UN ຄາດຄະເນ ການທ່ອງທ່ຽວທົ່ວໂລກໃນປີນີ້ ຈະສູງກວ່າລະດັບກ່ອນການລະບາດໃຫຍ່

UN ຄາດຄະເນ ການທ່ອງທ່ຽວທົ່ວໂລກໃນປີນີ້ ຈະສູງກວ່າລະດັບກ່ອນການລະບາດໃຫຍ່ - kitchen vibe - UN ຄາດຄະເນ ການທ່ອງທ່ຽວທົ່ວໂລກໃນປີນີ້ ຈະສູງກວ່າລະດັບກ່ອນການລະບາດໃຫຍ່

ອົງການການທ່ອງທ່ຽວໂລກ (UNWTO) ເຊິ່ງເປັບໜ່ວຍງານພິເສດດ້ານການທ່ອງທ່ຽວຂອງສະຫະປະຊາຊາດ (UN) ແລະ ມີສໍານັກງານໃຫຍ່ຢູ່ນະຄອນຫລວງມາດຣິດ ລະບຸວ່າ: ລະດັບການທ່ອງທ່ຽວລະຫວ່າງປະເທດຈະສູງກວ່າລະດັບກ່ອນການລະບາດຂອງພະຍາດໂຄວິດ-19 ເລັກໜ້ອຍ ໃນປີ 2024 ໂດຍໄດ້ຮັບແຮງໜູນຈາກການຟື້ນຕົວໃນທະວີບອາຊີ.

ວັນທີ 21 ມັງກອນ, ສໍານັກຂ່າວຕ່າງປະເທດລາຍງານວ່າ: UNWTO ລະບຸໃນຖະແຫລງການວ່າ: ການທ່ອງທ່ຽວລະຫວ່າງປະເທດຄາດວ່າຈະກັບສູ່ລະດັບກ່ອນການລະບາດໃຫຍ່ໃນປີ 2024 ເຊິ່ງການຄາດຄະເນເບື້ອງຕົ້ນຊີ້ວ່າ: ພາກສ່ວນນີ້ຈະເຕີບໃຫຍ່ 2% ເໜືອລະດັບໃນປີ 2019.

UN ຄາດຄະເນ ການທ່ອງທ່ຽວທົ່ວໂລກໃນປີນີ້ ຈະສູງກວ່າລະດັບກ່ອນການລະບາດໃຫຍ່ - Visit Laos Visit SALANA BOUTIQUE HOTEL - UN ຄາດຄະເນ ການທ່ອງທ່ຽວທົ່ວໂລກໃນປີນີ້ ຈະສູງກວ່າລະດັບກ່ອນການລະບາດໃຫຍ່

ຕົວເລກໃນປີຜ່ານມາສະແດງໃຫ້ເຫັນວ່າ: ມີນັກທ່ອງທ່ຽວເດີນທາງໄປຕ່າງປະເທດ 1.300 ລ້ານຄົນ ເຊິ່ງສູງກວ່າໃນປີ 2022 ແລະ ປີ 2021 ເຖິງ 44% ແລະ 88% ຕາມລໍາດັບ.

ເຖິງວ່າ UNWTO ຄາດຄະເນເຖິງການຟື້ນຕົວຢ່າງແຂງແຮງໃນຕະຫລາດອາຊີ, ແຕ່ລະບຸອີກວ່າ: ການເພີ່ມຂຶ້ນຫລາຍທີ່ສຸດຢູ່ຕາເວັນອອກກາງ ເຊິ່ງເປັນພາກພື້ນດຽວທີ່ມີຕົວເລກສູງກວ່າລະດັບກ່ອນການລະບາດຂອງພະຍາດໂຄວິດ-19 ໃນປີ 2019 ຢູ່ລະດັບ 22%.

ອີກດ້ານໜຶ່ງ, ອາຊີ-ປາຊີຟິກ ເປັນພາກພື້ນທີ່ມີການຟື້ນຕົວຢູ່ໃນລະດັບຕໍ່າສຸດຂອງໂລກ ໂດຍຢູ່ລະດັບ 65% ຂອງລະດັບກ່ອນການລະບາດໃຫຍ່ ເຖິງວ່າຈີນຍົກເລີກຂໍ້ຈໍາກັດດ້ານສາທາລະນະສຸກໃນປີຜ່ານມາກໍຕາມ.

ທັງນີ້, ການທ່ອງທ່ຽວຂອງຈີນຄາດວ່າຈະເຕີບໃຫຍ່ຢ່າງວ່ອງໄວໃນປີນີ້ ເນື່ອງຈາກລັດຖະບານປັກກິ່ງອອກນະໂຍບາຍຟຣີວີຊ່າ ສໍາລັບນັກເດີນທາງຈາກ 6 ປະເທດ ໄດ້ແກ່ ຝຣັ່ງ, ເຢຍລະມັນ, ອິຕາລີ, ເນເທີແລນ, ສະເປນ ແລະ ມາເລເຊຍ ຈົນຮອດເດືອນພະຈິກນີ້.

ເຖິງຢ່າງໃດກໍຕາມ, UNWTO ລະບຸວ່າ: ການຄາດຄະເນໃນປີ 2024 ຍັງຂຶ້ນຢູ່ກັບອັດຕາການຟື້ນຕົວໃນອາຊີ ແລະ ວິວັດທະນາການຂອງຄວາມສ່ຽງດ້ານລົບທາງເສດຖະກິດ ແລະ ທາງພູມສາດທີ່ມີຢູ່ ໂດຍສະເພາະສົງຄາມອິດສະລາແອນ-ຮາມັດ ແລະ ເສດຖະກິດໂລກທີ່ບໍ່ໝັ້ນຄົງ.

UN ຄາດຄະເນ ການທ່ອງທ່ຽວທົ່ວໂລກໃນປີນີ້ ຈະສູງກວ່າລະດັບກ່ອນການລະບາດໃຫຍ່ - 4 - UN ຄາດຄະເນ ການທ່ອງທ່ຽວທົ່ວໂລກໃນປີນີ້ ຈະສູງກວ່າລະດັບກ່ອນການລະບາດໃຫຍ່
UN ຄາດຄະເນ ການທ່ອງທ່ຽວທົ່ວໂລກໃນປີນີ້ ຈະສູງກວ່າລະດັບກ່ອນການລະບາດໃຫຍ່ - 3 - UN ຄາດຄະເນ ການທ່ອງທ່ຽວທົ່ວໂລກໃນປີນີ້ ຈະສູງກວ່າລະດັບກ່ອນການລະບາດໃຫຍ່
UN ຄາດຄະເນ ການທ່ອງທ່ຽວທົ່ວໂລກໃນປີນີ້ ຈະສູງກວ່າລະດັບກ່ອນການລະບາດໃຫຍ່ - 5 - UN ຄາດຄະເນ ການທ່ອງທ່ຽວທົ່ວໂລກໃນປີນີ້ ຈະສູງກວ່າລະດັບກ່ອນການລະບາດໃຫຍ່