ຜັກ ແລະ ໝາກໄມ້ 7 ຊະນິດທີ່ດີຕໍ່ສຸຂະພາບຂອງແມ່ຍິງໂດຍກົງ

- advert banner 728 90 728x90 - ຜັກ ແລະ ໝາກໄມ້ 7 ຊະນິດທີ່ດີຕໍ່ສຸຂະພາບຂອງແມ່ຍິງໂດຍກົງ
  1. ໝາກພຸນ : ເປັນແຫ່ລງໂປຕັສຊຽມ, ທາດເຫລັກ ແລະ ໄຟເບີ ສິ່ງສຳຄັນໝາກພຸນຍັງຊ່ວຍໃຫ້ຜິວໜັງມີສຸຂະພາບດີອົມບົວ ຮັກສາຄວາມເປັນບ່າວສາວ ເຊິ່ງຄົນເຮົາເມື່ອຜ່ານໄລຍະສົດໃສຂອງຊີວິດຄື ອາຍຸ 25 ປີ ຮ່າງກາຍຈະເລີ່ມເສື່ອມໂຊມ, ໄຂມັນເລີ່ມເຂົ້າສະສົມຕາມພາກສ່ວນຕ່າງໆຂອງຮ່າງກາຍ, ໃບໜ້າທີ່ເຄີຍເຄັ່ງຕຶງອົມບົວກໍເລີ່ມໝອງຄຳ້, ຜິວໜັງກໍເຫລືອງຈືດ, ທາດເຫລັກມີຫລາຍໃນໝາກພຸນຈະຊ່ວຍເບິ່ງແຍງດູແລໃນເລື່ອງນີ້ຄຽງຄູ່ກັບການສູນເສຍເລືອດ ແລະ ທາດເຫລັກໄປກັບປະຈຳເດືອນນຳອີກ.
  2. ຖົ່ວ : ອຸດົມໄປດ້ວຍທາດເຫລັກ, ໂປຣຕິນ ແລະ ວິຕາມິນເອີ ເຊິ່ງນັກວິທະຍາສາດຄົ້ນພົບວ່າ : ເມື່ອກິນອາຫານທີ່ມີໄຟເບີຊະນິດລະລາຍນຳ້ໄດ້ (ມີຫລາຍໃນຖົ່ວ) ໄຟເບີຈະເຄືອບຜິວກະເພາະ ເຮັດໃຫ້ຮູ້ສຶກອີ່ມໄວ, ອີ່ມດົນ, ຄວາມຢາກອາຫານຈະຫລຸດລົງ, ແຕ່ຍັງມີສານອາຫານອື່ນໆທີ່ມີປະໂຫຍດຕໍ່ຮ່າງກາຍຢູ່ຫລາຍນຳອີກ ຈຶ່ງບໍ່ຄືກັບໄຟເບີອື່ນໆທີ່ບໍ່ໃຫ້ສານອາຫານທີ່ມີຄຸນຄ່າກັບຮ່າງກາຍ ສະນັ້ນຈຶ່ງເຮັດໃຫ້ແມ່ຍິງມີຮູບຮ່າງງາມໂດຍບໍ່ຂາດສານອາຫານ.
  3. ຜັກກາດດອກ : ເປັນແຫລ່ງຊີລີນຽມຕາມທຳມະຊາດ ຊ່ວຍບຳລຸງຜິວໜັງ ແລະ ຊ່ວຍຕື່ມຄວາມຫົດຢືດໃຫ້ກັບຜິວໜັງ ເຮັດໃຫ້ຜິວໜັງເບິ່ງອ່ອນກ່ວາອາຍຸ, ຊຸ່ມຊື່ນຄືເປັນເດັກນ້ອຍ ທັງຍັງຫລຸດຮອຍຫ່ຽວໄດ້ດີນຳອີກ.
  4. ໝາກກ້ວຍ : ມີສານເບຕ້າແຄໂຣທີນທີ່ມີລິດຕ້ານອະນຸມູນອິດສະຫລະ ເມື່ອເຮົາອາຍຸກາຍ 22 ປີໄປແລ້ວ ຄວາມຈະເລີນເຕີບໃຫຍ່ຂອງຮ່າງກາຍຈະເລີ່ມຢຸດຊະງັກ, ຄວາມສາມາດໃນການຟື້ນຟູພາກສ່ວນເສື່ອມສະພາບຈະຊ້າລົງ ເຮັດໃຫ້ແຊນໃນຮ່າງກາຍທຸກແຊນຜະລິດອະນຸມູນອິດສະຫລະຫລາຍຂຶ້ນ. ນອກຈາກນັ້ນ ເມື່ອຮ່າງກາຍເສື່ອມສະພາບ ຄວາມສາມາດໃນການຟື້ນຟູພາກສ່ວນເສື່ອມສະພາບກໍຈະຫລຸດລົງໄປເລື້ອຍໆ ພ້ອມກັນນັ້ນຄວາມສາມາດໃນການກຳຈັດອະນຸມູນອິດສະຫລະກໍຫລຸດລົງຢ່າງໜ້າຕົກໃຈ ດັ່ງນັ້ນ ແມ່ຍິງຈຶ່ງຄວນຫັນມາກິນໝາກກ້ວຍ ໂດຍສະເພາະໝາກກ້ວຍໄຂ່ໃຫ້ຫລາຍຂຶ້ນ.
  5. ໝາກສີດາ : ໝາກສີດາ 1 ຂີດມີວິຕາມິນເຊຫລາຍເຖິງ 180 ມິນລີກຣາມ ເຊິ່ງວິຕາມິນເຊນີ້ມີບົດບາດໃນການສ້າງຄໍລາເຈັນທີ່ເຮັດໃຫ້ຜິວໜັງເຄັ່ງຕຶງ, ຫົດຢືດໄດ້ດີ ແລະ ບໍ່ຫ່ຽວຍານໄວ.
  6. ໝາກແອັບເປິ້ນ : ມີສານອາຫານສຳຄັນຄືເບຕ້າແຄໂຣທີນ, ວິຕາມິນເຊ ແລະ ໄຟເບີຊະນິດລະລາຍນຳ້ ຊື່ວ່າ ເພັກຕິນ ເຊິ່ງມີຄຸນສົມບັດຊ່ວຍຫລຸດຄວາມຢາກອາຫານ, ຫລຸດນຳ້ໜັກ ແລະ ຫລຸດຄໍເລສເຕີໂຣນ. ຍາມໃດກໍຕາມທີ່ຫິວຈົນຢາກກິນອາຫານໄດ້ຫລາຍໆຢ່າງໃຫ້ທ່ານກິນໝາກແອັບເປິ້ນກ່ອນຈັກໜ່ວຍຈະດີກ່ວາ.
  7. ໝາກກ້ຽງ : ເປັນແຫ່ລງວິຕາມິນ, ເກືອແຮ່ ແລະ ເສັ້ນໄຍທຳມະຊາດ, ຮູ້ຫລືບໍ່ວ່າການກິນໝາກກ້ຽງໂດຍບໍ່ປອກເຍື່ອຫຸ້ມ ແລະ ຄາຍກາກຖິ້ມຈະຊ່ວຍຄວບຄຸມນຳ້ໜັກໄດ້ອີກທາງໜຶ່ງ ເພາະຈະເຮັດໃຫ້ອີ່ມໄວ ເປັນປະໂຫຍດສຳລັບຄົນທີ່ຕ້ອງການຫລຸດນຳ້ໜັກໄດ້ເປັນຢ່າງດີ.
- lattana 1 - ຜັກ ແລະ ໝາກໄມ້ 7 ຊະນິດທີ່ດີຕໍ່ສຸຂະພາບຂອງແມ່ຍິງໂດຍກົງ
- new3 - ຜັກ ແລະ ໝາກໄມ້ 7 ຊະນິດທີ່ດີຕໍ່ສຸຂະພາບຂອງແມ່ຍິງໂດຍກົງ
error: Content is protected !!