ຫາລືຄົ້ນຄວ້າ ກ່ຽວກັບຈັງຫວະການຟ້ອນລໍາສາລະວັນ ເພື່ອນຳເອົາຂໍ້ມູນໄປປະກອບໃສ່ປື້ມແບບຮຽນສີລະປະສຶກສາ

ວັນທີ 2 ກຸມພາ 2024, ພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງສາລະວັນ ຈັດກອງປະຊຸມປຶກສາຫາລື ຄົ້ນຄ້ວາ ກ່ຽວກັບ ຈັງຫວະການຟ້ອນ ລໍາສາລະວັນ ແລະ ລໍາສາລະວັນ ໂດຍການເປັນປະທານຮ່ວມຂອງທ່ານ ຄຳໄພ ໄຊຍະເດດ ຮອງຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງສາລະວັນ, ທ່ານ ນາງ ລັດດາວັນ ດວງດາລາ ຮອງຫົວໜ້າກົມສິລະປະ-ວັດທະນະທໍາ ພ້ອມຄະນະ.
ຈຸດປະສົງ ເພື່ອຮ່ວມກັນ ປຶກສາຫາລື, ຄົ້ນຄວ້າ ແລະ ຂໍຄວາມເປັນເອກະພາບກ່ຽວກັບເນື້ອໃນປະຫວັດຄວາມເປັນມາ ແລະ ທ່າຟ້ອນຂອງຈັງຫວະການຟ້ອນລຳສາລະວັນ ເພື່ອນຳເອົາຂໍ້ມູນໄປປະກອບໃສ່ປື້ມແບບຟ້ອນລຳວົງລາວ ທີ່ຈະຜະລິດເປັນປື້ມແບບຮຽນສີລະປະສຶກສາ.