19 ຄຸນສົມບັດຂອງຄົນປະສົບຄວາມສຳເລັດທີ່ຢາກໃຫ້ໂລກຮູ້

- advert banner 728 90 728x90 - 19 ຄຸນສົມບັດຂອງຄົນປະສົບຄວາມສຳເລັດທີ່ຢາກໃຫ້ໂລກຮູ້

ນັກທຸລະກິດທີ່ຮັ່ງມີ ແລະ ມີ ອິດທິພົນທີ່ສຸດໃນຍຸກກ່ອນສະຕະ ວັດທີ 20 ທ່ານ ແອນດຣູ ຄາເນກີ ໄດ້ຖ່າຍທອດກົນລະຍຸດຂອງຜູ້ນຳ ທີ່ຍິ່ງໃຫຍ່ໃຫ້ກັບນັກຂ່າວ ຊື່ ນະ ໂປລຽນ ຮິລ ເພື່ອນຳໄປຂຽນເປັນ ໜັງສືຂາຍດີຕະຫລອດການດັ່ງ Think and Grow Rich ແລະ ຕໍ່ ໄປນີ້ແມ່ນ 31 ຄຸນສົມບັດຂອງຜູ້ ນຳທ່ີດີ ທ່ານ ແອນດຣູ ຄາເນກີ.

- new3 - 19 ຄຸນສົມບັດຂອງຄົນປະສົບຄວາມສຳເລັດທີ່ຢາກໃຫ້ໂລກຮູ້
  1. ມີຈຸດໝາຍ ແລະ ແຜນການທີ່ແນ່ນອນທີ່ຈະບັນລຸຄວາມຕ້ອງການ : ເພາະຜູ້ນຳທີ່ຍິ່ງໃຫຍ່ຈະເຮັດວຽກມຸ່ງໄປສູ່ຜົນຕອບຮັບທີ່ໂຕເອງຕ້ອງການສະເໝີ.
  2. ມີແຮງຈູງໃຈທີ່ຈະຊຸກຍູ້ໂຕເອງຕະຫລອດເວລາ : ບໍ່ມີຄວາມຍິ່ງໃຫຍ່ໃດທີ່ຈະສຳເລັດໄດ້ ໂດຍປາສະຈາກແຮງຈູງໃຈທີ່ແຂງແກ່ນ ແລະ ນັ້ນແມ່ນສິ່ງສຳຄັນ.
  3. ພາໂຕເອງໄປຢູ່ໃນແວດລ້ອມຂອງຄົນມີຄວາມສາມາດທີ່ມັກແບ່ງປັນວິໄສທັດຂອງຕົນເອງ : ຄວາມສຳເລັດທີ່ຍິ່ງໃຫຍ່ເປັນຜົນພວງຈາກການປະສານຄວາມຄິດໄປສູ່ຈຸດໝາຍທີ່ຈະແຈ້ງ ດັ່ງນັ້ນ ການເຂົ້າຫາຜູ້ຄົນທີ່ມີວິໄສທັດດີຈະເຮັດໃຫ້ໂລກກະທັດຂອງເຮົາກ້ວາງຂຶ້ນນຳ.
  4. ເຊື່ອໝັ້ນໃນໂຕເອງ : ເພາະຫລາຍເທື່ອທີ່ຜູ້ນຳຕ້ອງເຮັດທຸກຢ່າງດ້ວຍຕົນເອງ ນັບແຕ່ເລີ່ມຕົ້ນຈົນເຖິງການຕັດສິນໃຈ ແລະ ຄວາມເຊື່ອໝັ້ນໃນໂຕເອງຈະເຮັດໃຫ້ກ້າວຕໍ່ໄປຢ່າງບໍ່ຢ້ານກົວ.
  5. ມີລະບຽບວິໄນໃນໂຕເອງສູງ : ເພາະເຮົາບໍ່ມີທາງຈະຄວບຄຸມຄົນອື່ນ ຫາກເຮົາຍັງຄວບຄຸມໂຕເອງບໍ່ໄດ້. ດັ່ງນັ້ນຈຸດເລີ່ມຕົ້ນ ຈຶ່ງຕ້ອງຮູ້ຈັກການຮັກສາລະບຽບວິໄນໃນໂຕເອງກ່ອນ.
  6. ບໍ່ຍອມທໍ້ຖອຍ : ຜູ້ນຳທີ່ຍິ່ງໃຫຍ່ຈະບໍ່ຍົກເລີກແຜນການ ເຖິງວ່າຈະຖືກຄັດຄ້ານຕັ້ງແຕ່ເລີ່ມຕົ້ນ ເພາະເມື່ອຕັດສິນໃຈທຸ້ມເທໃຫ້ກັບມັນແລ້ວ ເຖິງຈະລົ້ມລຸກຄຸກຄານປານໃດກໍຕ້ອງໄປໃຫ້ສຸດທາງ.
  7. ມີຄວາມຄິດສ້າງສັນ : ຜູ້ນຳທີ່ເກັ່ງຈະໄຝ່ຫາຫົນທາງທີ່ດີກ່ວາຢູ່ສະເໝີ ໂດຍພວກເຂົາຈະເຝົ້າຈັບຕາເບິ່ງຄວາມຄິດ ແລະ ໂອກາດໃໝ່ໆເພື່ອທີ່ຈະບັນລຸເປົ້າໝາຍໃນວຽກຂອງຕົນເອງ ຄວາມຄິດສ້າງສັນຈຶ່ງເປັນສິ່ງສຳຄັນທີ່ຂາດບໍ່ໄດ້.
  8. ເປັນຄົນເດັດຂາດ : ການຕັດສິນໃຈທີ່ບໍ່ສົມບູນແບບ ກໍຍັງດີກ່ວາບໍ່ຕັດສິນໃຈຫຍັງເລີຍ, ຕັດສິນໃຈໃຫ້ເດັດຂາດວ່າຈະຂຶ້ນສູງ ຫລື ລົງຕໍ່າ ກໍດີກ່ວາຄ້າງຄາຍ້ອນບໍ່ກ້າສ່ຽງ.
  9. ເກັບຂໍ້ມູນໃຫ້ໄດ້ຫລາຍທີ່ສຸດກ່ອນການຕັດສິນໃຈ : ການເປັນຜູ້ນຳທີ່ເກັ່ງບໍ່ໄດ້ມາດ້ວຍການບັງເອີນ, ແຕ່ເກີດຈາກການຕັ້ງໃຈຫາຂໍ້ມູນກ່ອນທີ່ຈະຕັດສິນໃຈທຸກຢ່າງ ແລະ ຫລັງຈາກນັ້ນຈະມຸ່ງໄປດ້ວຍຄວາມໄວ ແລະ ໝັ້ນຄົງ.
  10. ຫ້າວຫັນ : ຜູ້ນຳທີ່ດີຈະຮູ້ວ່າຕ້ອງເຮັດຫຍັງທີ່ຈະນຳໃຊ້ຄວາມຫ້າວຫັນນັ້ນຊຸກຍູ້ລູກທີມໄປສູ່ເປົ້າໝາຍ. ຄວາມຫ້າວຫັນ ຂອງທຸກຝ່າຍຈະຊ່ວຍໃຫ້ວຽກນັ້ນພັດທະນາໄປສູ່ປະສິດທິພາບທີ່ດີ ແລະ ໄວຫລາຍຂຶ້ນ.
  11. ມີຄວາມຍຸຕິທຳ : ເພາະການປະຕິບັດກັບລູກນ້ອງຄົນທີ່ຕົນບໍ່ມັກດ້ວຍການດູຖູກດູໝິ່ນ ບໍ່ໃຫ້ຜົນດີໃນໄລຍະຍາວ ແລະ ສຳລັບລູກນ້ອງທີ່ມີຜົນງານດີກໍຄວນໄດ້ຮັບການຕອບແທນໃຫ້ພວກເຂົາມີຄວາມພູມໃຈ.
  12. ໃຈກ້ວາງ : ຄົນທີ່ປິດກັ້ນຄວາມຄິດ ຈະບໍ່ໄດ້ຮັບການຍອມຮັບຈາກຄົນອ້ອມຂ້າງ ແລະ ເມື່ອປາສະຈາກການຍອມຮັບ ການເປັນຜູ້ຍິ່ງໃຫຍ່ກໍເກືອບເປັນໄປບໍ່ໄດ້ເລີຍ ສະນັ້ນ ເປີດໃຈໃຫ້ກ້ວາງ ແລ້ວຈະເບິ່ງເຫັນຫຍັງຫລາຍຂຶ້ນ.
  13. ຢູ່ເໜືອກ່ວາຄວາມຄາດຫວັງຂອງຜູ້ອື່ນ : ຜູ້ນຳທີ່ເກັ່ງໃນທຸລະກິດ ຫລື ອຸດສາຫະກຳຕ່າງໆ ຈະບໍລິການລູກຄ້າຫລາຍກ່ວາທີ່ຜູ້ຢູ່ໃຕ້ບັງຄັບບັນຊາເຂົາເຮັດກັນຊຳ້ ດັ່ງນັ້ນຈຶ່ງບໍ່ແປກໃຈວ່າເປັນຫຍັງ ເຮົາມັກຈະເຫັນຄົນປະສົບຄວາມສຳເລັດມັກອອກນອກກອບຢູ່ຕະຫລອດ.
  14. ມີໄຫວພິບດີ : ຜູ້ນຳທີ່ຍິ່ງໃຫຍ່ຮູ້ວ່າຕ້ອງເຮັດຫຍັງໃຫ້ໄດ້ໃຈ ລູກທີມໄຫວພິບຈຶ່ງເປັນສິ່ງສຳຄັນຫລາຍທີ່ຈະເບິ່ງແຍງລູກທີມໄດ້ຢ່າງຖືກຈຸດ.
  15. ຟັງຫລາຍກ່ວາເວົ້າ : ຜູ້ນຳທີ່ດີບໍ່ໃຊ້ການສົນທະນາເປັນໂອກາດໃນການຍ້ອງຍໍຕົນເອງ, ແຕ່ຈະຮຽນຮູ້ຈາກຄູ່ສົນທະນາໃຫ້ໄດ້ຫລາຍທີ່ສຸດເທົ່າທີ່ຈະເປັນໄປໄດ້ ການມິດງຽບເພື່ອຟັງຈຶ່ງເປັນການເປີດຄັງຄວາມຮູ້ຄັ້ງໃຫຍ່.
  16. ໃສ່ໃຈກັບລາຍລະອຽດ : ຜູ້ນຳທີ່ປະສົບຄວາມສຳເລັດຈະຮູ້ເຖິງຄວາມຮັບຜິດຊອບ ແລະ ຜົນງານຂອງລູກທີມ ໂດຍບໍ່ໄປກ້າວກ່າຍລາຍລະອຽດໃນການເຮັດວຽກ, ແຕ່ຈະເບິ່ງລາຍລະອຽດເຫລົ່ານັ້ນຢູ່ຫ່າງໆ ແລະ ພ້ອມຮັບຟັງສະເໝີ.
  17. ຝັກໄຝ່ຕັ້ງໃຈ : ຜູ້ນຳທີ່ດີຮຽນຮູ້ຈາກຄວາມຜິດພາດ ແລະ ໃຊ້ມັນເປັນບົດຮຽນໃນການໄປສູ່ເສັ້ນໄຊ ໂດຍຈິດໃຈທີ່ຝັກໄຝ່ຈະເຮັດໃຫ້ເບິ່ງຂ້າມຄວາມຫຍໍ້ທໍ້ນັ້ນ ແລ້ວກ້າວໄປສູ່ບົດຮຽນຕໍ່ໄປໄດ້ຢ່າງເຂັ້ມແຂງ.
  18. ຮັບຟັງຄຳວິຈານ : ຄົນທ່ີໃຈຮ້າຍ ຫລືບໍ່ພໍໃຈເມື່ອໄດ້ຮັບຟັງຄຳວິຈານບໍ່ສາມາດເປັນຜູ້ນຳທີ່ປະສົບຄວາມສຳເລັດໄດ້ ເພາະຜູ້ທີ່ຍິ່ງໃຫຍ່ຈະເບິ່ງຂ້າມຄຳວິຈານນ້ອຍໆແລ້ວກ້າວຕໍ່ໄປ ຫລື ນຳເອົາຄຳວິຈານເຫລົ່ານັ້ນກັບມາປັບປຸງໂຕ.
  19.  ຄວບຄຸມໂຕເອງໄດ້ : ຜູ້ນຳອາດສູນເສຍຄວາມເຄົາລົບຈາກຜູ້ໃຕ້ບັງຄັບບັນຊາໄດ້ ຫາກປ່ອຍໃຫ້ໂຕເອງເຮັດຫຍັງເກີນໄປ ຢູ່ຕະຫລອດ ຄວບຄຸມໂຕເອງກ່ອນທີ່ຈະມີບັນຫາພາຍຫລັງ ຈຶ່ງເປັນຄຳຕອບທີ່ຖືກຕ້ອງ.
- lattana 1 - 19 ຄຸນສົມບັດຂອງຄົນປະສົບຄວາມສຳເລັດທີ່ຢາກໃຫ້ໂລກຮູ້
error: Content is protected !!