ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ

ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ - 268 - ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ
ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ - kitchen vibe - ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ

ວັນທີ 9 ກຸມພາ 2024, ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ໄດ້ໂອ້ລົມຕໍ່ກອງປະຊຸມເປີດກວ້າງວຽກງານທະນາຄານປະຈຳປີ 2023 ທີ່ໄດ້ຈັດຂຶ້ນຢູ່ຫໍປະຊຸມແຫ່ງຊາດ ໂດຍມີທ່ານ ບຸນເຫລືອ ສິນໄຊວໍຣະວົງ ຜູ້ວ່າການທະນາຄານແຫ່ງ ສປປ ລາວ (ທຫລ), ມີບັນດາລັດຖະມົນຕີ-ຮອງລັດຖະມົນຕີ, ກະຊວງ-ຮອງຫົວໜ້າອົງການລັດ ທຽບເທົ່າກະຊວງອ້ອມຂ້າງສູນກາງ ເຂົ້າຮ່ວມ.

ທ່ານ ສອນໄຊ ສີພັນດອນ ໄດ້ກ່າວສະແດງຄວາມຍ້ອງຍໍ-ຊົມເຊີຍຕໍ່ຜົນ ງານ-ຜົນສຳເລັດທີ່ຍາດມາໄດ້ໃນໄລຍະ 1 ປີຜ່ານມາ ທຽບກັບຄວາມຮຽກຮ້ອງຕ້ອງການຂອງວຽກງານໃນໄລຍະໃໝ່ໃນສະພາບເສດຖະກິດ-ການເງິນສາກົນ, ຄ່າເງິນສະກຸນຫຼັກຍັງມີທ່າອ່ຽງຜັນຜວນ; ປັດໄຈດ້ານລາຄາພະລັງງານ, ສະບຽງອາຫານ ແລະ ອື່ນໆມີທ່າອ່ຽງເພີ່ມຂຶ້ນ. ສະນັ້ນ, ເຫັນວ່າຍັງມີສິ່ງທ້າທາຍທົດສອບຫຼາຍດ້ານທີ່ຈະຕ້ອງໄດ້ເອົາໃຈໃສ່ບຸກບືນສູ້ຊົນເພີ່ມຂຶ້ນເປັນເທົ່າຕົວ, ຕ້ອງຕັດສິນໃຈ ແລະ ເປັນເອກະພາບສູງ ເພື່ອສຸມໃສ່ແກ້ໄຂບັນຫາຕ່າງໆໃຫ້ສໍາເລັດເປັນກ້າວໆ. ສໍາລັບວຽກງານຂະແໜງທະນາຄານ ທ່ານ ສອນໄຊ ສີພັນດອນ ໄດ້ເນັ້ນໜັກ 7 ບັນຫາສຳຄັນຄື:

ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ - Visit Laos Visit SALANA BOUTIQUE HOTEL - ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ

1. ໃນສະພາບເງື່ອນໄຂທີ່ມີທັງຄວາມຫຍຸ້ງຍາກ, ມີທັງສິ່ງທ້າທາຍຄືໃນປັດຈຸບັນ ຄະນະນໍາຂອງທະນາຄານແຫ່ງ ສປປ ລາວ ຍິ່ງຕ້ອງເອົາໃຈໃສ່ຢ່າງໃກ້ຊິດຕິດແທດ ນໍາພາສຶກສາອົບຮົມການເມືອງ-ແນວຄິດໃຫ້ຖັນແຖວພະນັກງານຂອງຕົນໃຫ້ເປັນປົກກະຕິຕໍ່ເນື່ອງ, ກໍາແໜ້ນແນວທາງ, ນະໂຍບາຍຂອງພັກ, ກົດໝາຍຂອງລັດ, ມະຕິ, ຄໍາສັ່ງຕ່າງໆຂອງຂັ້ນເທິງ ກໍຄືລະບຽບການພາຍໃນ ແລະ ຫຼັກການວິຊາສະເພາະຂອງທະນາຄານບົນພື້ນຖານເຫັນໄດ້ບັນຫາ, ເຫັນໄດ້ທີ່ຕັ້ງພາລະບົດບາດ ແລະ ຄວາມຮັບຜິດຊອບການເມືອງອັນສູງສົ່ງຂອງຕົນທີ່ພັກ-ລັດ ແລະ ປະຊາຊົນມອບໝາຍໃຫ້, ມີຄວາມທຸ່ນທ່ຽງຜ່ານຜ່າອຸປະສັກຕ່າງໆໃຫ້ໄດ້, ຮັບປະກັນຄຸນທາດການເມືອງໜັກແໜ້ນ, ນໍ້າໃຈຮັກຊາດ, ເສຍສະຫຼະເພື່ອຜົນປະໂຫຍດສ່ວນລວມເປັນທີ່ຕັ້ງ, ມີທັດສະນະຮັບໃຊ້ປະຊາຊົນຢ່າງຖືກຕ້ອງ, ຕີຖອຍ ແລະ ແກ້ໄຂບັນຫາການເສື່ອມຖອຍດ້ານແນວຄິດ, ປະກົດການຫຍໍ້ທໍ້, ພຶດຕິກໍາທີ່ເປັນການສໍ້ລາດບັງຫຼວງໃນຖັນແຖວພະນັກ ງານໃຫ້ເຂັ້ມງວດ; ສືບຕໍ່ເອົາໃຈໃສ່ແກ້ໄຂຄວາມບໍ່ໂປ່ງໃສ, ຍົກສູງສະຕິເຄົາລົບ ແລະ ປະຕິບັດກົດໝາຍ, ລະບຽບການຂອງລັດໃນຖັນແຖວພະນັກງານການນໍາ, ພະນັກງານຢູ່ແຕ່ລະຂັ້ນ;

2. ເພີ່ມທະວີຄວາມສາມັກຄີເປັນເອກະພາບພາຍໃນຄະນະພັກ-ຄະນະຜູ້ວ່າການໃຫ້ໜັກແໜ້ນ ໂດຍສະເພາະຄວາມເປັນເອກະພາບ-ຄວາມຕັດສິນໃຈໃນການປັບປຸງກົງຈັກ, ແກ້ໄຂບັນຫາພະນັກງານ; ສືບຕໍ່ເອົາໃຈໃສ່ປັບປຸງອົງການຈັດຕັ້ງມະຫາຊົນໃຫ້ຮູ້ເຄື່ອນໄຫວປະຕິບັດພາລະບົດບາດ ແລະ ໜ້າທີ່ຂອງຕົນ ໂດຍສະເພາະການປະຕິບັດຂໍ້ແຂ່ງຂັນຂອງຕົນ ຕິດພັນຂະບວນການແຂ່ງຂັນຮັກຊາດ ແລະ ພັດທະນາຂອງ ທຫລ;

3. ສືບຕໍ່ເອົາໃຈໃສ່ປັບປຸງແບບແຜນນໍາພາ-ວິທີເຮັດວຽກໃຫ້ຄ່ອງຕົວກວ່າເກົ່າ; ປັບປຸງການບໍລິຫານລັດໄປຕາມກົດໝາຍ ແລະ ລະບຽບການຢ່າງເຂັ້ມງວດ, ມີການຕິດຕາມ, ກວດກາ, ຊຸກຍູ້ຊີ້ນໍາການຈັດຕັ້ງປະຕິບັດ ແລະ ປະເມີນຜົນເປັນປະຈໍາ, ປະຕິບັດລະບອບສ່ອງແສງລາຍງານໃນການເຄື່ອນໄຫວວຽກງານ ກໍຄືການແກ້ໄຂບັນຫາທີ່ເກີດຂຶ້ນຢູ່ແຕ່ລະກົມກອງ ແລະ ໃນສັງຄົມໃຫ້ແທດເຖິງຕົວຈິງ ແລະ ທັນກັບສະພາບການ;

4. ສືບຕໍ່ເອົາໃຈໃສ່ປັບປຸງກົງຈັກການຈັດຕັ້ງທຸກຂັ້ນໄປຕາມທິດກະທັດຮັດ ແລະ ມີປະສິດທິພາບ, ເລັ່ງໃສ່ການກຳນົດຕຳແໜ່ງງານໃຫ້ຮັບປະກັນຄຸນນະພາບ ເພື່ອເປັນບ່ອນອີງໃນການບັນຈຸ, ສັບຊ້ອນຈັດວາງພະນັກງານໃຫ້ເໝາະສົມ, ເພີ່ມທະວີວຽກງານບໍາລຸງກໍ່ສ້າງພະນັກງານ ໂດຍສະເພາະພະນັກງານວິຊາການຊ່ຽວຊານສະເພາະດ້ານຢູ່ແຕ່ລະຕໍາແໜ່ງງານໃຫ້ສອດຄ່ອງກັບການເລັ່ງທວງຂອງສະພາບການໃນໄລຍະໃໝ່; ສືບຕໍ່ເອົາໃຈໃສ່ຄຸ້ມຄອງ-ນໍາໃຊ້ພະນັກງານໃຫ້ຖືກກັບວິຊາສະເພາະ, ຖືກກັບຄວາມຮູ້-ຄວາມສາມາດ, ຖືກກັບພອນສະຫວັນຂອງແຕ່ລະຄົນ, ຊຸກຍູ້ສົ່ງເສີມພະນັກງານຜູ້ທີ່ມີຄຸນທາດການເມືອງໜັກແໜ້ນ, ມີຄວາມຕັ້ງຕໍ່ບໍລິສຸດຕໍ່ພັກ-ລັດ ແລະ ປະຊາຊົນ, ມີນໍ້າໃຈເສຍສະຫຼະສູງ, ມີຈິດໃຈຮັບໃຊ້ປະເທດຊາດ ແລະ ປະຊາຊົນ;

5. ເພີ່ມທະວີຄວາມເປັນເຈົ້າການຕິດຕາມ, ກວດກາ ແລະ ຊຸກຍູ້ການຜັນຂະຫຍາຍ ແລະ ຈັດຕັ້ງປະຕິບັດມະຕິ, ຄໍາສັ່ງຂອງພັກ, ກົດໝາຍ ແລະ ລະບຽບການຂອງລັດຢ່າງໃກ້ຊິດ ແລະ ເປັນປະຈໍາ; ສືບຕໍ່ເອົາໃຈໃສ່ວຽກງານກວດກາພັກ, ວຽກງານກວດກາລັດ, ສະກັດກັ້ນ ແລະ ຕ້ານການສໍ້ລາດບັງຫຼວງຢ່າງແຂງແຮງ, ການແກ້ໄຂຜົນຂອງການກວດສອບ, ຜົນຂອງການກວດກາໃຫ້ທັນກັບສະພາບການ, ເຂັ້ມງວດ ແລະ ຂາດຕົວເທື່ອລະກ້າວ;

6. ສືບຕໍ່ເອົາໃຈໃສ່ຢ່າງແຂງແຮງການແກ້ໄຂບັນຫາ-ຂໍ້ຄົງຄ້າງຕ່າງໆໃນການຈັດຕັ້ງປະຕິບັດແຜນເງິນຕາປີ 2024 ທີ່ໄດ້ຕີລາຄາ ແລະ ຄົ້ນຄວ້າຢ່າງເລິກເຊິ່ງແລ້ວໃນກອງປະຊຸມຄັ້ງນີ້ ເພາະຖືວ່າແມ່ນປີມ້ວນທ້າຍຂອງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ເປັນຕົ້ນ ວຽກງານນະໂຍບາຍເງິນຕາ, ການຄຸ້ມຄອງກະແສເງິນຕາຕ່າງປະເທດເຂົ້າ-ອອກ, ວຽກຄຸ້ມຄອງຄວາມໝັ້ນຄົງສະຖາບັນການເງິນ, ວຽກຄຸ້ມຄອງ ແລະ ພັດທະນາລະບົບການຊໍາລະ, ວຽກພັດທະນາຕະຫຼາດທຶນ, ວຽກວິຊາສະເພາະອື່ນໆ;

7. ການຈັດຕັ້ງຜັນຂະຫຍາຍແນວຄິດຊີ້ນຳຂອງສະຫາຍ ທອງລຸນ ສີສຸລິດ ເລຂາທິການໃຫຍ່ປະທານປະເທດແຫ່ງ ສປປ ລາວ ໃນການຫັນໄປສູ່ລະບອບເສດຖະກິດເອກະລາດເປັນເຈົ້າຕົນເອງ (ສອຈ) ໃຫ້ເຂົ້າສູ່ລວງເລິກໃນວຽກງານຂອງຂະແໜງການທະນາຄານໃຫ້ມີປະສິດທິຜົນ ຮຽກຮ້ອງໃຫ້ມີການກຳນົດຊັດເຈນບັນດາຄາດໝາຍ, ວິທີຈັດຕັ້ງປະຕິບັດ ແລະ ຜັນຂະຫຍາຍເປັນໂຄງການ ແລະ ແຜນວຽກລະອຽດ ເພື່ອກ້າວສູ່ລະບອບເສດຖະກິດ ສອຈ ເປັນຕົ້ນ ການສ້າງຄັງແຮສຳຮອງເງິນຕາຕ່າງປະ ເທດໃຫ້ມີຄວາມໝັ້ນຄົງໄດ້ຕາມມາດຕະຖານສາກົນ; ລະບົບການຄຸ້ມຄອງນະໂຍບາຍເງິນຕາທີ່ມີປະສິດທິຜົນ ໂດຍສະເພາະອັດຕາເງິນເຟີ້ ແລະ ອັດຕາແລກປ່ຽນໃຫ້ມີສະຖຽນລະພາບ; ຄວາມໝັ້ນຄົງຂອງສະຖາບັນການເງິນທີ່ແມ່ນທະນາຄານ ແລະ ບໍ່ແມ່ນທະນາຄານ ຮັບປະກັນໄດ້ຄວາມສ່ຽງຈາກວິກິດການໆເງິນພາຍໃນ ແລະ ພາຍນອກ ເພື່ອຮັບປະກັນເຮັດໃຫ້ລະບົບການເງິນ-ເງິນຕາປຽບສະເໝືອນດັ່ງໝາກຫົວໃຈ ຫຼືສາຍເລືອດຂອງເສດຖະກິດ.

ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ - 5 - ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ
ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ - 4 - ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ
ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ - 3 - ນາຍົກ ເນັ້ນໃຫ້ຂະແໜງທະນາຄານເອົາໃຈໃສ່ຈັດຕັ້ງປະຕິບັດ 7 ບັນຫາສຳຄັນ