ອຸຕຸເຕືອນ ເຝົ້າລະວັງ! ເດືອນມີນາ ອາກາດຈະຮ້ອນອົບເອົ້າ ທັງຈະມີຝົນຕົກ ຟ້າຮ້ອງ ຟ້າເຫລື້ອມ, ຟ້າຜ່າ ແລະ ລົມພັດແຮງເກີດຂຶ້ນ

ກົມອຸຕຸນິຍົມ ແລະ ອຸທົກກະສາດ ລາຍງານການຄາດຄະເນສະພາບອາກາດໃນໄລຍະວັນທີ 1-8 ມີນາ 2024 ມວນອາກາດເຢັນທີ່ມີກໍາລັງອ່ອນ ຫາປານກາງ ຈະປົກຄຸມເຂດພາກເໜືອດ້ານຕາເວັນອອກ ລົງຫາ ພາກ ກາງຂອງປະເທດລາວ ພ້ອມດຽວກັນຍ່ອມຄວາມກົດດັນອາກາດຕໍ່າ ຈະປົກຄຸມເຂດພາກເໜືອດ້ານຕາເວັນຕົກ ເຊິ່ງຈະເຮັດໃຫ້ອາກາດເຢັນໃນ ຕອນເຊົ້າ ແລະ ອາກາດຮ້ອນໃນຕອນກາງເວັນ ພ້ອມມີຝົນຕົກໃນລະດັບ ຄ່ອຍຢູ່ບາງທ້ອງຖິ່ນ.

ໃນໄລຍະວັນທີ 9-14 ມີນາ 2024 ມວນອາກາດເຢັນຈະມີກາລັງແຮງ ເພີ່ມຂຶ້ນປົກຄຸມ ຊຶ່ງຈະເຮັດໃຫ້ອາກາດເຢັນລົງເລັກນ້ອຍ ພ້ອມມີຝົນຕົກ ຟ້າຮ້ອງ ຟ້າເກລື້ອມ ແລະ ລົມພັດແຮງຢູ່ບາງທ້ອງຖິ່ນ ໂດຍສະເພາະເຂດ ພາກເໜືອ ລົງຫາ ພາກກາງ.

ໃນໄລຍະວັນທີ 14 ຫາ ທ້າຍເດືອນ ມວນອາກາດຮ້ອນທີ່ມີກໍາລັງປານກາງ ຫາແຮງ ຈະປົກຄຸມ ແລະ ສົມທົບກັບກະແສລົມຕາເວັນຕົກພັດປົກຄຸມ ເປັນສ່ວນໃຫຍ່ ເຊິ່ງຈະເຮັດໃຫ້ອາກາດຮ້ອນ ຫາ ຮ້ອນເອົ້າໃນແຕ່ລະພາກ ແລະ ມີຝົນຕົກ ຟ້າຮ້ອງ ຟ້າເຫລື້ອມ, ຟ້າຜ່າ ແລະ ໜາກເຫັບຕົກ ພ້ອມມີ ລົມພັດແຮງຢູ່ບາງທ້ອງຖິ່ນ.

ຄຳເຕືອນເຝົ້າລະວັງ! ໃນໄລຍະເດືອນມີນາ ຫາ ພຶດສະພາ 2024 ແມ່ນໄລຍະທີ່ມີອາກາດຮ້ອນອົບເອົ້າສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ ເຊິ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມ, ຟ້າຜ່າ ແລະ ລົມພັດແຮງເກີດຂຶ້ນຢູ່ບາງທ້ອງຖິ່ນໃນແຕ່ ລະພາກ. ດັ່ງນັ້ນ, ຈຶ່ງຂໍແຈ້ງເຕືອນເຖິງພໍ່ແມ່ປະຊາຊົນ ແລະ ອົງການ ປົກຄອງທ້ອງຖິ່ນທຸກພາກສ່ວນ ຄວນມີສະຕິລະມັດລະວັງ ແລະ ກຽມພ້ອມ ຮັບມືກັບສະພາບອາກາດທີ່ມີການປ່ຽນແປງດັ່ງກ່າວ ໂດຍສະເພາະສະພາບ ຝົນຕົກ ຟ້າຮ້ອງ ຟ້າເຫລື້ອມ ແລະ ລົມພັດແຮງທີ່ຈະເຮັດໃຫ້ມີຕົ້ນໄມ້ໃຫຍ່ ປ້າຍໂຄສະນາ ແລະ ເສົາໄຟຟ້າ ຫັກລົ້ມ, ໃຫ້ຫລີກລ່ຽງການໄປຢູ່ກ້ອງຕົ້ນ ໄມ້ໃຫຍ່ ແລະ ເດີິ່ນກາງແຈ້ງທີ່ກວ້າງ ເພືິ່ອບໍ່ໃຫ້ຖືກຟ້າຜ່າ. ພ້ອມນີ້ຂໍໃຫ້ ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາກອນທໍາມະຊາດ ແລະ ສິິ່ງແວດລ້ອມ ຢ່າງເປັນປະຈໍາ.