ໃຊ້​ມາດ​ຕະ​ຖານ​ກະ​ສິ​ກຳ​ທີ່​ດີ(GAP) ໃນ​ການ​ຜະ​ລິດ​ກ້ວຍ​ເປັນ​ສິນ​ຄ້າ.

ທ່ານ ພວງ​ປ​າຣິ​ສັກ ປ​ຣະ​ວົງ​ວຽງ​ຄຳ ໄດ້ກ່າວວ່າ: ເພື່ອປະຕິບັດນະໂຍບາຍ ຂອງລັດຖະບານ ກ່ຽວກັບການພັດທະນາກະສິກໍາ ຕາມທິດສະອາດສີຂຽວ ແລະ ຍືນຍົງ ແລະ ການຈັດຕັ້ງປະຕິບັດແຜນງານຄໍ້າປະກັນຄວາມໝັ້ນຄົງດ້ານສະບຽງອາຫານ ແລະ ຜະລິດເປັນສິນຄ້າໃຫ້ຮັບປະກັນທັງດ້ານປະລິມານ ແລະ ຄຸນນະພາບ, ສະນັ້ນໃນຜ່ານມາ, ການ​ຜະ​ລິດ​ເປັນສິນ​ຄ້າ​ແມ່ນໄດ້ຮັບການສະໜັບສະໜູນຈາກນະໂຍບາຍການລົງທຶນຂອງລັດຖະບານ, ດັ່ງນັ້ນຈຶ່ງເຮັດໃຫ້ການຜະລິດກະສິກໍາ ໄດ້ຮັບການພັດທະນາຢ່າງກ້າວກະໂດດ ແລະ ປະກອບສ່ວນສໍາຄັນໃນໂຄງປະກອບສ້າງເສດຖະກິດແຫ່ງຊາດ ເປັນ​ຕົ້ນ: ການຜະລິດພືດເປັນສິນຄ້າ ເພື່ອການສົົ່ງອອກເຊັ່ນ: ເຂົ້າ, ສາລີ, ກາເຟ, ກ້ວຍ ແລະ ມັນຕົ້ນ ​ເຮັດ​ໃຫ້ມູນຄ່າການສົ່ງອອກລັນລຸຫລາຍກວ່າ 1 ຕື້ໂດ​ລາສະຫະລັດ, ໃນນັ້ນການສົ່ງອອກກ້ວຍໃນປີ 2015-2016 ຫລາຍກວ່າ 126 ລ້ານໂດລາສະຫະລັດ,  ແນວໃດກໍຕາມ, ການປູກກ້ວຍເປັນສິນຄ້າເພື່ອສົ່ງອອກຍັງປະເຊີນກັບບັນຫາຫຼາຍຢ່າງ, ຊຶ່ງໄດ້ສ້າງຜົນກະທົບດ້ານລົບຕໍ່ສຸຂະພາບຂອງຄົນ, ສັດ ແລະ ສິ່ງແວດລ້ອມ, ເນື່ອງຈາກການນໍາໃຊ້ສານເຄມີ ແລະ ຢາປາບສັດຕູພືດ ທີ່ບໍ່ຖືກຕ້ອງຕາມເຕັກນິກວິຊາການ, ການນໍາໃຊ້ດິນບໍ່ສອດຄ່ອງ. ຕໍ່ບັນຫາດັ່ງກ່າວ ລັດຖະບານຈຶ່ງໄດ້ອອກແຈ້ງການກ່ຽວກັບການແກ້ໄຂການຢຸດຕິການປູກກ້ວຍທີ່ມີຜົນກະທົບຕໍ່ສິ່ງແວດລ້ອມ ແລະ ສັງຄົມໃນຂອບເຂດທົ່ວປະເທດ.

- Wave100S AD to Website 2020 0 - ລາວ​ຫາ​ລື​ມາດ​ຕະ​ຖານ​ການ​ປູກ​ກ້ວຍ​ເປັນ​ສິນ​ຄ້າຢູ່ 8 ແຂວງ​ພາກເໜືອ

ເພື່ອຈັດຕັ້ງປະຕິບັດແຈ້ງການດັ່ງ​ກ່າວ, ກະ​ຊວງກະ​ສິ​ກຳ ແລະ ປ່າ​ໄມ້ຂອງລາວ ແລະ ກະ​ຊວງກະ​ສິ​ກຳ ສ​ປຈີນ ໄດ້​ປຶ​ກ​ສາ​ຫາ​ລືກັນໃນ​ການຈັດ​ລະ​ບຽບການ​ຜະ​ລິດກະ​ສິ​ກຳສະ​ອາດ ຕົ້ນ​ຕໍ​ແມ່ນບັນ​ຫາການ​ປູກ​ກ້ວຍສະ​ອາດຕາມ​ມາດ​ຕະ​ຖານ GAP ເພື່ອສົ່ງອອກໄປ​ຈີນ ແລະ ມອບໃຫ້ກົມ​ປູກ​ຝັງກໍານົດ​ມາດ​ຕະ​ການ ແລະ ມາດຕະການໃນ​ການຄຸ້ມ​ຄອງສວນ​ກ້ວຍທີ່​ກຳ​ລັງ​ມີການ​ຜະ​ລິດ, ສວນ​ກ້ວຍທີ່​ຈະ​ໝົດ​ສັນ​ຍາການ​ປູກແລ້ວ​ຫັນ​ໄປ​ສູ່ການ​ຜະ​ລິດຕາມ​ມາດ​ຕະ​ຖານສຸ​ຂະອານາ​ໄມ ທີ່​ສາ​ມາດປະ​ກອບ​ສ່ວນສ້າງ​ລາຍ​ຮັບໃຫ້​ແກ່ຊາວກ​ະ​ສິ​ກອນ, ຜູ້​ປະ​ກອບການກໍຄື ປະ​ກອບ​ສ່ວນໃນ​ການແກ້​ໄຂຄວາມ​ທຸກ​ຍາກຂອງປະ​ຊາ​ຊົນໃນ​ໄລ​ຍະ​ຍາວ.

- WhatsApp Image 2020 05 27 at 5 - ລາວ​ຫາ​ລື​ມາດ​ຕະ​ຖານ​ການ​ປູກ​ກ້ວຍ​ເປັນ​ສິນ​ຄ້າຢູ່ 8 ແຂວງ​ພາກເໜືອ
- WhatsApp Image 2020 05 27 at 5 - ລາວ​ຫາ​ລື​ມາດ​ຕະ​ຖານ​ການ​ປູກ​ກ້ວຍ​ເປັນ​ສິນ​ຄ້າຢູ່ 8 ແຂວງ​ພາກເໜືອ
error: Alert: ເນື້ອຫາຂ່າວມີລິຂະສິດ !!