​ຊົມເຊີຍເຈົ້າໜ້າທີ່ສາມາດຈັບຄົນຮ້າຍ​ປຸ້ນ​ຊັບຕົວອັນຕະລາຍມາດໍາເນີນຄະດີ

- Untitled 1 copy 7 - ​ຊົມເຊີຍເຈົ້າໜ້າທີ່ສາມາດຈັບຄົນຮ້າຍ​ປຸ້ນ​ຊັບຕົວອັນຕະລາຍມາດໍາເນີນຄະດີ
- Untitled design - ​ຊົມເຊີຍເຈົ້າໜ້າທີ່ສາມາດຈັບຄົນຮ້າຍ​ປຸ້ນ​ຊັບຕົວອັນຕະລາຍມາດໍາເນີນຄະດີ

​ໃນ​ວັນ​ທີ 4 ຕຸລານີ້, ເຈົ້າໜ້າທີ່ ປກສ ​ເມືອງ​ໄຊ​ເສດ​ຖານະຄອນຫລວງ​ວຽງ​ຈັນ, ​ໄດ້​ຖະ​ແຫລ​ງຜົນການ​ຈັບຕົວທ້າວ ບຸນ​ຈັນ (ຕຸ້ຍ) ອາຍຸ 41 ປີພັກ​ເຊົາ​ຢູ່​ບ້ານ​ດອນ​ກອຍ​ເມືອງ​ສີ​ສັດຕະ​ນາກມາດໍາເນີນຄະດີ, ພາຍຫລັງໄດ້ກໍ່ເຫດປຸ້ນເງິນຢູ່​ໜ່ວຍ​ບໍລິການ​ຂອງ​ທະນາຄານ​ແຫ່ງ​ໜຶ່ງໃນ​​ເຂດ​ບ້ານ​ວຽງ​ຈະ​ເລີ​ນ​ເມືອງ​ໄຊ​ເສດ​ຖາ ແລະ ໄດ້ເງິນໄປຫລາຍກວ່າ 200 ລ້ານ​ກີບ.

+ເກີດ​ເຫດ​ປຸ້ນ​ຮ້ານ​ຄຳຢູ່​​ແຂວງຄຳ​ມ່ວນ

+ປກສ ເມືອງສີສັດຕະນາກຈັບເຄື່ອຂ່າຍແກ້ງລັກລົດຈັກຕົວອັນຕະລາຍ

- Wave100S AD to Website 2020 0 - ​ຊົມເຊີຍເຈົ້າໜ້າທີ່ສາມາດຈັບຄົນຮ້າຍ​ປຸ້ນ​ຊັບຕົວອັນຕະລາຍມາດໍາເນີນຄະດີ

ທ່ານພັນໂທ ຄຳ​ເກີ່ງ ຈັນ​ສຸລິ​ມາດ ຫົວໜ້າ​ກອງ​ບັນຊາ​ການ ປກສ ​ເມືອງ​ດັ່ງກ່າວ ໃຫ້ຮູ້ວ່າ: ​​ເວລາປະມານບ່າຍໂມງຂອງ​ວັນ​ທີ 27 ກັນຍາຜ່ານມາ, ໄດ້ຮັບແຈ້ງວ່າໄດ້ມີ​ຄົນ​ຮ້າຍປຸ້ນໜ່ວຍບໍລິການທະນາຄານໃນເຂດບ້ານວຽງຈະເລີນເມືອງໄຊເສດຖາ, ຈຶ່ງໄດ້ຈັດກໍາລັງລົງກວດກາ ແລະ ເກັບກໍາຂໍ້ມູນຫລັກຖານໃນສະຖານເກີດເຫດ ແລະ ສືບສວນຮູ້ວ່າ: ຜູ້​ກໍ່​ເຫດ​ແມ່ນທ້າວ ບຸນ​ຈັນ ຈຶ່ງໄດ້ຈັດກໍາລັງຕິດຕາມຈັບຕົວມາດໍາເນີນຄະດີ​ໄດ້ໃນວັນທີ 3 ຕຸລານີ້, ພາຍຫລັງ​ຫລົບໜີ​ໄປ​ບວດ​ຢູ່​ວັດ​ແຫ່ງ​ໜຶ່ງ​ເຂດ​ເມືອງ​ໄຊ​ທານີ ແລະ ກວດຄົ້ນທີ່​ພັກ​ພົບ​ເຫັນ​ເງິນ 40 ລ້ານ​ກີບ, 52 ພັນບາດສະກຸນເງິນໄທ ​ແລະ ​3.460 ​ໂດ​ລາສະຫະລັດ ແລະ ຜ່ານການສືບສວນ-ສອບສວນຂອງເຈົ້າໜ້າທີ່ຜູ້ກ່ຽວຮັບສາລະພາບວ່າ: ຕົນ​ໄດ້​ໃຊ້ປືນ​ປອມໃນການ​ກໍ່​ເຫດຄັ້ງນີ້ ແລະ ​ໄດ້​ເງິນຈໍານວນ 90 ລ້ານ​ກີບ, 117.850 ບາດ ​ແລະ ​10.672 ​ໂດ​ລາສະຫະລັດ​ແລ້ວ​ຂັບລົດຈັກ​ຫລົບໜີ​ໄປ​ທາງ​ບ້ານ​ດົງ​ຄຳ​ຊ້າງ, ຈາກນັ້ນໄດ້ໄປ​ບວດ​ຢູ່​ວັດ​ແຫ່ງໜຶ່ງເພື່ອຫລົບໜີການກະທໍາຜິດ, ປັດຈຸບັນເຈົ້າໜ້າທີ່ພວມດໍາເນີນຄະດີສັ່ງຟ້ອງໄອຍະການ ແລະ ສານຕັດສີນລົງໂທດຕາມລະບຽບກົດໝາຍ.

ຂ່າວ-ພາບ : ຫນັງສືພິມ ປກສ

- WhatsApp Image 2020 05 27 at 5 - ​ຊົມເຊີຍເຈົ້າໜ້າທີ່ສາມາດຈັບຄົນຮ້າຍ​ປຸ້ນ​ຊັບຕົວອັນຕະລາຍມາດໍາເນີນຄະດີ
- WhatsApp Image 2020 05 27 at 5 - ​ຊົມເຊີຍເຈົ້າໜ້າທີ່ສາມາດຈັບຄົນຮ້າຍ​ປຸ້ນ​ຊັບຕົວອັນຕະລາຍມາດໍາເນີນຄະດີ
error: Alert: ເນື້ອຫາຂ່າວມີລິຂະສິດ !!