ປກສ ຄຳມ່ວນ ກັກຕົວກຸ່ມແກ້ງມົ່ວສຸມ ຄ້າ-ຂາຍ ໃບກະທ່ອມ 13 ຄົນ ມາສຶກສາອົບຮົມ

ວັນທີ 1 ມີນາ 2024, ເຈົ້າໜ້າທີ່ພະແນກຕຳຫລວດສະກັດກັ້ນ ແລະ ຕ້ານຢາເສບຕິດ ປກສ ແຂວງຄຳມ່ວນ ໄດ້ກັກຕົວກຸ່ມແກ້ງມົ່ວສຸມ, ຄ້າ-ຂາຍ ນ້ຳ ແລະ ໃບກະທ່ອມ 13 ຄົນ ຢູ່ເຂດບ້ານ ວຽງວິໄລ ເມືອງທ່າແຂກ  ມາສຶກສາອົບຮົມກ່າວເຕືອນ, ພ້ອມຢຶດເຄື່ອງຂອງກາງໄດ້ ໃບກະທ່ອມ 44 ກິໂລກຣາມ, ນໍ້າຢາ ດາທິດຊິນ 514 ແກ້ວ ມາດຳເນີນຄະດີຕາມຂັ້ນຕອນຂອງກົດໝາຍ.

ພ້ອມນີ້, ເຈົ້າໜ້າທີ່ຕຳຫລວດໄດ້ຍົກໃຫ້ເຫັນກ່ຽວກັບກົດໝາຍ ແລະ ຜົນຮ້າຍຂອງສານເສບຕິດດັ່ງກ່າວ, ແລ້ວສ້າງບົດບັນທຶກກ່າວເຕືອນ ເພື່ອໃຫ້ພວກກ່ຽວມີການປ່ຽນແປງພຶດຕິກຳຂອງຕົນເອງ, ຖ້າຫາກພວກກ່ຽວຍັງສືບຕໍໍ່ກະທຳຜິດຕໍ່ໄປ ແມ່ນຈະຖືກເຈົ້າໜ້າທີ່ນຳຕົວມາດຳເນີນຄະດີຕາມກົດໝາຍຢ່າງເຂັ້ມງວດ.