ສອງສາວມືຂ້າອ້າຍຜູ້ນຳ ສປປ ເກົາຫລີ ປະຕິເສດທຸກຂໍ້ກ່າວຫາ

- advert banner 728 90 728x90 - ສອງສາວມືຂ້າອ້າຍຜູ້ນຳ ສປປ ເກົາຫລີ ປະຕິເສດທຸກຂໍ້ກ່າວຫາ

- 1506913063676 960x0 - ສອງສາວມືຂ້າອ້າຍຜູ້ນຳ ສປປ ເກົາຫລີ ປະຕິເສດທຸກຂໍ້ກ່າວຫາ

- new3 - ສອງສາວມືຂ້າອ້າຍຜູ້ນຳ ສປປ ເກົາຫລີ ປະຕິເສດທຸກຂໍ້ກ່າວຫາ

ຍິງ​ຊາວ​ຫວຽດນາມ ​ແລະ ມາ​ເລ​ເຊຍ ​ເຊິ່ງ​ເປັນ​ຜູ້​ຕ້ອງ​ຫາ​ໃນ​ຄະດີ​ລອບ​ສັງຫານ​ອ້າຍ​ຄົນ​ລະ​ແມ່​ຂອງ​ທ່ານ ກິມ ຈອງ ອິນ ຜູ້ນຳສູງ​ສຸດຂອງ ສປປ ​ເກົາຫລີ ​ໃຫ້ການ​ປະຕິ​ເສດ​ທຸກ​ຂໍ້​ກ່າວ​ຫາ​ຕໍ່​ສານ​ສູງ​ນະຄອນຫລວງ​ກົວ​ລາ​ລຳ​ເປີ.

- s4 - ສອງສາວມືຂ້າອ້າຍຜູ້ນຳ ສປປ ເກົາຫລີ ປະຕິເສດທຸກຂໍ້ກ່າວຫາ
ນາງ ດວນ ທິ ຮວງ ຊາວຫວຽດນາມ

 

- B4B3A9D5 6014 499F 9A98 061878777FB0 w1023 r1 s - ສອງສາວມືຂ້າອ້າຍຜູ້ນຳ ສປປ ເກົາຫລີ ປະຕິເສດທຸກຂໍ້ກ່າວຫາ
ນາງ ຊິຕີ ໄອຊາ ຊາວອິນໂດເນເຊຍ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ກົວ​ລາ​ລຳ​ເປີ ປະ​ເທດ​ມາ​ເລ​ເຊຍ ​ໃນ​ວັນ​ທີ 2 ຕຸລາ​ວ່າ: ສານນະຄອນຫລວງ​ກົວ​ລາ​ລຳ​ເປີ ​ໄດ້​ມີ​ການ​ສືບສວນ​ເທື່ອ​ທຳ​ອິດ​ໃນ​ຄະດີ​ທີ່​ນາງ ຊິ​ຕີ ​ໄອ​ຊາ ຊາວ​ອິນ​ໂດ​ເນ​ເຊຍ ອາຍຸ 25 ປີ ​ແລະ ນາງ ດວນ ທິ ຮວງ ຊາວ​ຫວຽດນາມ ອາຍຸ 29 ປີ ​ເປັນ​ຜູ້​ຕ້ອງ​ຫາ​ໃນ​ຄະດີ​ລອບ​ສັງຫານ​ທ່ານ ກິມ ຈອງ ນຳ ອ້າຍ​ຄົນ​ລະ​ແມ່​ຂອງ​ທ່ານ ກິມ ຈອງ ອິນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ​ໂດຍ​ການ​ໃຊ້​ສານພິດ​ວີ​ເອັກ ​ເຊິ່ງມີ​ລິດ​ທຳລາຍ​ລະບົບ​ປະສາດ ​ແລະ ​ເປັນ​ອາວຸດ​ເຄມີ​ຕ້ອງ​ຫ້າມ​ຕາມ​ສົນທິສັນຍາ​ສາກົນ ທາ​ໃສ່​ໃບ​ໜ້າ​ຂອງທ່ານ ກິມ ຈອງ ນຳ ລະຫວ່າງ​ທີ່​ເປົ້າໝາຍ​ຍ່າງ​ຢູ່​ພາຍ​ໃນ​ສະໜາມ​ບິນ​ສາກົນ​ກົວ​ລາ​ລຳ​ເປີ ​ໃນ​ວັນ​ທີ 13 ກຸມພາ​ຜ່ານ​ມາ.

- lattana 1 - ສອງສາວມືຂ້າອ້າຍຜູ້ນຳ ສປປ ເກົາຫລີ ປະຕິເສດທຸກຂໍ້ກ່າວຫາ
- 170214122456 03 kim jong nam file 0214 restricted super tease - ສອງສາວມືຂ້າອ້າຍຜູ້ນຳ ສປປ ເກົາຫລີ ປະຕິເສດທຸກຂໍ້ກ່າວຫາ
ທ່ານ ກິມ ຈອງ ນຳ

​ເຖິງ​ຢ່າງ​ໃດ​ກໍ​ຕາມ, ຈຳ​ເລີຍ​ທັງ​ສອງ​ຄົນ​ໃຫ້ການ​ປະຕິ​ເສດ​ທຸກ​ຂໍ້​ກ່າວ​ຫາ ລວມທັງ​ຂໍ້​ຫາ​ເຈດ​ຕະນາ​ຂ້າ ​ເຊິ່ງມີ​ບົດ​ລົງ​ໂທດ​ຂັ້ນສູງ​ສຸດ​ຄື​ການ​ປະຫານ​ຊີວິດ ​ໂດຍ​ຢືນຢັນ​ບໍ່​ຮູ້​ວ່າ​ເຫດການ​ທີ່​ເກີດ​ຂຶ້ນ​ເປັນ​ ​“​ເລື່ອງ​ແທ້” ​ເນື່ອງ​ຈາກ​ໄດ້​ຮັບ​ການ​ຕິດ​ຕໍ່​ໃຫ້​ເຂົ້າຮ່ວມ​ລາຍການສົດ​ທີ່​ຢອກ​ຫລິ້ນກັນ​ເທົ່າ​ນັ້ນ, ​ແຕ່​ສຳນວນ​ຄະດີ​ຂອງ​ໄອ​ຍະ​ການ​ລະບຸ​ວ່າ: ຈຳ​ເລີຍ​ທັງ​ສອງ​ມີ​ການ​ເຝິກຊ້ອມ​​ໂຈມ​ຕີ​ຫລາຍ​ຄັ້ງ ຢູ່​ສູນ​ການ​ຄ້າ​ແຫ່ງ​ໜຶ່ງ ​ໃນ​ນະຄອນຫລວງ​ກົວ​ລາ​ລຳ​ເປີ ກ່ອນ​ລົງມື​ກໍ່​ເຫດ​ຕົວ​ຈິງ. ຂະນະ​ທີ່​ທະນາຍຄວາມ​ຂອງ​ຈຳ​ເລີຍ​ຮຽກຮ້ອງ​ໃຫ້​ສານ​ເປີດ​ເຜີຍ​ຂໍ້​ມູນ​ຂອງ​ຜູ້​ຕ້ອງ​ສົງ​ໄສ​ຊາວ ສປປ ​ເກົາຫລີ ອີກ 4 ຄົນ ​ເຊິ່ງຍັງ​ຫລົບໜີ​ຢູ່.

ທັງ​ນີ້, ຂະ​ບວນການ​ພິຈາລະນາ​ຄະດີ​ຈະ​ດຳ​ເນີນ​ໄປ​ຮອດ​ວັນ​ທີ 30 ພະຈິກ​ນີ້ ​ໂດຍ​ສານ​ນັດ​ສອບ​ສວນ​ພະຍານອີກ​ປະມານ 40 ຄົນ.

error: Content is protected !!