ພາຍຸລະດູໜາວພັດຖະຫລົ່ມອາເມລິກາ ມີຜູ້ເສຍຊີວິດເກືອບ 90 ຄົນ
ທາງການອາເມລິກາ ລາຍງານວ່າ: ມີຜູ້ເສຍຊີວິດຈາກສະພາບອາກາດໜາວແລ້ວເກືອບ 89 ຄົນ ໃນຫລາຍພື້ນທີ່ທົ່ວປະເທດ ຫລັງຜະເຊີນພາຍຸລະດູໜາວຄັ້ງຮຸນແຮງໃນທ້າຍອາທິດຜ່ານມາ.
ໃນຈໍານວນຜູ້ເສຍຊີວິດຢ່າງໜ້ອຍ 25 ຄົນ ພົບຢູ່ລັດເທນເນສຊີ ແລະ 16 ຄົນ ຢູ່ລັດອໍຣິກອນ ໂດຍ 3 ຄົນ ເສຍຊີວິດຈາກໄຟຟ້າຊ໊ອດ ຫລັງກະແສລົມແຮງເຮັດໃຫ້ເສົາໄຟຟ້າລົ້ມທັບລົດຂອງພວກເຂົາທີ່ກໍາລັງເດີນທາງ ເຊິ່ງທາງການໄດ້ປະກາດສະຖານະການສຸກເສີນເພື່ອຮັບມືສະຖານະການແລ້ວ.
ນອກຈາກນີ້ ຍັງມີຜູ້ເສຍຊີວິດຫລາຍຄົນຈາກອຸປະຕິເຫດທາງລົດ ທ່າມກາງສະພາບອາກາດໜາວຈາກຫິມະ ແລະ ຄາບນໍ້າແຂງທີ່ປົກຄຸມຖະໜົນ ໂດຍຢູ່ລັດເຄນທັກກີພົບຜູ້ເສຍຊີວິດ 5 ຄົນ ແລະ ລັດອິລິນອຍ 4 ຄົນ, ສ່ວນຢູ່ເມືອງຊີແອດເທິລ ພົບຄົນບໍ່ມີເຮືອນຢູ່ 5 ຄົນເສຍຊີວິດຈາກອາກາດໜາວຈັດໃນໄລຍະ 4 ວັນຜ່ານມາ.
ໃນຫລາຍພື້ນທີ່ຂອງປະເທດຍັງເກີດກະແສໄຟຟ້າດັບກະທົບປະຊາຊົນຫລາຍໝື່ນຄົນ ໂດຍສະພາບອາກາດທີ່ໜາວເຢັນແບບນີ້ຄາດວ່າຈະເກີດຕໍ່ເນື່ອງໄປຈົນຮອດກາງອາທິດ.
ອ້າງອີງ:
- https://www.bbc.com/news/world-us-canada-68049923
- https://time.com/6564738/arctic-blast-dangerous-weather-forecast-us-death-toll/
