ທ່ານ ປະທານປະເທດ ສົ່ງໂທ​ລະ​ເລກອວຍ​ພອນ ເນື່ອງໃນໂອກາດບຸນປີໃໝ່ຫວຽດນາມ

ທ່ານ ປະທານປະເທດ ສົ່ງໂທ​ລະ​ເລກອວຍ​ພອນ ເນື່ອງໃນໂອກາດບຸນປີໃໝ່ຫວຽດນາມ - kitchen vibe - ທ່ານ ປະທານປະເທດ ສົ່ງໂທ​ລະ​ເລກອວຍ​ພອນ ເນື່ອງໃນໂອກາດບຸນປີໃໝ່ຫວຽດນາມ

ທ່ານ ທອງລຸນ ສີສຸລິດ ເລຂາທິການໃຫຍ່ ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະ​ຊາຊົນລາວ ໄດ້ສົ່ງໂທລະເລກອວຍພອນ ເຖິງ ທ່ານ ຫງວຽນ ຝູ໋ ຈ້ອງ ເລຂາທິການໃຫຍ່ ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ກອມ​ມູ​ນິດຫວຽດ​ນາມ ເນື່ອງໃນໂອກາດ ບຸນປີໃໝ່ ຫວຽດນາມ.

ເນື້ອໃນໂທລະເລກອວຍພອນ ໄດ້ລະບຸວ່າ: ເນື່ອງໃນໂອກາດ ບຸນປີໃໝ່ ຫວຽດນາມ “ເຕັດຢາບຖິນ”, ຕາງໜ້າໃຫ້ພັກ, ລັດ ແລະ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າ ຂໍສົ່ງຄໍາອວຍພອນໄຊອັນປະເສີດ, ໄມຕີຈິດມິດຕະພາບອັນດູດດື່ມ ແລະ ຄວາມສາມັກຄີຮັກແພງອັນສະໜິດສະໜົມ ມາຍັງ ທ່ານ ພ້ອມດ້ວຍ ບັນດາສະຫາຍການນໍາ ພັກ, ລັດ ແລະ ປະຊາຊົນ ຫວຽດນາມ ອ້າຍນ້ອງ ທຸກຖ້ວນໜ້າ.

ທ່ານ ປະທານປະເທດ ສົ່ງໂທ​ລະ​ເລກອວຍ​ພອນ ເນື່ອງໃນໂອກາດບຸນປີໃໝ່ຫວຽດນາມ - Visit Laos Visit SALANA BOUTIQUE HOTEL - ທ່ານ ປະທານປະເທດ ສົ່ງໂທ​ລະ​ເລກອວຍ​ພອນ ເນື່ອງໃນໂອກາດບຸນປີໃໝ່ຫວຽດນາມ

ຂ້າພະເຈົ້າ ມີຄວາມພາກພູມໃຈເປັນຢ່າງຍິ່ງ ທີ່ເຫັນວ່າ ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ສືບຕໍ່ໄດ້ຮັບການຖະນຸຖະໜອມ, ເພີ່ມພູນຄູນສ້າງ ແລະ ນັບມື້ນັບກ້າວເຂົ້າສູ່ລວງເລິກ ໃນທຸກຂົງເຂດວຽກງານ ອັນໄດ້ນຳເອົາຜົນປະໂຫຍດ ຕົວຈິງມາສູ່ປະຊາຊົນສອງຊາດ ລາວ-ຫວຽດນາມ.

ຂ້າພະເຈົ້າ ຕີລາຄາສູງ ແລະ ຊົມເຊີຍຢ່າງສຸດໃຈ ຕໍ່ບັນດາຜົນສໍາເລັດອັນໃຫຍ່ຫລວງ, ຮອບດ້ານ ທີ່ປະຊາຊົນ ຫວຽດນາມ ອ້າຍນ້ອງ ຍາດມາໄດ້ໃນພາລະກິດປະຕິວັດອັນສະຫງ່າອົງອາດ ຕະຫລອດໄລຍະຜ່ານມາ ແລະ ເຊື່ອໝັ້ນຢ່າງໜັກແໜ້ນວ່າ ພາຍໃຕ້ການນໍາພາອັນປີຊາສາມາດ ແລະ ສະຫລາດສ່ອງໃສຂອງພັກກອມມູນິດ ຫວຽດນາມ ໂດຍມີ ທ່ານ ເປັນແກນກາງນັ້ນ, ປະຊາຊົນ ຫວຽດນາມ ອ້າຍນ້ອງ ຈະສືບຕໍ່ຍາດໄດ້ຜົນສໍາເລັດໃໝ່ໃຫຍ່ຫລວງກວ່າເກົ່າ ໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ  XIII ຂອງພັກ ແລະ ບັນລຸເປົ້າໝາຍ ປະຊາຊົນຮັ່ງມີ, ປະເທດຊາດມັ່ງຄັ່ງເຂັ້ມແຂງ, ປະຊາທິປະໄຕ, ຍຸຕິທໍາ ແລະ ສີວິໄລ, ກ້າວຂຶ້ນສູ່ຈຸດໝາຍສັງຄົມນິຍົມຢ່າງໜັກແໜ້ນ.

ເນື່ອງໃນໂອກາດອັນເປັນສິລິມຸງຄຸນນີ້, ຂໍອວຍພອນໄຊແດ່ສະຫາຍ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດໃນພາລະກິດອັນມີກຽດສູງສົ່ງຂອງສະຫາຍ, ສືບຕໍ່ເປັນຄັນທຸງເຕົ້າໂຮມຄວາມສາມັກຄີເປັນປຶກແຜ່ນໃນທົ່ວພັກ ແລະ ທົ່ວປວງຊົນ, ຂໍອວຍພອນໃຫ້ ປະຊາຊົນ ຫວຽດນາມ ອ້າຍນ້ອງ ຈົ່ງສືບຕໍ່ມີຄວາມສົມບູນພູນສຸກ ແລະ ສະຫລອງປີໃໝ່ດ້ວຍຄວາມເບີກບານມ່ວນຊື່ນ.

ທ່ານ ປະທານປະເທດ ສົ່ງໂທ​ລະ​ເລກອວຍ​ພອນ ເນື່ອງໃນໂອກາດບຸນປີໃໝ່ຫວຽດນາມ - 5 - ທ່ານ ປະທານປະເທດ ສົ່ງໂທ​ລະ​ເລກອວຍ​ພອນ ເນື່ອງໃນໂອກາດບຸນປີໃໝ່ຫວຽດນາມ
ທ່ານ ປະທານປະເທດ ສົ່ງໂທ​ລະ​ເລກອວຍ​ພອນ ເນື່ອງໃນໂອກາດບຸນປີໃໝ່ຫວຽດນາມ - 4 - ທ່ານ ປະທານປະເທດ ສົ່ງໂທ​ລະ​ເລກອວຍ​ພອນ ເນື່ອງໃນໂອກາດບຸນປີໃໝ່ຫວຽດນາມ
ທ່ານ ປະທານປະເທດ ສົ່ງໂທ​ລະ​ເລກອວຍ​ພອນ ເນື່ອງໃນໂອກາດບຸນປີໃໝ່ຫວຽດນາມ - 3 - ທ່ານ ປະທານປະເທດ ສົ່ງໂທ​ລະ​ເລກອວຍ​ພອນ ເນື່ອງໃນໂອກາດບຸນປີໃໝ່ຫວຽດນາມ