ຄວາມເຊື່ອດີໆທີ່ບັນດາເສດຖີມັກຍຶດຖືໄວ້ເປັນແນວທາງ

- 030610 2017 - ຄວາມເຊື່ອດີໆທີ່ບັນດາເສດຖີມັກຍຶດຖືໄວ້ເປັນແນວທາງ
- Untitled design - ຄວາມເຊື່ອດີໆທີ່ບັນດາເສດຖີມັກຍຶດຖືໄວ້ເປັນແນວທາງ

ຄວາມເຊື່ອ ແມ່ນສິ່ງທີ່ເຮົາຍອມຮັບວ່າມັນເປັນຄວາມຈິງເຖິງວ່າຈະປາສະຈາກຂໍ້ພິສູດ ແລະ ຄວາມເຊື່ອເຫລົ່ານັ້ນກໍຍັງສົ່ງຜົນຢ່າງຫລາຍຕໍ່ຊີວິດເຮົາເອງ ແລະ ສົ່ງຕໍ່ໃຫ້ກັບຄົນອື່ນໂດຍບໍ່ໄດ້ຕັ້ງໃຈນຳ.

ໂທມັສ. ຊີ ຄໍລີ (Thomas C. Corley) ຜູ້ຂຽນໜັງສືທີ່ສຶກສາເຖິງລັກສະນະນິໄສທີ່ມີຜົນຕໍ່ກັບຄວາມຮັ່ງມີ ຈາກກຸ່ມໂຕຢ່າງທີ່ເປັນຄົນຮັ່ງມີ 233 ຄົນ ແລະ ຄົນທຸກ 128 ຄົນ ພົບວ່າ : ຄວາມເຊື່ອສົ່ງຜົນຕໍ່ການດຳລົງຊີວິດຢ່າງຫລາຍ ແລະ ຄົນຮັ່ງມີກໍມີຄວາມເຊື່ອທີ່ແຕກຕ່າງອອກໄປຈາກຄົນຊັ້ນກາງ ແລະ ຄົນທຸກຍາກ.

ເຮົາລ້ວນໄດ້ຮັບອິດທິພົນຄວາມເຊື່ອມາຈາກຄອບຄົວ, ຄູອາຈານ, ວັດທະນະທຳ ແລະ ສິ່ງແວດລ້ອມຂອງເຮົາ ເຊິ່ງຄົນທີ່ເຕີບ ໃຫຍ່ມາກັບຄວາມທຸກຍາກມັກມີຊຸດຄວາມເຊື່ອທີ່ຈ່ອງດຶງພວກເຂົາໄວ້ຈາກຄວາມກ້າວໜ້າ ການທີ່ພວກເຂົາຈະສາມາດສ້າງຕົນສ້າງໂຕຈາກຄວາມທຸກຍາກໄດ້ນັ້ນຈຶ່ງຈຳເປັນຕ້ອງມີຄົນຄອຍໃຫ້ຄຳແນະນຳ ແລະ ວິທີການກຳຈັດຄວາມເຊື່ອເກົ່າໆ ແລະ ຕັ້ງຄ່າ ຄວາມຄິດໃໝ່ ໂດຍການປູກຝັງຄວາມເຊື່ອເລື່ອງຄວາມສຳເລັດໃຫ້ນຳ.

ສະນັ້ນ ເຮົາມາເບິ່ງກັນດີກ່ວາວ່າບຸກຄົນທີ່ຮັ່ງມີຫລາຍໆເຫລົ່ານັ້ນມັກຍຶດຖືຄວາມເຊື່ອທີ່ນຳໄປສູ່ຄວາມສຳເລັດຫຍັງແດ່.

– ທ່ານຕ້ອງຮູ້ຈັກຮຽນຮູ້ໃຫ້ຫລາຍ ເຊິ່ງພາກສ່ວນໜຶ່ງຂອງການຮຽນຮູ້ໃຫ້ຫລາຍກໍແມ່ນການອ່ານ.

– ທ່ານຕ້ອງຮູ້ຈັກຮັບຜິດຊອບຕໍ່ສິ່ງຕ່າງໆທີ່ເກີດຂຶ້ນໃນຊີວິດ ທັງເລື່ອງທີ່ດີ ແລະ ເລື່ອງບໍ່ດີ.

– ເງິນຄຳ ແລະ ຄວາມຮັ່ງມີລຳ້ລວຍບໍ່ແມ່ນສິ່ງທີ່ສ້າງຂຶ້ນຍາກສະເໝີໄປ.

– ໂລກນີ້ມີເງິນຄຳ ແລະ ຄວາມຮັ່ງມີຢ່າງພຽງພໍໃຫ້ທຸກຄົນໄຝ່ຫາສະເໝີ.

– ທຸກຄົນມີສັກກະຍະພາບທີ່ຈະກາຍເປັນຜູ້ຮັ່ງມີໄດ້ຄືກັນໝົດທ່ານເອງກໍເຊັ່ນກັນ.

– ທ່ານຕ້ອງສາມາດແກ້ໄຂ ທຸກໆບັນຫາໃນຊີວິດໃຫ້ໄດ້.

– ທ່ານຕ້ອງສາມາດເອົາຊະນະກັບທຸກໆອຸປະສັກໃຫ້ໄດ້ເຊັ່ນກັນ.

– ຄວາມໂຊກດີບໍ່ໄດ້ເກີດຂຶ້ນເອງ ແຕ່ເຮົາເອງທີ່ຈະຕ້ອງສ້າງມັນຂຶ້ນມາດ້ວຍຕົນເອງ.

– ໂອກາດມີຢູ່ທຸກບ່ອນ.

– ໂອກາດມັນບໍ່ເຄີຍເຂົ້າມາຫາເຮົາ ແຕ່ເຮົາເອງທີ່ຕ້ອງອອກໄປຍາດມັນໄວ້ແລ້ວລົງມືເຮັດ.

– ທ່ານຕ້ອງເຮັດໂຕໃຫ້ຄົນອື່ນຍອມຮັບນັບຖື.

– ຄວາມລົ້ມເຫລວບໍ່ແມ່ນສິ່ງທີ່ບໍ່ດີ ມັນແມ່ນໂອກາດໃນການເລີ່ມຕົ້ນຮຽນຮູ້ໃໝ່ອີກຄັ້ງໜຶ່ງສະເໝີ.

– ຈື່ໄວ້ວ່າ : ຄວາມລົ້ມເຫລວແມ່ນຂັ້ນໄດກ້າວໜຶ່ງສູ່ຄວາມສຳເລັດ.

– ຄວາມສ່ຽງຈະເປັນເລື່ອງທີ່ດີກໍຕໍ່ເມື່ອເປັນຄວາມສ່ຽງທີ່ໄດ້ພິຈາລະນາຢ່າງຮອບຄອບແລ້ວ.

- Wave100S AD to Website 2020 0 - ຄວາມເຊື່ອດີໆທີ່ບັນດາເສດຖີມັກຍຶດຖືໄວ້ເປັນແນວທາງ

– ຈື່ໄວ້ວ່າໜີ້ສິນນັ້ນມີທັງໜີ້ດີ ແລະ ໜີ້ບໍ່ດີ.

– ບໍ່ມີໃຜປະສົບຄວາມສຳເລັດໄດ້ຫາກປາສະຈາກຄົນທີ່ເຊື່ອໝັ້ນໃນຄວາມສຳເລັດຢູ່ອ້ອມໂຕ.

– ເຮົາສາມາດປະສົບຜົນສຳເລັດໃນທຸກໆເລື່ອງ ຫາກວ່າເຮົາທຸ້ມເທເອົາໃຈໃສ່ມັນໃຫ້ເຕັມທີ່.

– ເວລາເປັນສິ່ງມີຄ່າຫລາຍກ່ວາສິ່ງໃດ ເຮົາຕ້ອງໃຊ້ເວລາໃຫ້ເກີດປະໂຫຍດສູງສຸດ ເພາະການເຮັດຫຍັງເພື່ອຂ້າເວລາຖືເປັນການຂ້າໂຕເອງທາງອ້ອມເຊັ່ນກັນ.

– ຄົນທີ່ຄືກັນມັກຈະເຂົ້າຫາກັນສະເໝີ ຈົ່ງຫລີກເວັ້ນຄົນບໍ່ດີ ແຕ່ຈົ່ງອ້ອມຮອບໂຕເອງດ້ວຍຄົນທີ່ເຊື່ອໝັ້ນໃນຄວາມສຳເລັດຄືໆກັນ.

– ຈື່ໄວ້ວ່າຄວາມຝັນ ແລະ ການມີເປົ້າໝາຍໃນຊີວິດ ແມ່ນຂັ້ນໄດທີ່ນຳເຮົາໄປສູ່ຄວາມສຳເລັດໄດ້.

– ຖ້າເຮົາຊ່ວຍໃຫ້ຄົນອື່ນປະສົບຄວາມສຳເລັດໄດ້ ແລ້ວເປັນຫຍັງເຮົາຈະປະສົບຄວາມສຳເລັດແດ່ບໍ່ໄດ້ ແມ່ນບໍ່ ?

– ເມື່ອໃດທີ່ເຮົາເຮັດໃຫ້ຊີວິດຄົນອື່ນດີຂຶ້ນ ຊີວິດຂອງເຮົາກໍຈະດີຂຶ້ນໄປນຳ.

– ຈົ່ງເຮັດໃຫ້ຫລາຍກ່ວາທີ່ຄົນອື່ນເຂົາຄາດຫວັງເອົາໄວ້ສະເໝີ.

– ທ່ານຕ້ອງຄວບຄຸມອາລົມ ແລະ ຄວາມຄິດຂອງຕົນເອງໃຫ້ໄດ້.

– ຈື່ໄວ້ວ່າຢ່າປ່ອຍຖິ້ມຄວາມຝັນເດັດຂາດ.

– ຄວາມສຳເລັດເປັນສິ່ງທີ່ຕ້ອງໃຊ້ເວລາສະເໝີ.

– ຈົ່ງປະຢັດອົດອອມ ແລ້ວໃຊ້ເງິນທີ່ມີໄປລົງທຶນກັບຄວາມຝັນ ແລະ ເປົ້າໝາຍຊີວິດຂອງທ່ານ.

– ຈົ່ງເຊື່ອໝັ້ນວ່າທ່ານແມ່ນຄົນທີ່ເກັ່ງຄົນໜຶ່ງ ແລະ ບໍ່ເຄີຍທໍ້ຖອຍກັບຫຍັງງ່າຍໆ.

– ຄວາມເຊື່ອທີ່ທ່ານມີຢູ່ແລ້ວນັ້ນໃຊ້ເວລາຫລາຍປີໃນການຈະຄ່ອຍໆກໍ່ໂຕ ສະນັ້ນ ຈຶ່ງຕ້ອງໃຊ້ເວລາພໍສົມຄວນກ່ວາຈະປ່ຽນ ແປງມັນໄດ້ຢ່າງໜ້ອຍກໍໜຶ່ງປີ ເຊິ່ງການລົງທຶນໃນວິທີຄິດພຽງແຕ່ເວລາໜຶ່ງປີນີ້ຊຳ້ພັດໃຫ້ຄຸນຄ່າກັບທ່ານໄປຕະຫລອດຊີວິດໄດ້ ແລ້ວທ່ານໃນອະນາຄົດ ອາດຈະຕ້ອງຂອບໃຈທ່ານໃນມື້ນີ້ກໍເປັນໄດ້.

- WhatsApp Image 2020 05 27 at 5 - ຄວາມເຊື່ອດີໆທີ່ບັນດາເສດຖີມັກຍຶດຖືໄວ້ເປັນແນວທາງ
- WhatsApp Image 2020 05 27 at 5 - ຄວາມເຊື່ອດີໆທີ່ບັນດາເສດຖີມັກຍຶດຖືໄວ້ເປັນແນວທາງ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!