ທະນາຄານແຫ່ງ ສປປ ລາວ ຫວນຄືນມູນເຊື້ອວັນສຳຄັນຂອງຊາດ

- advert banner 728 90 728x90 - ທະນາຄານແຫ່ງ ສປປ ລາວ ຫວນຄືນມູນເຊື້ອວັນສຳຄັນຂອງຊາດ

ເມື່ອບໍ່ດົນມານີ້, ທະນາຄານແຫ່ງ ສປປ ລາວ (ທຫລ) ໄດ້ຈັດພິທີປາຖະກະຖາຫວນຄືນມູນເຊື້ອວັນປະຫວັດສາດສໍາຄັນຄື: ວັນສົນທິສັນຍາມິດຕະພາບ ແລະ ການຮ່ວມມືຄົບຮອບ 40 ປີ (18 ກໍລະກົດ 1977-18 ກໍລະກົດ 2017) ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມຄົບຮອບ 55 ປີ (5 ກັນຍາ 1962-5 ກັນຍາ 2017), ວັນສ້າງຕັ້ງອາຊຽນຄົບຮອບ 50 ປີ (8 ສິງຫາ 1967-8 ສິງຫາ 2017), ໂດຍການປາຖະກາຖາຂອງທ່ານ ຄໍາວົງ ທິບພະວົງ ຮອງຜູ້ວ່າການທະນາຄານທະນາຄານແຫ່ງ ສປປ ລາວ, ມີພະນັກງານຫລັກແຫລ່ງພາຍໃນ ທຫລ ແລະ ຜູ້ຕາງໜ້າຈາກທະນາຄານທຸລະກິດເຂົ້າຮ່ວມເປັນຈໍານວນຫລາຍ.

- new3 - ທະນາຄານແຫ່ງ ສປປ ລາວ ຫວນຄືນມູນເຊື້ອວັນສຳຄັນຂອງຊາດ

ຮອງຜູ້ວ່າການທະນາຄານໄດ້ຍົກໃຫ້ເຫັນມູນເຊື້ອແຫ່ງການພົວພັນ ແລະ ຮ່ວມມືລະຫວ່າງລາວ ແລະຫວຽດ ນາມ, ຊຶ່ງເປັນ 2 ຊາດທີ່ມີຄວາມສາມັກຄີ ແລະ ຊ່ວຍເຫລືອເຊິ່ງກັນ ແລະ ກັນມາຕັ້ງແຕ່ບູຮານນະການ, ເປັນ 2 ຊາດທີ່ມີສາຍ ພູ, ແມ່ນ້ຳລຳເຊໄຫລເຂົ້າຫາກັນ, ໂດຍສະເພາະມີສາຍພູຫລວງ ແລະ ແມ່ນ້ຳຫລາຍສາຍທີ່ປະຊາຊົນສອງປະເທດໄດ້ຮ່ວມກັນດຳລົງຊີວິດຢູ່ດ້ວຍຄວາມຮັກ ແພງກາຍເປັນມູນເຊື້ອແຫ່ງຄວາມບໍລິສຸດຜຸດຜ່ອງ, ປະເສີດເລີດລ້ຳ ແລະ ຫາໄດ້ຍາກໃນການຮ່ວມມືສາກົນ, ນັບແຕ່ທ່ານປະທານ ໂຮ່ຈິມິງ ນັກຮົບຜູ້ລໍ້າເລີດຂອງຂະບວນການກອມມູນິດສາກົນໄດ້ນຳເອົາລັດທິມາກ-ເລນິນ ເຂົ້າມາສົມທົບ ກັບລັດທິຮັກຊາດ ແລະ ໄດ້ສ້າງຕັ້ງພັກກອມມູນິດອິນດູຈີນໃນປີ 1930 ຊຶ່ງເປັນກົກເຄົ້າເຫງົ້າກໍຂອງພັກກອມມູນິດຫວຽດນາມ ແລະ ພັກປະຊາຊົນປະຕິວັດລາວ, ອັນໄດ້ເຮັດໃຫ້ສາຍພົວພັນນັບມື້ໄດ້ຮັບການເປີດກວ້າງ ແລະ ກ້າວສູ່ລວງເລິກ. ຜ່ານຂະບວນວິວັດແຫ່ງການຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານ, ການຮ່ວມສຳພັນສູ້ຮົບລະຫວ່າງການປະຕິວັດລາວກັບການປະຕິວັດຫວຽດນາມ ຍິ່ງເປັນອັນພິເສດທີ່ຫາຍາກເພາະມັນເປັນການດຳລົງຄົງຕົວຂອງທັງ 2 ຊາດ ເພື່ອເອກະລາດ, ຄວາມໝັ້ນຄົງ ແລະ ການຂະຫຍາຍຕົວຂອງທັງ 2 ປະເທດ, ໃນໄລຍະໃໝ່ນີ້, ປະຊາຊົນລາວ-ຫວຽດນາມຍິ່ງມີເງື່ອນໄຂຮັດແໜ້ນນ້ຳໃຈມິດຕະພາບຖານອ້າຍນ້ອງ ແລະ ຄວາມສາມັກຄີສູ້ຮົບແບບພິເສດລະຫວ່າງ 2 ຊາດທີ່ບໍ່ມີສິ່ງໃດມາສັ່ນສະເທືອນໄດ້ນັ້ນໃຫ້ແໜ້ນແຟ້ນ ແລະ ອອກດອກແຕກຜົນສວຍງາມຍິ່ງໆຂຶ້ນ, ບົນພື້ນຖານລັດທິມາກ-ເລນິນ ສົມທົບກັບລັດທິຮັກຊາດອັນແທ້ຈິງກັບລັດທິສາກົນກຳມະຊີບອັນຜ່ອງໃສຮ່ວມມືຢ່າງຍາວນານ, ຊ່ວຍ ເເຫລືອກັນໃນທຸກດ້ານບົນຈິດໃຈສະຫາຍອ້າຍນ້ອງ, ສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ, ມາເຖິງວັນທີ 18 ກໍລະກົດ 1977 ສົນທິສັນຍາມິດຕະພາບ ແລະ ການຮ່ວມມືຮອບດ້ານລະຫວ່າງລາວ-ຫວຽດນາມ ກໍໄດ້ຮັບການລົງນາມຮ່ວມກັນ ໂດຍຜູ້ນຳຂັ້ນສູງຂອງ 2 ພັກ, 2 ຊາດທີ່ນະຄອນຫລວງວຽງຈັນ.

ສໍາລັບວັນສ້າງຕັ້ງອາຊຽນຄົບຮອບ 50 ປີ, ຊຶ່ງສະມາຄົມອາຊຽນໄດ້ຮັບການສ້າງຕັ້ງຂຶ້ນໃນວັນທີ 8 ສິງຫາ 1967 ໂດຍມີສະມາຊິກ 5 ປະເທດ, ສໍາລັບ ສປປ ລາວ ໄດ້ເຂົ້າເປັນສະມາຊິກອາຊຽນໃນວັນທີ 23 ກໍລະກົດ 1997 ແລະ ປັດຈຸບັນສະມາຄົມອາຊຽນໄດ້ປ່ຽນຊື່ມາເປັນປະຊາຄົມອາຊຽນ, ໂດຍມີຈຸດປະສົງ ແລະ ເປົ້າໝາຍໃຫ້ອາຊຽນເປັນປະຊາຊາດທີ່ພ້ອມພຽງຮຽງໜ້າກັນ, ເປີດກວ້າງ ການຮ່ວມມືກັບພາຍນອກ, ດຳລົງຊີວິດທ່າມກາງສັນຕິພາບ, ສະຖຽນລະພາບ ແລະ ຄວາມວັດທະນາຖາວອນ, ຜູກພັນເປັນຄູ່ຮ່ວມມືໃນການພັດທະນາໃຫ້ມີຄວາມກ້າວໜ້າ ແລະ ເປັນປະຊາຄົມທີ່ມີຄວາມໂອບເອື້ອອາລີ. ປັດຈຸບັນ, ອາຊຽນປະກອບມີ 10 ປະເທດ ແລະ ມີ 3 ເສົາຄໍ້າຄື: ປະຊາຄົມການເມືອງ- ຄວາມໝັ້ນຄົງອາຊຽນ, ປະຊາຄົມເສດຖະກິດ ແລະ ປະຊາຄົມວັດທະນະທຳ- ສັງຄົມ. ໃນປີ 2004 ສປປ ລາວ ໄດ້ຮັບກຽດເປັນປະທານກອງປະຊຸມສຸດ ຍອດອາຊຽນຄັ້ງທີ 10 ແລະ ເປັນປະທານກອງປະຊຸມສຸດຍອດອາຊຽນຄັ້ງທີ 28 ແລະ 29 ໃນເດືອນກັນຍາ 2016.

- lattana 1 - ທະນາຄານແຫ່ງ ສປປ ລາວ ຫວນຄືນມູນເຊື້ອວັນສຳຄັນຂອງຊາດ
error: Content is protected !!