ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ

ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ - Untitled 1 - ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ
ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ - kitchen vibe - ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ

      ເປີດເຜີຍຕົວເລກຈາກການຄາດຄະເນມູນຄ່າຄວາມເສຍຫາຍທີ່ ເມຕາ ອິງ ຫລື ມາຣກ ຊັກເຄີເບິກ ຕ້ອງສູນເສຍ ຫລັງຈາກເກີດເຫດການສະມາຊິກບໍ່ສາມາດເຂົ້ານໍາໃຊ້ເຟສບຸກ ແລະ ອິນສະຕາແຣມໄດ້ເປັນເວລາຫລາຍຊົ່ວໂມງ.

     ໃນວັນທີ 5 ມີນາ 2024 ໄລຍະເວລາປະມານ 22:30 ໂມງ ຕາມເວລາປະເທດລາວ, ເກີດເຫດການ ເຟສບຸກ-ອິນສະຕາແກຣມ-ເມສເຊນເຈີລົ້ມ ເຮັດໃຫ້ຜູ້ນໍາໃຊ້ຈໍານວນຫລາຍຈາກທົ່ວໂລກບໍ່ສາມາດລັອກອິນເຂົ້າໃຊ້ໄດ້ຕາມປົກກະຕິ ສ້າງຄວາມແຕກຕື່ນ ແລະ ບໍ່ພໍໃຈຕໍ່ຊາວໂຊຊຽວ. ຂະນະທີ່ມີບາງລາຍລະບຸວ່າ: ເປັນການໂຈມຕີທາງໄຊເບີ ເນື່ອງຈາກພົບວ່າແພກຟອມໂຊຊຽວອື່ນໆກໍປະສົບເຫດການໃນລັກສະນະດຽວກັນ.

ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ - Visit Laos Visit SALANA BOUTIQUE HOTEL - ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ

     ຕໍ່ມາ, ຜູ້ບໍລິຫານຈາກ ເມຕາ ອິງ ບໍລິສັດແມ່ຂອງເຟສບຸກ ແລະ ອິນສະຕາແກຣມ ລວມທັງເມສເຊນເຈີ ໄດ້ປະກາດຜ່ານເອັກ (ທະວິດເຕີ) ວ່າເຫດການທີ່ເກີດຂຶ້ນເປັນຄວາມຂັດຂ້ອງທາງເຕັກນິກ ເຮັດໃຫ້ຜູ້ໃຊ້ຫລາຍຄົນບໍ່ສາມາດເຂົ້າໃຊ້ບັນຊີຂອງຕົນເອງໄດ້ ແລະ ໄດ້ມີການແກ້ໄຂຮຽບຮ້ອຍແລ້ວ.

      ລະຫວ່າງທີ່ຜູ້ນໍາໃຊ້ຫລາຍຄົນບໍ່ພໍໃຈຕໍ່ຄວາມບໍ່ສະດວກ ກໍມີການຄາດຄະເນວ່າ: ເຫດການລະບົບລົ້ມດັ່ງກ່າວໄດ້ສ້າງຄວາມເສຍຫາຍຈົນເຮັດໃຫ້ ເມຕາ ອິງ ຫລື ມາກ ຊັກເຄີບິກ ຕ້ອງສູນເສຍລາຍໄດ້ເປັນຈໍານວນມະຫາສານ ນອກໄປຈາກມູນຄ່າຫຸ້ນຂອງ ເມຕາ ໃນຕະຫລາດທີ່ຫລຸດລົງຫລາຍຮ້ອຍຈຸດໃນລະຫວ່າງເກີດເຫດການດັ່ງກ່າວ.

     ເມື່ອຄິດໄລ່ຈາກລາຍໄດ້ສະເພາະທີ່ໄດ້ຈາກຄ່າໂຄສະນາຈໍານວນ 38.700 ລ້ານໂດລາ ລະຫວ່າງໄຕມາດສຸດທ້າຍຂອງປີ 2023 ແລ້ວ ອາດປະເມີນໄດ້ວ່າ: ເມຕາ ອິງ ມີລາຍໄດ້ຈາກໂຄສະນາຕໍ່ວັນປະມານ 420 ລ້ານໂດລາສະຫະລັດ.

    ເມື່ອເອົາມາຄິດໄລ່ໃນລະດັບຍ່ອຍລົງໄປອີກ ໂດຍຄິດເປັນຊົ່ວໂມງ ແລະ ນາທີ ເທົ່າກັບວ່າ: ເມຕາ ມີລາຍໄດ້ຊົ່ວໂມງລະ 17,5 ລ້ານໂດລາສະຫະລັດ ແລະ ນາທີລະ 292.119 ໂດລາສະຫະລັດ.

    ຖ້າວ່າ ເມຕາ ອິງ ຍັງມີລາຍໄດ້ຈາກຄ່າໂຄສະນາໃນອັດຕາທີ່ໃກ້ຄຽງກັບອັດຕາຂອງໄຕມາດຜ່ານມາ ເທົ່າກັບວ່າເຫດການລະບົບລົ້ມໃນວັນທີ 5 ມີນາ ເຮັດໃຫ້ບໍລິສັດຕ້ອງສູນເສຍລາຍໄດ້ໄປຢ່າງມະຫາສານ.

     ເມຕາ ອິງ ຖະແຫລງວ່າ: ລາຍໄດ້ຮອດປີ 2023 ຂອງບໍລິສັດຄື 41.800 ລ້ານໂດລາສະຫະລັດ ເຊິ່ງເປັນການນັບລວມເງິນສົດ ແລະ ລາຍການທຽບເທົ່າເງິນສົດ ຈຶ່ງເປັນໄປໄດ້ວ່າ: ເມຕາ ອິງ ອາດຈະບໍ່ໄດ້ສູນເສຍເງິນໄປຫລາຍ.

     ເຖິງຢ່າງໃດກໍຕາມ, ນີ້ເປັນພຽງຕົວເລກທີ່ເກີດຈາກການປະເມີນຈາກຂໍ້ມູນໃນອະດີດ ເຊິ່ງຕ້ອງລໍຖ້າເບິ່ງຕົວເລກຜົນປະກອບການໃນໄຕມາດທໍາອິດທີ່ ເມຕາ ອິງ ຈະປະກາດອອກມາເທົ່ານັ້ນ ຈຶ່ງຈະໄດ້ຮູ້ມູນຄ່າຄວາມເສຍຫາຍທີ່ແທ້ຈິງ.

ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ - 4 - ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ
ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ - 3 - ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ
ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ - 5 - ຄາດວ່າ ເມຕາ ສູນເສຍລາຍໄດ້ຊົ່ວໂມງລະ 17,5 ລ້ານໂດລາ ລະຫວ່າງ ເຟສບຸກ-ອິນສະຕາແກຣມ ລົ້ມ