ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ

ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ - 422911407 734032985497062 3313399799315786186 n - ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ
ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ - kitchen vibe - ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ

ວັນທີ 31 ມັງກອນ 2024, ກອງປະຊຸມໄອຍະການ ລາວ-ໄທ ຄັ້ງທີ 1 ກ່ຽວກັບການຮ່ວມມືຕ້ານອາຊະຍາກຳຂ້າມຊາດ ທີ່ຕິດພັນກັບບັນຫາຢາເສບຕິດ ພາຍໃຕ້ການເປັນປະທານຮ່ວມຂອງ ທ່ານ ຄຳເພັດ ສົມວໍລະຈິດ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ທ່ານ ຈູມພົນ ພັນສໍາລິດ ຮອງຫົວໜ້າອົງການໄອຍະການສູງສຸດ ແຫ່ງ ຣາຊະອານາຈັກໄທ.

ທ່ານ ຄຳເພັດ ສົມວໍລະຈິດ ໄດ້ມີຄໍາເຫັນວ່າ: ກອງປະຊຸມໃນຄັ້ງນີ້, ຖືເປັນໂອກາດອັນດີ ໃຫ້ຄະນະຜູ້ແທນຂອງສອງປະເທດ ໄດ້ແລກປ່ຽນບົດຮຽນ, ຄວາມຮູ້ ແລະ ປະສົບການ ກ່ຽວກັບການປະຕິບັດວຽກງານຕົວຈິງ ໃນການປະຕິບັດສົນທິສັນຍາ, ກົດໝາຍ, ລະບຽບການ ກ່ຽວກັບການດຳເນີນຄະດີຢາເສບຕິດ ແລະ ການຕ້ານອາຊະຍາກຳຂ້າມຊາດ, ປຶກສາຫາລື, ແລກປ່ຽນຂໍ້ມູນຂ່າວສານ, ບົດຮຽນ, ພາກປະຕິບັດອັນດີ ເພື່ອແກ້ໄຂອຸປະສັກ ແລະ ສິ່ງທ້າທາຍ ລວມທັງຂໍ້ສະເໜີແນະນຳທີ່ເປັນປະໂຫຍດ ແລະ ປະຕິບັດໄດ້ໃນການຕໍ່ສູ້ຕ້ານການຄ້າຢາເສບຕິດ ແລະ ອາຊະຍາກຳຂ້າມຊາດ ຢ່າງມີປະສິດທິຜົນ ໂດຍເອກະພາບກັນວ່າ ອາຊະຍາກຳຂ້າມຊາດ ເວົ້າລວມ ບັນຫາຢາເສບຕິດ ໄດ້ເປັນອັນຕະລາຍ ແລະ ສົ່ງຜົນກະທົບໂດຍກົງ ຕໍ່ການພັດທະນາເສດຖະກິດ-ສັງຄົມ, ຊີວິດ, ສຸຂະ ພາບຂອງປະຊົນ, ກໍ່ຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍຂອງສັງຄົມ ຂອງສອງປະເທດ ລາວ-ໄທ.

ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ - Visit Laos Visit SALANA BOUTIQUE HOTEL - ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ

ເພື່ອຕ້ານອາຊະຍາກຳດັ່ງກ່າວ, ສປປ ລາວ ແລະ ຣາຊະອານາຈັກໄທ ຕ້ອງຮ່ວມມືກັນຢ່າງໃກ້ຊິດທາງດ້ານນະໂຍບາຍ, ສົນທິສັນຍາ, ກົດໝາຍ ແລະ ການຮ່ວມມືທາງການ ແລະ ບໍ່ເປັນທາງການ ໃນຂັ້ນສູນກາງ ແລະ ທ້ອງຖິ່ນ ໂດຍສະເພາະ ການຮ່ວມມື ລະຫວ່າງ ອົງການໄອຍະການປະຊາຊົນ ແຂວງ ທີ່ມີຊາຍແດນຕິດຈອດກັນ ຂອງສອງປະເທດ; ການຮ່ວມມືກັນທາງດ້ານກົດໝາຍໃນບັນຫາອາຍາ, ການຮ່ວມມືລະຫວ່າງປະເທດທາງອາຍາ, ການສົ່ງຜູ້ຮ້າຍຂ້າມແດນ ໄດ້ເປັນວິທີປະຕິບັດທາງການ ເພື່ອໃຫ້ການຊ່ວຍເຫລືອ ເຊິ່ງກັນ ແລະ ກັນ ລະຫວ່າງ ສປປ ລາວ ແລະ ຣາຊະອານາຈັກໄທ ໃນການຕ້ານບັນຫາຢາເສບຕິດ ແລະ ອາຊະຍາກຳຂ້າມຊາດອື່ນໆ ຂອງສອງປະເທດ ກໍຄື ໃນພາກພື້ນ ຢ່າງມີປະສິດທິຜົນ. ພ້ອມກັນນັ້ນ ກອງປະຊຸມກໍເຫັນວ່າ ການແລກປ່ຽນຂໍ້ມູນຂ່າວສານ ທີ່ບໍ່ເປັນທາງການຂອງຄະນະກຳມະການ ຮັກສາຄວາມເປັນລະບຽບຮຽບຮ້ອຍຕາມຊາຍແດນ ລາວ-ໄທ, ໄທ-ລາວ ຂັ້ນແຂວງ ກໍມີຄວາມສຳຄັນ ແລະ ຈຳເປັນ, ຄຽງຄູ່ກັບການຊ່ວຍເຫລືອທາງດ້ານກົດໝາຍໃນບັນຫາອາຍາທາງການ, ປະກອບສ່ວນສຳຄັນ ເຂົ້າໃນການຕ້ານອາຊະຍາກຳຂ້າມຊາດ ທີ່ຕິດພັນກັບບັນຫາຢາເສບຕິດ ທີ່ກໍ່ຂຶ້ນໃນ ສປປ ລາວ ແລະ ຣາຊະອານາຈັກໄທ ໂດຍສະເພາະໃນບໍລິເວນຊາຍແດນຂອງສອງປະເທດ, ຍົກສູງປະສິດທິພາບຂອງການດຳເນີນຄະດີຢາເສບຕິດຂອງ ສປປ ລາວ, ນຳເອົາຜູ້ກະທຳຜິດມາລົງໂທດຕາມກົດໝາຍ, ເພີ່ມທະວີການຮ່ວມມືວຽກງານໄອຍະການ ລາວ-ໄທ, ເຮັດໃຫ້ສັງຄົມ ມີຄວາມເປັັນລະ ບຽບຮຽບຮ້ອຍ ຢ່າງບໍ່ຢຸດຢັ້ງ.

 

ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ - 5 - ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ
ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ - 3 - ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ
ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ - 4 - ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ ຕິດພັນກັບບັນຫາຢາເສບຕິດ