ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ

ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ - Untitled - ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ
ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ - kitchen vibe - ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ

     ນາຍົກລັດຖະມົນຕີ ອັນວາ ອິບຣາຮິມ ຜູ້ນໍາມາເລເຊຍ ກ່າວວ່າ: ທ່ານຍິນດີຈະເປີດການຄົ້ນຫາຖ້ຽວບິນ MH370 ອີກ ຖ້າມີຫລັກຖານທີ່ໜ້າສົນໃຈ. ຖືເປັນການເປີດໂອກາດຄັ້ງໃໝ່ສໍາລັບການຕາມຫາເຮືອບິນທີ່ຫາຍສາບສູນໄປແລ້ວ 10 ປີ.

      ວັນທີ 4 ມີນາ, ສໍານັກຂ່າວຕ່າງປະເທດລາຍງານວ່າ: ການສະແດງຄວາມເຫັນຂອງທ່ານ ອັນວາ ມີຂຶ້ນລະຫວ່າງການເດີນທາງຢ້ຽມຢາມເມືອງເມລເບິນ, ຂະນະທີ່ຫລາຍຄອບຄົວຮ່ວມລະນຶກການຄົບຮອບ 10 ປີ ນັບແຕ່ເຮືອບິນລໍາດັ່ງກ່າວ ເຊິ່ງມີຜູ້ໂດຍສານ 239 ຄົນ ສູນຫາຍໃນມະຫາສະໝຸດອິນເດຍ.

ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ - Visit Laos Visit SALANA BOUTIQUE HOTEL - ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ

      ທັງນີ້, ເຮືອບິນໂບອິ້ງ 777 ຂອງສາຍການບິນມາເລເຊຍ ແອລາຍ ຖ້ຽວບິນ MH370 ຫາຍໄປຈາກຈໍເຣດາ ໃນວັນທີ 8 ມີນາ 2014 ລະຫວ່າງເດີນທາງຈາກນະຄອນຫລວງກົວລາລໍາເປີ ປະເທດມາເລເຊຍ ໄປນະຄອນຫລວງປັກກິ່ງ ປະເທດຈີນ.

     ເຖິງວ່າເຫດການດັ່ງກ່າວເຮັດໃຫ້ເກີດການຄົ້ນຫາຄັ້ງໃຫຍ່ທີ່ສຸດໃນປະຫວັດສາດການບິນ, ແຕ່ພັດບໍ່ພົບເຮືອບິນລໍາດັ່ງກ່າວ ແລະ ປະຕິບັດການນີ້ຖືກໂຈະໄປໃນເດືອນມັງກອນ 2017.

     ໃນວັນທີ 3 ມີນາຜ່ານມາ, ຍາດພີ່ນ້ອງຂອງຜູ້ສູນຫາຍ ເຊິ່ງສ່ວນຫລາຍເປັນຊາວຈີນ ແລະ ກຸ່ມຜູ້ສະໜັບສະໜູນຂອງພວກເຂົາ ປະມານ 500 ຄົນ ລວມຕົວກັນຢູ່ສູນການຄ້າແຫ່ງໜຶ່ງໃກ້ນະຄອນຫລວງກົວລາລໍາເປີ ເພື່ອລະນຶກເຖິງ “ວັນແຫ່ງຄວາມຊົງຈໍາ” ໂດຍຫລາຍຄົນມີສີໜ້າໂສກເສົ້າ.

      ການຄົ້ນຫາຄັ້ງນັ້ນ ເຊິ່ງນໍາໂດຍອົດສະຕຣາລີ ແລະ ຄວບຄຸມເນື້ອທີ່ 120.000 ຕາກິໂລແມັດ ໃນມະຫາສະໝຸດອິນເດຍ ພົບພຽງເສດຊິ້ນສ່ວນເລັກໜ້ອຍ ແລະ ເກືອບບໍ່ພົບຮ່ອງຮອຍອື່ນໆຂອງຖ້ຽວບິນ MH370 ເລີຍ.

ອ້າງອີງ:

ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ - 4 - ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ
ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ - 5 - ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ
ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ - 3 - ຜູ້ນໍາມາເລເຊຍຍິນດີເປີດການຄົ້ນຫາ MH370 ອີກ ຖ້າພົບຫລັກຖານໜ້າສົນໃຈ