ສຶກສາຄວາມເປັນໄປໄດ້ການປັບປຸງຊົນລະປະທານນໍ້າຫຸມ ແລະ ນໍ້າຊວງເມືອງນາຊາຍທອງ

- Namhoum - ສຶກສາຄວາມເປັນໄປໄດ້ການປັບປຸງຊົນລະປະທານນໍ້າຫຸມ ແລະ ນໍ້າຊວງເມືອງນາຊາຍທອງ
- Untitled design - ສຶກສາຄວາມເປັນໄປໄດ້ການປັບປຸງຊົນລະປະທານນໍ້າຫຸມ ແລະ ນໍ້າຊວງເມືອງນາຊາຍທອງ

ພິທີລົງນາມບົດບັນທຶກຄວາມເຂົ້າໃຈ (MOU) ໃນການສຶກສາຄວາມເປັນໄປໄດ້ໂຄງການປັບປຸງຊົນລະປະທານນໍ້າຫຸມ ແລະ ນໍ້າຊ່ວງເມືອງນາຊາຍທອງນະຄອນຫລວງວຽງຈັນໄດ້ມີຂຶ້ນເມື່ອທ້າຍອາທິດຜ່ານມານີ້, ຢູ່ທີ່ກົມຊົນລະປະທານກະຊວງກະຊິກໍາ-ປ່າໄມ້ລະຫວ່າງ ໄມກອງ ພອນພົມມະວົງ ຫົວໜ້າກົມຊົນລະປະທານ ແລະ ທ່ານ ລິວຢູນເປັງ ຮອງປະທານລັດວິສາຫະກິດວິສະວະກໍາພະລັງງານ ສປຈີນ (SINO MEC), ໂດຍມີຮອງລັດຖະມົນຕີກະຊວງກະສິກໍາ-ປ່າໄມ້, ຮອງເຈົ້າຄອງນະຄອນຫລວງ, ຮອງເຈົ້າແຂວງວຽງຈັນ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ຫົວໜ້າກົມຊົນລະປະທານ ກ່າວວ່າ: ​ຊົນລະປະທານ​ນ້ຳຫຸມ ​ແລະ ນ້ຳຊວງ ​ເປັນ​ໂຄງການ​ຈຸດ​ສຸມ​​ບູລິ​ມະ​ສິດ​ຂອງ​ລັດຖະບານ ​ສ້າງຂຶ້ນໃນປີ 1978 ເພື່ອສະໜອງນໍ້າ​ໃຫ້​ຊາວ​ກະສິກອນ​ໃນ​ເຂດ​ເມືອງ​ນາ​ຊາຍ​ທອງນະຄອນຫລວງ​ວຽງ​ຈັນ ​ແລະ ​ເມືອງ​ໂພນ​ໂຮງ​ແຂວງ​ວຽງ​ຈັນ, ​ໄດ້​ທໍາ​ການ​ຜະລິດກະສິກຳປູກ​ເຂົ້າ, ພືດ ​ແລະ ລ້ຽງສັດ​ໄດ້​ທັງ 2 ລະດູຄື​ລະດູ​ແລ້ງ ​ແລະ ລະດູຝົນ ​ເພື່ອ​ຮັບປະກັນ​ຄວາມ​ໝັ້ນຄົງ​ທາງ​ດ້ານ​ສະບຽງ​ອາຫານ, ຫລຸດຜ່ອນ​ຄວາມທຸກ​ຍາກ​ຂອງ​ປະຊາຊົນ ​ແລະ ຜະລິດ​ໃຫ້​ກາຍ​ເປັນ​ສິນຄ້າ ແລະ ເພື່ອບັນລຸເປົ້າໝາຍດັ່ງກ່າວ, ກໍຄືຮັບປະກັນ​ໃຫ້​ມີນ້ຳຮັບ​ໃຊ້​ການຜະລິດ​ໃຫ້​ພຽງພໍ, ຈຶ່ງມີ​ຄວາມ​ຈຳ​ເປັນ​ຕ້ອງ​ໄດ້​ສຶກສາ​ທ່າ​ແຮງ​ຂອງ​ແຫ​ລ່ງນ້ຳກໍ​ຄື​ຊັບພະຍາກອນ​ນ້ຳຄື່ນ​ໃໝ່, ຍ້ອນ​ສະພາບ​ດິນ​ຟ້າ​ອາກາດ​ມີ​ການ​ປ່ຽນ​ແປງ, ສົມທົບ​ໃສ່​​ດ້ານ​ໂຄງ​ລ່າງ​ຂອງ​ໂຄງການ​ເກົ່າ​ແກ່​ຊຸດ​ໂຊມ, ຈຶ່ງ​ມີ​ຄວາມ​ຈຳ​ເປັນ​ຕ້ອງ​ໄດ້​ຟື້ນຟູ​ສ້ອມ​ແປງ, ຍົກ​ລະດັບ​ໂຄງການ​ໄປ​ສູ່​ທັນ​ສະ​ໄໝ, ຮັບປະກັນ​ໃຫ້​ແກ່​ການ​ສະໜອງ​ນ້ຳ​ໃນ​ເຂດ 2 ​ໂຄງການ​ທີ່ມີ​ເນື້ອທີ່​ປະມານ 7.600 ​ເຮັກຕາ, ​ເຊິ່ງ​ການ​ສຶກສາ​ຄວາມ​ເປັນ​ໄປ​ໄດ້ນີ້ແມ່ນ​ບາດກ້າວ​​ສຳຄັນ​ກ່ອນ​ຈະ​ເຖິງ​ຂັ້ນຕອນ​ຂອງ​ການ​ພັດທະນາ​ໂຄງການ ແລະ ເຊື່ອໝັ້ນວ່າ ລັດ​ວິ​ສາ​ຫະກິດ​ວິສະວະກຳ​ພະລັງງານ​ຂອງ​ຈີນນີ້, ຈະ​ນຳ​ເອົາ​ເຕັກນິກ​ວິຊາ​ການ​ແລະ ປະສົບການ, ພ້ອມທັງທຶນຮອນສຸມໃສ່ເຂົ້າໃນການ​ສຶກສາ​ຄວາມ​ເປັນ​ໄປ​ໄດ້​ຂອງ​ໂຄງການ​ດັ່ງກ່າວສໍາເລັດຕາມແຜນການວາງໄວ້.

+ສຶກສາຄວາມເປັນໄປໄດ້ໂຄງການຊົນລະປະທານກຸດຟ້າແມບຢູ່ເມືອງທ່າພະບາດ

- Wave100S AD to Website 2020 0 - ສຶກສາຄວາມເປັນໄປໄດ້ການປັບປຸງຊົນລະປະທານນໍ້າຫຸມ ແລະ ນໍ້າຊວງເມືອງນາຊາຍທອງ
- WhatsApp Image 2020 05 27 at 5 - ສຶກສາຄວາມເປັນໄປໄດ້ການປັບປຸງຊົນລະປະທານນໍ້າຫຸມ ແລະ ນໍ້າຊວງເມືອງນາຊາຍທອງ
- WhatsApp Image 2020 05 27 at 5 - ສຶກສາຄວາມເປັນໄປໄດ້ການປັບປຸງຊົນລະປະທານນໍ້າຫຸມ ແລະ ນໍ້າຊວງເມືອງນາຊາຍທອງ
error: Alert: ເນື້ອຫາຂ່າວມີລິຂະສິດ !!