ການປະກວດນາງສາວລາວ ປະຈຳປີ 2017 ຈະມີຂຶ້ນໃນຕົ້ນ ເດືອນພະຈິກນີ້

- Miss lao 1 - ການປະກວດນາງສາວລາວ ປະຈຳປີ 2017 ຈະມີຂຶ້ນໃນຕົ້ນ ເດືອນພະຈິກນີ້
- Untitled design - ການປະກວດນາງສາວລາວ ປະຈຳປີ 2017 ຈະມີຂຶ້ນໃນຕົ້ນ ເດືອນພະຈິກນີ້

ບໍລິສັດ ມິສລາວຈຳກັດ ຮ່ວມກັບ ສູນກາງຊາວໜຸ່ມປະຊາຊົນປະຕິວັດລາວ ໄດ້ຖະແຫລງຕໍ່ສື່ມວນຊົນເມື່ອ ວັນທີ 2 ຕຸລານີ້ວ່າ: ການປະກວດນາງສາວລາວ ປະຈຳປີ 2017 ຈະໄດ້ຈັດຂຶ້ນໃນວັນທີ 11 ພະຈິກນີ້, ທີ່ນະຄອນຫລວງວຽງຈັນ, ໂດຍຈະເລີ່ມເປີດຮັບສະໝັກ ແລະ ຄັດເລືອກສາວງາມທົ່ວປະເທດແຕ່ນີ້ໄປຈົນ ເຖິງວັນທີ 20 ຕຸລານີ້, ຊຶ່ງພາກກາງຈະເປີດຮັບສະໝັກໃນລະຫວ່າງວັນທີ 1-20 ຕຸລານີ້, ພາກເໜືອ (ຫລວງພະບາງ) ໃນລະຫວ່າງວັນທີ 15-18 ຕຸລານີ້ ແລະ ພາກໃຕ້ (ສະຫວັນນະເຂດ ແລະ ຈຳປາສັກ) ແຕ່ວັນທີ 8-12 ຕຸລານີ້, ເພື່ອເປີດໂອກາດໃຫ້ບັນດາຍິງສາວທີ່ມີເງື່ອນໄຂຄົບຖ້ວນ, ມີຄວາມຮູ້ສາມາດ ແລະ ມີຄວາມໝັ້ນໃຈໃນຕົວເອງໄດ້ມີສ່ວນຮ່ວມໃນການປະກວດດັ່ງກ່າວ. ເພື່ອສ້າງກິດຈະກຳໃຫ້ໄວໜຸ່ມ, ໂດຍສະເພາະໄວໜຸ່ມເພດຍິງຫັນມາ ສົນໃຈໃນການສຶກສາຫາຄວາມຮູ້, ສ້າງໃຫ້ມີຈິດສຳນຶກຄວາມຮັກຊາດ, ວັດທະ ນະທຳ, ຮີດຄອງປະເພນີອັນດີງາມຂອງຊາດ, ມີຄວາມກ້າຫານໃນການສະແດງ ອອກເຖິງຄວາມສາມາດ, ເພື່ອນຳໄປເຜີຍແຜ່ໃຫ້ຕ່າງຊາດໄດ້ຮັບຮູ້ ແລະ ຍົກສູງບົດບາດແມ່ຍິງລາວສູ່ເວທີສາກົນ.

ໃນໂອກາດນີ້, ບໍລິສັດມີສລາວ ຈຳກັດ ຍັງໄດ້ນຳສະເໜີນາງສາວ ງາມຈາກເວທີ ມີສແກຣນ, ໂດຍເລືອກເອົານາງ ກິດສະດາ ວົງໄຊສະຫວາດ ຫລື ມຸກ ຜູ້ທີ່ຄອງຕຳແໜ່ງຮອງມີສແກຣນ ປະຈຳປີ 2017, ເພື່ອເຂົ້າ ປະກວດ ມີສຊຸປຣາເນຊັນແນລ (Miss Supranational), ທີ່ຈະຈັດຂຶ້ນ ໃນວັນທີ 16 ພະຈິກ-ວັນທີ 3 ທັນວານີ້, ທີ່ປະເທດໂປໂລຍ ແລະ ສາທາລະນະລັດເຊັກ, ຊຶ່ງເປັນການປະກວດນາງງາມເວທີລະດັບໂລກ ແລະ ຜ່ານມານາງ ກິດສະດາ ຍັງໄດ້ເຂົ້າຮ່ວມປະກວດນາງ ງາມໃນເວທີ The 13Th Miss China ASEAN Etiquette Pageant ທີ່ ສປ ຈີນ ໃນວັນທີ 27 ສິງຫາ-13 ກັນຍາທີ່ຜ່ານມາ, ຊຶ່ງໄດ້ຮັບລາງວັນຂັວນ ໃຈສື່ມວນຊົນຈ າກການປະກວດດັ່ງກ່າວ.

- Wave100S AD to Website 2020 0 - ການປະກວດນາງສາວລາວ ປະຈຳປີ 2017 ຈະມີຂຶ້ນໃນຕົ້ນ ເດືອນພະຈິກນີ້
- WhatsApp Image 2020 05 27 at 5 - ການປະກວດນາງສາວລາວ ປະຈຳປີ 2017 ຈະມີຂຶ້ນໃນຕົ້ນ ເດືອນພະຈິກນີ້
- WhatsApp Image 2020 05 27 at 5 - ການປະກວດນາງສາວລາວ ປະຈຳປີ 2017 ຈະມີຂຶ້ນໃນຕົ້ນ ເດືອນພະຈິກນີ້
error: Alert: ເນື້ອຫາຂ່າວມີລິຂະສິດ !!