ລັດຖະບານ ໄຂກອງປະຊຸມສະໄໝສາມັນ ປະຈຳເດືອນກຸມພາ 2024 ພ້ອມກັນ ຄົ້ນຄວ້າຫາລືຫລາຍບັນຫາສຳຄັນ

ລັດຖະບານ ໄຂກອງປະຊຸມສະໄໝສາມັນ ປະຈຳເດືອນກຸມພາ 2024 ພ້ອມກັນ ຄົ້ນຄວ້າຫາລືຫລາຍບັນຫາສຳຄັນ - 42966 - ລັດຖະບານ ໄຂກອງປະຊຸມສະໄໝສາມັນ ປະຈຳເດືອນກຸມພາ 2024 ພ້ອມກັນ ຄົ້ນຄວ້າຫາລືຫລາຍບັນຫາສຳຄັນ
ລັດຖະບານ ໄຂກອງປະຊຸມສະໄໝສາມັນ ປະຈຳເດືອນກຸມພາ 2024 ພ້ອມກັນ ຄົ້ນຄວ້າຫາລືຫລາຍບັນຫາສຳຄັນ - kitchen vibe - ລັດຖະບານ ໄຂກອງປະຊຸມສະໄໝສາມັນ ປະຈຳເດືອນກຸມພາ 2024 ພ້ອມກັນ ຄົ້ນຄວ້າຫາລືຫລາຍບັນຫາສຳຄັນ

ວັນທີ 28 – 29 ກຸມພາ 2024 ນີ້, ລັດຖະບານ ໄດ້ຈັດກອງປະຊຸມສະໄໝສາມັນ ປະຈຳເດືອນກຸມພາ 2024 ທີ່ສໍານັກງານນາຍົກລັດຖະມົນຕີ, ມີທ່ານ ສອນໄຊ ສີພັນດອນ ນາຍົກລັດຖະມົນຕີ ເປັນປະທານ.


ກອງປະຊຸມຈະໄດ້ຄົ້ນຄວ້າ, ປຶກສາຫາລື ແລະ ປະກອບຄຳເຫັນເຂົ້າໃສ່ຫລາຍຫົວຂໍ້ສໍາຄັນຄື:ສະ ຫລຸບ ລາຍງານວຽກງານພົ້ນເດັ່ນ ຂອງລັດຖະບານປະຈຳເດືອນກຸມພາ ແລະ ທິດທາງແຜນການປະ ຈຳເດືອນມີນາ 2024; ແຜນວຽກຈຸດສຸມຂອງວາລະແຫ່ງຊາດວ່າດ້ວຍການແກ້ໄຂບັນຫາ ເສດຖະກິດ-ການເງິນ ທີ່ເປັນບຸລິມະສິດ ແລະ ຈະສືບຕໍ່ຈັດຕັ້ງປະຕິບັດຮອດປີ 2025; ສະພາບພົ້ນເດັ່ນໂດຍຫຍໍ້ ວຽກງານປ້ອງກັນຊາດ, ປ້ອງກັນຄວາມສະຫງົບ ແລະ ການຕ່າງປະເທດ (ການກະກຽມເປັນປະທານອາຊຽນ,ການເຄື່ອນໄຫວວຽກງານຢູ່ຕ່າງປະເທດ ຂອງການນຳພັກ-ລັດ ແລະ ການຕ້ອນຮັບແຂກການນຳຕ່າງປະເທດ ມາລາວ).


ຄົ້ນຄວ້າປັບປຸງຮ່າງກົດໝາຍ ແລະ ດຳລັດ ສະບັບປັບປຸງ5ສະບັບຄື: ຮ່າງກົດໝາຍ ວ່າດ້ວຍການທ່ອງທ່ຽວ; ຮ່າງດໍາລັດວ່າດ້ວຍທ່າບົກ; ຮ່າງກົດໝາຍວ່າດ້ວຍການຕ້ານການຟອກເງິນ ແລະ ສະໜອງທຶນໃຫ້ແກ່ການກໍ່ການຮ້າຍ; ຮ່າງກົດໝາຍ ວ່າດ້ວຍອາກອນມູນຄ່າເພີ່ມ ແລະ ຮ່າງກົດໝາຍ ວ່າດ້ວຍການສະກັດກັ້ນ ແລະ ຕ້ານອັກຄີໄພ; ຄົ້ນຄວ້າສ້າງຮ່າງກົດໝາຍແລະດຳລັດໃໝ່ 2ສະບັບຄື: ຮ່າງກົດໝາຍວ່າດ້ວຍຊັບພະຍາກອນທີ່ເປັນຢາ; ຮ່າງດໍາລັດ ວ່າດ້ວຍກອງທຶນພັດທະນາໂທລະຄົມມະ ນາຄົມ ແລະ ການຫັນເປັນດິຈິຕອນ;


ບັນດາຫົວຂໍ້ຂອງກອງປະຊຸມລັດຖະບານໃນເດືອນນີ້ ແມ່ນມີຄວາມສຳຄັນຫຼາຍ ເພາະເປັນການຜັນຂະຫຍາຍ ມະຕິກອງປະຊຸມ ເທື່ອທີ 6 ຂອງສະພາແຫ່ງຊາດ ຊຸດທີ IX ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ແລະ ແຜນເງິນຕາ ປີ 2024 ກໍຄືການຜັນຂະຫຍາຍແນວທາງປ່ຽນແປງໃໝ່ເຂົ້າສູ່ລວງເລິກ, ສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານ, ລວມທັງແຜນບູລິມະສິດ ໃນການເປັນປະທານອາຊຽນ ປີ 2024.

ລັດຖະບານ ໄຂກອງປະຊຸມສະໄໝສາມັນ ປະຈຳເດືອນກຸມພາ 2024 ພ້ອມກັນ ຄົ້ນຄວ້າຫາລືຫລາຍບັນຫາສຳຄັນ - 4 - ລັດຖະບານ ໄຂກອງປະຊຸມສະໄໝສາມັນ ປະຈຳເດືອນກຸມພາ 2024 ພ້ອມກັນ ຄົ້ນຄວ້າຫາລືຫລາຍບັນຫາສຳຄັນ
ລັດຖະບານ ໄຂກອງປະຊຸມສະໄໝສາມັນ ປະຈຳເດືອນກຸມພາ 2024 ພ້ອມກັນ ຄົ້ນຄວ້າຫາລືຫລາຍບັນຫາສຳຄັນ - 3 - ລັດຖະບານ ໄຂກອງປະຊຸມສະໄໝສາມັນ ປະຈຳເດືອນກຸມພາ 2024 ພ້ອມກັນ ຄົ້ນຄວ້າຫາລືຫລາຍບັນຫາສຳຄັນ
ລັດຖະບານ ໄຂກອງປະຊຸມສະໄໝສາມັນ ປະຈຳເດືອນກຸມພາ 2024 ພ້ອມກັນ ຄົ້ນຄວ້າຫາລືຫລາຍບັນຫາສຳຄັນ - 5 - ລັດຖະບານ ໄຂກອງປະຊຸມສະໄໝສາມັນ ປະຈຳເດືອນກຸມພາ 2024 ພ້ອມກັນ ຄົ້ນຄວ້າຫາລືຫລາຍບັນຫາສຳຄັນ