ຣັດເຊຍສັງຫານ IS ໃນຊີຣີ ອີກຫລາຍກວ່າ 180 ຄົນ

- russian airstrikes syria - ຣັດເຊຍສັງຫານ IS ໃນຊີຣີ ອີກຫລາຍກວ່າ 180 ຄົນ
- Untitled design - ຣັດເຊຍສັງຫານ IS ໃນຊີຣີ ອີກຫລາຍກວ່າ 180 ຄົນ

ກະຊວງ​ປ້ອງ​ກັນ​ປະ​ເທດຣັດ​ເຊຍ ຖະ​ແຫລ​ງ​ໃນ​ວັນ​ທີ 7 ຕຸລາ ປະຕິບັດ​ການ​ໂຈມ​ຕີ​ທາງ​ອາກາດ​ຂອງ​ເຮືອບິນ​ຮົບຣັດ​ເຊຍ​ໃນ​ປະ​ເທດ​ຊີຣີ ສັງຫານ​ນັກຮົບ​ກຸ່ມ IS ຢ່າງ​ໜ້ອຍ 120 ຄົນ ​ແລະ ນັກຮົບ​ຮັບຈ້າງ​ຊາວ​ຕ່າງປະ​ເທດ​ອີກ​ປະມານ 60 ຄົນ ​ໃນ​ໄລຍະ 24 ຊົ່ວ​ໂມງ​ຜ່ານ​ມາ.

ສຳນັກ​ຂ່າວ AFP ລາຍ​ງານ​ຈາກ​ນະຄອນຫລວງ​ມົດ​ສະ​ກູ ປະ​ເທດຣັດ​ເຊຍ ​ໃນ​ວັນ​ທີ 7 ຕຸລາ​ວ່າ: ຖະ​ແຫລ​ງການ​ຂອງ​ກະຊວງ​ປ້ອງ​ກັນ​ປະ​ເທດຣັດ​ເຊຍ​ຍັງ​ຢືນຢັນ​ການ​ເສຍ​ຊີວິດ​ຂອງ 3 ຜູ້​ບັນຊາ​ການ​ພາກ​ສະໜາມ​ຂອງ​ກຸ່ມ IS ​ໃນ​ຊີຣີ ລວມທັງ​ທ່ານ ​ໂອ​ມາ ອັດ ຊິ​ຊາ​ນີ ຊາວ​ຄໍ​ເຄຊັດ​ເໜືອ ຈາກ​ການ​ໂຈມ​ຕີ​ທາງ​ອາກາດ​ຂອງ​ເຮືອບິນ​ຮົບຣັດ​ເຊຍ​ຄັ້ງກ່ອນ​ໜ້າ​ນີ້ ການ​ຢືນຢັນ​ມີ​ຂຶ້ນ​ເຖິງ​ວ່າ​ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ​ຈະ​ຖະ​ແຫລ​ງ​ໃນ​ປີ 2016 ວ່າ: ຊິ​ຊາ​ນີ ຖືກ​ທະຫານ​ອາ​ເມ​ລິ​ກາ​ສັງຫານ​ໃນ​ອີຣັກ​ແລ້ວ.

ຖະ​ແຫລ​ງການ​ດັ່ງກ່າວ ກ່າວ​ວ່າ: ສູນ​ບັນຊາ​ການ​ຂອງ​ຜູ້​ກໍ່​ການ​ຮ້າຍ ​ແລະ ນັກຮົບ IS ຢ່າງ​ໜ້ອຍ 80 ຄົນ ລວມທັງ 9 ຄົນ​ຈາກ​ຄໍ​ເຄຊັດ​ເໜືອ ຖືກ​ທຳລາຍ​ໃນ​ພື້ນທີ່​ມາຍາ​ດິນ ​ແລະ ນັກຮົບ IS ອີກ​ປະມານ 40 ຄົນ​ເສຍ​ຊີວິດ ບໍລິ​ເວນ​ອ້ອມ​ເມືອງ​ອາ​ບູ ກາມາລ.

- Wave100S AD to Website 2020 0 - ຣັດເຊຍສັງຫານ IS ໃນຊີຣີ ອີກຫລາຍກວ່າ 180 ຄົນ

ການ​ໂຈມ​ຕີ​ທາງ​ອາກາດ​ອີກ​ຈຸດ​ໜຶ່ງ ​ເຮັດ​ໃຫ້​ນັກຮົບ​ຮັບຈ້າງ​ຊາວ​ຕ່າງປະ​ເທດ​ຫລາຍ​ກວ່າ 60 ຄົນ ຈາກ​ອະດີດ​ປະ​ເທດ​ເຄື​ອຂ່າຍ​ສະຫະພາບ​ໂຊ​ຫວຽດ, ຕວກກີ ​ແລະ ​ເອຢິບ ​ເສຍ​ຊີວິດ ທາງ​ໃຕ້​ຂອງ​ເມືອງ​ເດ​ອີ ​ເອສຊໍ. ຖະ​ແຫລ​ງການ​ລະບຸ​ວ່າ: ນັກຮົບ​ຮັບຈ້າງ​ຊາວ​ຕ່າງປະ​ເທດ​ຈຳນວນ​ຫລາຍ​ເດີນທາງ​ຂ້າມ​ແດນ​ຈາກ​ອີຣັກ​ເຂົ້າສູ່​ເມືອງ​ອາ​ບູ ຄາ​ມາລຂອງ​ຊີຣີ.

- WhatsApp Image 2020 05 27 at 5 - ຣັດເຊຍສັງຫານ IS ໃນຊີຣີ ອີກຫລາຍກວ່າ 180 ຄົນ
- WhatsApp Image 2020 05 27 at 5 - ຣັດເຊຍສັງຫານ IS ໃນຊີຣີ ອີກຫລາຍກວ່າ 180 ຄົນ
error: Alert: ເນື້ອຫາຂ່າວມີລິຂະສິດ !!