ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ

ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ - 426508078 831683612319280 1160766600526625699 n - ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ
ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ - kitchen vibe - ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ

ວັນທີ 13 ກຸມພາ 2024, ອົງການໄອຍະການປະຊາຊົນສູງສຸດ ຈັດກອງປະຊຸມປຶກສາຫາລືຄວາມເປັນເອກະພາບ ກ່ຽວກັບອົງການໄອຍະການປະຊາຊົນ ຈະບໍ່ເຂົ້າຮ່ວມໃນການຕິດຕາມກວດກາ ການດຳເນີນຄະດີແພ່ງ. ໃຫ້ກຽດເຂົ້າຮ່ວມຂອງທ່ານ ບຸນທັນ ບຸນທະວິໄລ ຮອງຫົວໜ້າອົງການໄອຍະການປະຊາຊົນສູງສຸດ, ທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ພ້ອມດ້ວຍຫົວໜ້າຄະນະສານອາຍາ, ຫົວໜ້າຄະນະສານແພ່ງ, ຫົວໜ້າຄະນະສານການຄ້າ, ຫົວໜ້າຄະ ນະສານຄອບຄົວ, ຫົວໜ້າຄະນະສານແຮງງານ, ຫົວໜ້າຄະນະສານເດັກ, ຫົວໜ້າຄະນະສານປົກຄອງ ແລະ ບັນດາຫົວໜ້າກົມ, ຮອງກົມ ຈາກອົງການໄອຍະການປະຊາຊົນສູງສຸດ ເຂົ້າຮ່ວມ.

ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ - Visit Laos Visit SALANA BOUTIQUE HOTEL - ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ

ກອງປະຊຸມປຶກສາຫາລື ໃນຄັ້ງນີ້, ແນໃສ່ຈັດຕັ້ງປະຕິບັດຕາມໜັງສືສະເໜີ ພິຈາລະນາເອົາການຕິດຕາມກວດກາ ການດຳເນີນຄະດີແພ່ງທົ່ວໄປ ອອກຈາກອົງການໄອຍະການປະຊາຊົນ ຕາມການສະເໜີເຖິງທ່ານປະທານ ຄະນະປະຈຳສະພາແຫ່ງຊາດ ສະບັບເລກທີ 144/ອອປສ, ລົງວັນທີ 27/10/2023 ວ່າດ້ວຍອົງການໄອຍະການປະຊາຊົນ ແມ່ນອົງການຕິດຕາມກວດກາຂອງລັດ ມີພາລະບົດບາດຕິດຕາມ, ກວດກາການເຄົາລົບ ແລະ ປະຕິບັດກົດໝາຍ ແລະ ການປະຕິບັດສິດກ່າວຟ້ອງ (ການສັ່ງຟ້ອງ) ເຊິ່ງການເຄື່ອນໄຫວປະຕິບັດໜ້າທີ່ ຂອງອົງການໄອຍະການປະຊາຊົນ ແລະ ສານປະຊາຊົນ ເຫັນວ່າ ຜ່ານມາການພິຈາລະນາຕັດສິນ ແລະ ພິພາກສາຄະດີແພ່ງ ຂອງສານປະຊາຊົນແຕ່ລະຂັ້ນ ມີຄຸນນະພາບດີຂຶ້ນເປັນກ້າວໆ.

ສະນັ້ນ, ອົງການໄອຍະການປະຊາຊົນສູງສຸດ ຈຶ່ງຈັດກອງປະຊຸມຂຶ້ນ ເພື່ອແລກປ່ຽນຄຳຄິດຄໍາເຫັນ ລະຫວ່າງ ອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ ໃນການປະຕິບັດຕາມສິດ ແລະ ໜ້າທີ່ຂອງຕົນໃຫ້ສອດຄ່ອງ, ຖືກຕ້ອງຕາມກົດໝາຍທີ່ກໍານົດໄວ້ ຢ່າງກົງໄປກົງມາ ເພື່ອຄວາມເປັນເອກະພາບ ແລະ ລາຍງານບັນຫາທີ່ປຶກສາກັນໃຫ້ຂັ້ນເທິງພິຈາລະນາຕໍ່ໄປ.

ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ - 3 - ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ
ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ - 4 - ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ
ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ - 5 - ອົງການໄອຍະການປະຊາຊົນ ຈະບໍ່ເຂົ້າຮ່ວມຕິດຕາມກວດກາ ການດຳເນີນຄະດີແພ່ງ