ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ

ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ - 419211519 808981484589493 4357690770732143712 n - ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ
ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ - kitchen vibe - ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ
ໂດຍຕອບສະໜອງຕາມການເຊື້ອເຊີນຂອງ ທ່ານ ນາງ ປານີ ຢາທໍ່ຕູ້ ຮອງປະທານປະເທດ ແຫ່ງ ສປປ ລາວ, ສົມເດັດພະກະນິດຖາທິຣາດເຈົ້າ ກົມສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ແຫ່ງ ຣາຊະອານາຈັກໄທ ໄດ້ຢ້ຽມຢາມ ສປປ ລາວ ແລະ ເປັນປະທານຮ່ວມໃນພິທີສະເຫລີມສະຫລອງ ຄົບຮອບ 30 ປີ ແຫ່ງ ການສ້າງຕັ້ງສູນພັດທະນາ ແລະ ບໍລິການດ້ານການກະເສດ ຫ້ວຍຊອນ-ຫ້ວຍຊົ້ວ ທັງປັນການສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຖານບ້ານໃກ້ເຮືອນຄຽງທີ່ດີ ທີ່ມີມາແຕ່ດົນນານ ກໍຄື ການເປັນຄູ່ຮ່ວມຍຸດທະສາດເພື່ອການຈະເລີນເຕີບໂຕ ແລະ ການພັດທະນາແບບຍືນຍົງ ລະຫວ່າງ ສປປ ລາວ ແລະ ຣາຊະອານາຈັກໄທ ໃນວັນທີ 12 ມັງກອນ 2024 ໂດຍມີ ທ່ານ ສະເຫລີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ, ທັງເປັນລັດຖະມົນຕີກຽດຕິຍົດ ແລະ ຄະນະ ໃຫ້ການຕ້ອນຮັບຢ່າງອົບອຸ່ນ ແລະ ສົມກຽດ ທີ່ ສະໜາມບິນສາກົນວັດໄຕ.
อาจเป็นรูปภาพของ 2 คน, ดอกไม้, งานแต่งงาน, แท่นบรรยาย และ ข้อความ ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ - 419219535 808981571256151 1588523017297683381 n - ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ
ໃນໂອກາດການສະເດັດຢ້ຽມຢາມ ສປປ ລາວ ໃນຄັ້ງນີ້, ກົມສົມເດັດພະເທບ ແລະ ທ່ານ ນາງ ປານີ ຢາທໍ່ຕູ້ ໄດ້ເປັນປະທານຮ່ວມ ໃນພິທີສະເຫລີມສະຫລອງວັນສ້າງຕັ້ງສູນດັ່ງກ່າວ ໂດຍໄດ້ຮັບຟັງການລາຍງານ ຂອງ ທ່ານ ເພັດ ພົມພິພັກ ລັດຖະມົນຕີກະຊວງກະສິກໍາ ແລະ ປ່າໄມ້ ກ່ຽວກັບຄວາມໝາຍຄວາມສໍາຄັນຂອງໂຄງການ ຊຶ່ງເປັນໂຄງການ ການຮ່ວມມືແບບພິເສດ ລະຫວ່າງ ສອງປະມຸກລັດ ລາວ ແລະ ໄທ ກໍຄື ລະຫວ່າງ ພະບາດສົມເດັດ ພະບໍຣົມຊະນະກາທິເບດ ມະຫາພູມິພົນອະດຸນຍະເດດມະຫາຣາດ ບໍຣົມມະນາດບໍພິດ ແລະ ປະທານ ໄກສອນ ພົມວິຫານ ທີ່ເປັນສັນຍາລັກ ໃນການພົວພັນ ແລະ ຮ່ວມມື ລະຫວ່າງ ສອງປະເທດ ລາວ ແລະ ໄທ. ເປົ້າໝາຍຂອງສູນແຫ່ງນີ້ ແມ່ນເປັນສູນຮ່ວມມືດ້ານວິຊາການກ່ຽວກັບວຽກງານກະສິກໍາ ໂດຍມີການຖ່າຍທອດຄວາມຮູ້ທາງດ້ານທິດສະດີ ແລະ ການປະຕິບັດຕົວຈິງ ໃນການຂະຫຍາຍແນວພັນພືດ-ພັນສັດ ພາຍໃຕ້ຄວາມຮັບຜິດຊອບຂອງກະຊວງກະສິກໍາ ແລະ ປ່າໄມ້. ປັດຈຸບັນ, ສູນດັ່ງກາວໄດ້ກາຍເປັນສູນຕົວແບບ, ບ່ອນຖ່າຍທອດຄວາມຮູ້ ແລະ ເຕັກ ນິກ-ວິຊາການ ໃຫ້ແກ່ຊາວກະສິກອນ, ຜູ້ປະກອບການ, ນັກຮຽນ-ນັກສຶກສາ ທັງເປັນບ່ອນຜະລິດ ແລະ ສະໜອງແນວພັນພືດ-ພັນສັດທີ່ດີ ໂດຍໄດ້ປະກອບສ່ວນອັນສໍາຄັນເຂົ້າໃນການສ້າງລາຍຮັບ ແລະ ອາຊີບທີ່ໝັ້ນຄົງໃຫ້ແກ່ປະຊາຊົນຫລຸດພົ້ນຈາກຄວາມທຸກຍາກ.
ໃນພິທີດັ່ງກ່າວ, ກົມສົມເດັດພະເທບ ແລະ ທ່ານ ນາງ ປານີ ຢາທໍ່ຕູ້ ໄດ້ຮ່ວມກັນຕັດແຖບຜ້າພິທີສະເຫລີມສະຫລອງວັນສ້າງຕັ້ງສູນພັດທະນາ ແລະ ບໍລິການດ້ານການກະເສດ ຫ້ວຍຊອນ-ຫ້ວຍຊົ້ວ ຄົບຮອບ 30 ປີ ແລະ ຢ້ຽມຊົມການວາງສະແດງຜະລິດຕະພັນຂອງສູນ, ອາຄານຮຽນຮູ້, ແຜນຜັງກໍ່ສ້າງຫໍປະຊຸມຫລັງໃໝ່, ພົບປະຄອບຄົວຕົວແບບຂອງສູນ ແລະ ຢ້ຽມຊົມຜົນຜະລິດກະສິກໍາຂອງເມືອງນາຊາຍທອງ ພ້ອມທັງປູກຕົ້ນໄມ້ເພື່ອເປັນສັນຍາລັກ.
ໃນຕອນບ່າຍ, ກົມສົມເດັດພະເທບ ແລະ ຄະນະ ກໍ່ໄດ້ສະເດັດຢ້ຽມຢາມໂຮງຮຽນວັດທະນະທໍາ ຫລັກ 67, ເຊິ່ງໂຮງຮຽນໄດ້ຮັບການຊ່ວຍເຫລືອດ້ານຕ່າງໆ ຈາກໂຄງການອັນເນື່ອງມາຈາກພະຣາຊະດໍາຣິ ຂອງ ກົມສົມເດັດພະເທບ ນັບຕັ້ງແຕ່ປີ 1992 ເປັນຕົ້ນມາ. ໃນໂອກາດນີ້, ກົມສົມເດັດ ຍັງໄດ້ໃຫ້ການສະໜັບສະໜູນ ແລະ ຊ່ວຍເຫລືອສ້າງຫ້ອງການຄູ 1 ຫລັງ, ຫໍພັກຍິງ 1 ຫລັງ ແລະ ມອບອຸປະກອນຮັບໃຊ້ການຮຽນ-ການສອນ ລວມມູນຄ່າ 2.735.300 ບາດ, ມອບຂອງຂວັນໃຫ້ແກ່ນັກຮຽນດີເດັ່ນຂອງໂຮງຮຽນ ຈໍານວນ 5 ຄົນ ແລະ ໄດ້ຢ້ຽມຊົມຮູບພາບ ກ່ຽວກັບຄວາມເປັນມາຂອງໂຮງຮຽນ, ຫ້ອງສະໝຸດ, ອາຄານໝັ້ນມິດ (ຫ້ອງທົດລອງ) ແລະ ໄດ້ປູກຕົ້ນໄມ້ຢູ່ເດີ່ນໂຮງຮຽນ ເພື່ອເປັນສັນຍາລັກ.
ໃນໂອກາດການສະເດັດຢ້ຽມຢາມ ສປປ ລາວ ໃນຄັ້ງນີ້, ກົມສົມເດັດພະເທບ ໄດ້ເຂົ້າພົບປະກັບ ທ່ານ ປະທານປະເທດ ທອງລຸນ ສີສຸລິດ ຊຶ່ງ ທ່ານ ປະທານປະເທດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການສະເດັດຢ້ຽມຢາມ ສປປ ລາວ ຄັ້ງນີ້ ອັນຈະເປັນນິມິດໝາຍສໍາຄັນອີກຄັ້ງໜຶ່ງ ໃນການເພີ່ມທະວີການພົວພັນ ແລະ ຮ່ວມມື ລາວ ແລະ ໄທ ພາຍຫລັງທີ່ສອງປະເທດ ໄດ້ຍົກລະດັບການພົວພັນ ເປັນຄູ່ຮ່ວມຍຸດທະສາດເພື່ອການຈະເລີນເຕີບໂຕ ແລະ ການພັດທະນາແບບຍືນຍົງ ແລະ ໄດ້ຝາກຄວາມຢື້ຢາມຖາມຂ່າວໄປຍັງ ພະບາດສົມເດັດ ພະວະຊິຣະເກົ້າເຈົ້າຢູ່ຫົວ, ພະຣາຊີນີ ແລະ ພະບໍຣົມວົງສານຸວົງທຸກພະອົງ ພ້ອມທັງໄດ້ສົ່ງຄໍາເຊື້ອເຊີນ ພະບາດສົມເດັດ ພະວະຊິຣະເກົ້າເຈົ້າຢູ່ຫົວ ແລະ ພະຣາຊີນີ ສະເດັດຢ້ຽມຢາມທາງລັດຖະກິດ ທີ່ ສປປ ລາວ ເພື່ອເປັນ ສິຣິມຸງຄຸນໃຫ້ແກ່ ການພົວພັນຮ່ວມມື ລະຫວ່າງສອງປະເທດ. ໃນໂອກາດດຽວກັນນີ້, ທ່ານ ທອງລຸນ ສີສຸລິດ ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງຄວາມຮູ້ບຸນຄຸນ ແລະ ຂອບໃຈຕໍ່ບັນດາໂຄງການອັນເນື່ອງມາຈາກພະຣາຊະດໍາຣິ ຂອງພະບໍຣົມວົງສານຸວົງ ແຫ່ງ ຣາຊະອານາຈັກໄທ ໂດຍສະເພາະບັນດາໂຄງການຂອງ ກົມສົມເດັດພະເທບ ເປັນຕົ້ນແມ່ນ ດ້ານກະສິກໍາ, ການສຶກສາ, ສາທາລະນະສຸກ, ເຕັກໂນໂລຊີ ແລະ ໂຄງລ່າງພື້ນຖານຕ່າງໆ.
ໃນຂະນະດຽວກັນ, ກົມສົມເດັດພະເທບ ກໍໄດ້ສະແດງຄວາມຍິນດີຕໍ່ການຕ້ອນຮັບອັນອົບອຸ່ນໃນຄັ້ງນີ້ ແລະ ຮູ້ສຶກດີໃຈເປັນຢ່າງຍິ່ງ ທີ່ໄດ້ສະເດັດຢ້ຽມຢາມ ສປປ ລາວ ອີກຄັ້ງໜຶ່ງ ພາຍຫລັງທີ່ບໍ່ໄດ້ສະເດັດຢ້ຽມຢາມເປັນເວລາ 6 ປີແລ້ວ, ພ້ອມທັງໄດ້ສະແດງຄວາມຊົມເຊີຍ ທີ່ເຫັນວ່າ ສປປ ລາວ ໄດ້ຮັບການພັດທະນາຢ່າງຕໍ່ເນື່ອງ ແລະ ໄດ້ສະແດງຄວາມໝາຍໝັ້ນວ່າ ຈະສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງສອງປະເທດ ລາວ-ໄທ ໃຫ້ຈະເລີນງອກງາມຍິ່ງໆຂຶ້ນ. ໃນຕອນຄໍ່າຂອງວັນດຽວກັນ, ກົມສົມເດັດພະເທບ ແລະ ຄະນະ ກໍໄດ້ກັບຄືນປະເທດ ດ້ວຍຄວາມສະຫວັດດີພາບ.
อาจเป็นรูปภาพของ 7 คน ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ - 419204811 809023367918638 5528007675345073960 n - ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ
ພາບຂ່າວ: ຂປລ
ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ - 5 - ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ
ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ - 3 - ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ
ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ - 4 - ສົມເດັດພະເທບພະຣັດຣາຊະສຸດາ ສະຫຍາມບໍຣົມຣາຊະກຸມາຣີ ສໍາເລັດການຢ້ຽມຢາມ ສປປ ລາວ