ພັກການເມືອງນູແວນເຊລັງ ເລັ່ງເຈລະຈາຈັດຕັ້ງລັດຖະບານປະສົມ

- advert banner 728 90 728x90 - ພັກການເມືອງນູແວນເຊລັງ ເລັ່ງເຈລະຈາຈັດຕັ້ງລັດຖະບານປະສົມ

ພັກ​ນ້ອຍ​ຢູ່​ນູ​ແວນ​ເຊ​ລັງກາ​ຍ​ເປັນ​ໝາກ​ສຳຄັນ​ໃນ​ເກ​ມຊີງ​ອຳນາດ​ທາງ​ການ​ເມືອງ​ຈາກ​ການ​ເລືອກ​ຕັ້ງທົ່ວ​ໄປ​ໃນ​ເດືອນ​ກັນຍາ ​ເຊິ່ງປາກົດ​ວ່າ​ພັກ​ລັດຖະບານ ​ແລະ ຝ່າຍ​ຄ້ານ​ມີ​ຄະ​ແນນ​ສູ​ສີ​ກັນ ​ໂດຍ​ພັກຂະ​ໜາດ​ນ້ອຍ​ໄດ້​ແຍກ​ເຈລະຈາ​ໃນ​ວັນ​ທີ 8 ຕຸລາ ກັບ​ພັກ​ນາຍົກລັດຖະມົນຕີ ບິ​ລ ອິງ​ລິດ ​ແລະ ຫົວໜ້າ​ພັກ​ແຮງ​ງານ ​ເຊິ່ງ​ເປັນ​ຝ່າຍ​ຄ້ານ ທີ່​ຕ່າງ​ພະຍາຍາມ​ຈັດຕັ້ງລັດຖະບານ​ປະສົມ.

- new3 - ພັກການເມືອງນູແວນເຊລັງ ເລັ່ງເຈລະຈາຈັດຕັ້ງລັດຖະບານປະສົມ

ກ່ອນ​ໜ້າ​ນີ້​ທ່ານ ວິນ​ສຕັນ ປີ​ເຕີ ຫົວໜ້າ​ພັກ​ນູ​ແວນ​ເຊ​ລັງ​ເຟີຣ ​ເຊິ່ງ​ເປັນ​ພັກຂະ​ໜາດ​ນ້ອຍ​ກ່າວ​ວ່າ: ທ່ານ​ຈະ​ຕັດສິນ​ໃຈ​ວ່າ​ຈະ​ສະໜັບ​ສະ​ໜູນ​ພັກ​ໃດ​ ພາຍຫລັງຜົນ​ການ​ເລືອກ​ຕັ້ງທົ່ວ​ໄປ​ໃນ​ວັນ​ທີ 23 ກັນຍາ ​ໄດ້​ຮັບ​ການ​ປະກາດ​ຢ່າງ​ເປັນ​ທາງ​ການ​ໃນ​ວັນ​ທີ 6 ຕຸລາ, ຂະນະ​ທີ່​ທ່ານ​ຍັງ​ບໍ່​ເປີດ​ເຜີຍ​ໃດໆ​ທັງ​ໝົດ ພາຍຫລັງ​ເຈລະຈາ​ກັບ​ນາຍົກລັດຖະມົນຕີ ​ໂດຍ​ກ່າວ​ພຽງ​ວ່າ: ​ເປັນ​ໄປ​ດ້ວຍ​ດີ. ຈາກ​ນັ້ນທ່ານ​ໄດ້​ພົບ​ກັບ​ທ່ານ​ນາງ ຈາ​ຊິນ​ດາ ອາຣ​ເດິ​ນ ຜູ້ນຳ​ພັກ​ແຮງ​ງານ ​ແລະ ຫາລື​ກັນ​ເປັນ​ເວລາ 2 ຊົ່ວ​ໂມງ. ພັກ​ແຫ່ງ​ຊາດ​ຂອງ​ນາຍົກລັດຖະມົນຕີ ບິ​ລ ອິງ​ລິດ ​ໄດ້ ສສ 56 ບ່ອນ​ນັ່ງ, ສ່ວນ​ພັກ​ແຮງ​ງານ ​ແລະ ພັກ​ກຣີນຊະນະ 54 ບ່ອນ​ນັ່ງ, ພັກ​ນູ​ແວນ​ເຊ​ລັງ​ເຟິຣ​ໄດ້ 9 ບ່ອນ​ນັ່ງ ທັງ​ສອງ​ພັກ​ໃຫຍ່​ພະຍາຍາມ​ຈັບ​ມື​ກັບ​ພັກ​ນູ​ແວນ​ເຊ​ລັງ​ເຟິຣ​ເພື່ອ​ຈັດຕັ້ງລັດຖະບານ​ປະສົມ​​ໃຫ້​ໄດ້​ສຽງ​ສ່ວນ​ຫລາຍ 61 ບ່ອນ​ນັ່ງ ຈາກ 120 ບ່ອນ​ນັ່ງ​ໃນ​ສະພາ.

- lattana 1 - ພັກການເມືອງນູແວນເຊລັງ ເລັ່ງເຈລະຈາຈັດຕັ້ງລັດຖະບານປະສົມ
error: Content is protected !!