ອັກຄີໄພແມ່ນເຫດບໍ່ໄກໂຕອີກແລ້ວ

- Untitled design - ອັກຄີໄພແມ່ນເຫດບໍ່ໄກໂຕອີກແລ້ວ

- Untitled 1 1 275x300 - ອັກຄີໄພແມ່ນເຫດບໍ່ໄກໂຕອີກແລ້ວ       ເພື່ອນຜູ້ອ່ານທີ່ຮັກແພງ, ມາຮອດດຽວນີ້ ອັກຄີໄພແມ່ນເຫດບໍ່ໄກໂຕອີກແລ້ວ ເຊິ່ງສິ່ງດັ່ງກ່າວມັນເກີດມາ ຈາກສອງສາເຫດໃຫຍ່ ຄືການປ່ຽນແປງຂອງສະພາບດິນຟ້າອາກາດ, ໂລກນັບມື້ຮ້ອນແຮງຂຶ້ນ ແລະ ຄວາມແຫ້ງ ແລ້ງຕາມມາ. ສອງແມ່ນມາຈາກໂລກມີການພັດທະນານັບມື້ກ້າວສູ່ຄວາມທັນສະໄໝ ແລະ ການນຳໃຊ້ເຕັກໂນໂລ ຊີອັນໃໝ່ໄດ້ຄ່ອຍໆຫຍັບເຂົ້າມາປ່ຽນແປງວິທີການດຳລົງຊີວິດຂອງຄົນເຮົານັບມື້ຫລາຍຂຶ້ນ ນັບທັງເຄື່ອງໃຊ້ສອຍ ປະຈຳວັນ ອັນໃດກໍປ່ຽນໄປສູ່ຄວາມກ້າວໜ້າທັນສະໄໝທີ່ມາຈາກພະລັງງານໄຟຟ້າ, ແຕ່ຄຽງຄູ່ກັນນັ້ນ ແມ່ນການ ພັດທະນາຄວາມຮູ້ຄວາມສາມາດຂອງຄົນເຮົາ ເພື່ອໃຫ້ໄປທ່ວງທັນກັບເຕັກໂນໂລຊີອັນທັນສະໄໝດັ່ງກ່າວແມ່ນ ຍັງຫ່າງໄກກັນຫລາຍ. ດ້ວຍເຫດນີ້ ຈຶ່ງເຮັດໃຫ້ການດຳລົງຊີວິດຂອງປະຊາຊົນເຮົາຈຶ່ງມີຄວາມສ່ຽງທີ່ຈະກໍ່ໃຫ້ເກີດ ຄວາມເສຍຫາຍຈາກຄວາມຮັບຮູ້ບໍ່ເທົ່າເຖິງການຂອງຕົນເຊັ່ນ: ໄຟຟ້າຊ໋ອດຕາຍ, ເກີດອັກຄີໄພຈາກໄຟຟ້າລັດວົງ ຈອນ ເນື່ອງມາຈາກໃຊ້ໄຟຟ້າເກີນອັດຕາຮອງຮັບຂອງລະບົບສາຍໄຟ ຫລື ລະບົບສາຍໄຟເກົ່າແກ່ຊຸດໂຊມແລ້ວ, ແຕ່ບໍ່ໄດ້ປ່ຽນຖ່າຍທີ່ມາຈາກສອງເຫດຜົນ ໜຶ່ງແມ່ນບໍ່ມີເງື່ອນໄຂ, ສອງແມ່ນການປະໝາດຂີ້ຄ້ານມັກງ່າຍ ແລະ ອື່ນໆ ຈາກສິ່ງນີ້ແລ້ວເຮົາຈຶ່ງເວົ້າໄດ້ວ່າ: ອັກຄີໄພແມ່ນບັນຫາບໍ່ໄກຈາກໂຕເອງອີກແລ້ວ. ກໍດັ່ງບົດຮຽນເກີດອັກ ຄີໄພຢູ່ຫລາຍແຫ່ງໃນຜ່ານມາເກີດຂຶ້ນຢູ່ບ່ອນໃດກໍວ່າ: ໄຟຟ້າຊ໋ອດ, ໄຟຟ້າລັດວົງຈອນແມ່ນສາເຫດຫລັກໆ ແລະ ຄຽງຄູ່ກັນນັ້ນ ແມ່ນການຂາດສະຕິ ແລະ ຖືເບົາຕໍ່ການນຳໃຊ້ຟືນໄຟເຂົ້າໃນຊີວິດປະຈຳວັນ ຈູດປ່າເພື່ອເຮັດໄຮ່ເຮັດ ສວນ, ໃຊ້ໄຟແຕ່ງຢູ່ຄົວກິນ ແລະ ອື່ນໆ ໃນສະພາບອາກາດຮ້ອນແຮງ, ມີລົມພັດກໍຈະກໍ່ໃຫ້ເກີດອັກຄີໄພຂຶ້ນໃນ ທີ່ສຸດ.

ເພື່ອສະກັດກັ້ນ ແລະ ຕ້ານເຫດຮ້າຍດັ່ງກ່າວໃຫ້ມີຜົນ ມັນແມ່ນຄວາມຮັບຜິດຊອບຂອງໝົດທຸກຄົນຜູ້ເປັນ ອຳນາດການປົກຄອງກໍຈະຕ້ອງມີລະບຽບ ແລະ ເອົາໃຈໃສ່ແນະນຳຕັກເຕືອນລູກບ້ານຂອງຕົນໃຫ້ເປັນປະຈຳ ແລະ ລຽນຕິດໃນການມີສະຕິຕ້ານອັກຄີໄພ, ສ່ວນເບື້ອງເຈົ້າໜ້າທີ່ກໍອາດຈະຊ່ວຍໃຫ້ຄຳແນະນຳ ແລະ ການຮຽນຮູ້ວິທີ ການດັບມອດໄຟໃນຂັ້ນຕົ້ນໃຫ້ສັງຄົມ ໂດຍສະເພາະພະນັກງານ, ລັດຖະກອນ, ກຳມະກອນຢູ່ສຳນັກງານອົງການ, ໂຮງຈັກໂຮງງານ, ໂຮງຮຽນ, ໂຮງໝໍຕ່າງໆໃຫ້ດີ ແລະ ມີປະສິດທິພາບ. ພ້ອມນັ້ນ ຜູ້ເປັນກຳລັງດັບມອດໄຟກໍຕ້ອງ ໄດ້ເອົາໃຈໃສ່ເຝິກອົບຮົມພັດທະນາສີມືຂອງຕົນໃນດ້ານວິຊາສະເພາະໃຫ້ດີ, ພ້ອມກະກຽມເຄື່ອງມືອຸປະກອນ ແລະ ລົດນ້ຳໄວ້ໃຫ້ພຽງພໍ ໂດຍສະເພາະໃນຍາມແລ້ງນີ້, ກຽມພ້ອມກວດກາເວນຍາມ ແລະ ອອກປະຕິບັດງານໃຫ້ໄດ້ ຢ່າງວ່ອງໄວທັນການ, ເອົາໃຈໃສ່ປະສານສົມທົບກັບຂະແໜງໄຟຟ້າໃຫ້ຮັດກຸມກວ່າເກົ່າໃນການຕອບຕ້ານອັກຄີ ໄພໄດ້ທັນເວລາ, ຢ່າໃຫ້ເປັນດັ່ງຜ່ານມາ ລົດນ້ຳໄປຮອດຈຸດເກີດເຫດແລ້ວແຕ່ຊີດນ້ຳບໍ່ໄດ້ ຍ້ອນເບື້ອງໄຟຟ້າຍັງ ບໍ່ທັນໄດ້ຕັດໄຟ ແລະ ອື່ນໆ. ເອົາລະທັງໝົດນີ້ແມ່ນພວກເຮົາທຸກຄົນຈະຕ້ອງມີສະຕິຊ່ວຍກັນ ເພື່ອຄວາມຢູ່ເຢັນ ເປັນສຸກຂອງປະເທດຊາດບ້ານເມືອງເຮົາ.

- Wave100S AD to Website 2020 0 - ອັກຄີໄພແມ່ນເຫດບໍ່ໄກໂຕອີກແລ້ວ
- WhatsApp Image 2020 05 27 at 5 - ອັກຄີໄພແມ່ນເຫດບໍ່ໄກໂຕອີກແລ້ວ
- WhatsApp Image 2020 05 27 at 5 - ອັກຄີໄພແມ່ນເຫດບໍ່ໄກໂຕອີກແລ້ວ
error: Alert: ເນື້ອຫາຂ່າວມີລິຂະສິດ !!