ມີວິທີໃດແດ່ທີ່ຊ່ວຍໃຫ້ສົດຊື່ນຂຶ້ນໄດ້ໃນພາຍ 10 ນາທີ ?

- 010610 2017 - ມີວິທີໃດແດ່ທີ່ຊ່ວຍໃຫ້ສົດຊື່ນຂຶ້ນໄດ້ໃນພາຍ 10 ນາທີ ?
- AGL banner - ມີວິທີໃດແດ່ທີ່ຊ່ວຍໃຫ້ສົດຊື່ນຂຶ້ນໄດ້ໃນພາຍ 10 ນາທີ ?

– ຫາຍໃຈໃຫ້ເລິກທີ່ສຸດເທົ່າທີ່ຈະເລິກໄດ້ : ຮ່າງກາຍຂອງເຮົາຕ້ອງເຮັດວຽກຫລາຍຢ່າງ ແລະ ສິ່ງທີ່ສຳຄັນໃນການເຄື່ອນໄຫວຮ່າງກາຍກໍແມ່ນອົກຊີແຊນ. ສະນັ້ນ, ເວລາຕື່ນເຕັ້ນຫລາຍໆໃຫ້ຫາຍໃຈເລິກໆ ເພາະອົກຊີແຊນຈະເຮັດໃຫ້ສະໝອງຂອງທ່ານປອດໂປ່ງຜ່ອນຄາຍຫລາຍຍິ່ງຂຶ້ນ ຮັບຮອງວ່າບໍ່ຕ້ອງຫ່ວງ ສົດຊື່ນຂຶ້ນພາຍໃນ 10 ນາທີແນ່ນອນ.

– ຟັງເພງຈັງຫວະມັນໆ : ບໍ່ວ່າຈະເຮັດວຽກຢູ່ ຫລື ອອກກຳລັງກາຍຢູ່ ກໍຢ່າລືມຟັງເພງຈັງຫວະມັນໆ, ມີຈັງຫວະຄວາມໄວ ແລະ ມ່ວນຊື່ນ ຈະເຮັດໃຫ້ທ່ານມີຄວາມສຸກຂຶ້ນທັນທີ.

– ເຄື່ອນໄຫວຮ່າງກາຍໄປມາ : ການຍ່າງໄປມາຢູ່ບ່ອນເຮັດວຽກພຽງແຕ່ 10 ນາທີເທົ່ານັ້ນ ຈະເຮັດໃຫ້ເລືອດໃນຮ່າງກາຍຂອງທ່ານໝູນວຽນດີ ແລະ ເຮັດໃຫ້ອົກຊີແຊນຊ່ວຍໃນເລື່ອງຄວາມອິດເມື່ອຍອ່ອນເພຍໄດ້ ຖ້າຢາກຈະຜ່ອນຄາຍ ຢ່າລືມຍ່າງໄປມາ ແລະ ເຄື່ອນໄຫວຮ່າງກາຍຕະຫລອດ.

– ຊ່ວຍໂຕເອງ : ຂໍ້ນີ້ອາດຈະເປັນເລື່ອງສ່ວນໂຕ, ແຕ່ການຊ່ວຍໂຕເອງ (ການປ່ອຍນຳ້ອະສຸຈິດ້ວຍຕົນເອງ) ຈະເຮັດໃຫ້ທ່ານມີຄວາມສຸກ ແລະ ມີການຫລັ່ງຮໍໂມນແຫ່ງຄວາມສຸກໂດພາມີນ, ໂພຣແລັກຕິນ, ຊິໂຣໂທນິນ ແລະ ອົກຊີໂຕຊິນ.

– ອອກໄປຮັບລົມ, ຮັບອາກາດພາຍນອກອາຄານ : ຍ່າງອອກໄປນອກບ່ອນເຮັດວຽກ, ນັ່ງຮັບລົມ,  ນັ່ງຫລິ້ນຢູ່ສວນສາທາລະນະ ເພື່ອເບິ່ງນົກ, ເບິ່ງຕົ້ນໄມ້, ເບິ່ງດອກໄມ້, ເບິ່ງທ້ອງຟ້າ ສາມາດຊ່ວຍເພີ່ມພະລັງງານໃຫ້ທ່ານໄດ້ ຍິ່ງຖ້າມີຄົນຍ່າງໄປນຳຍິ່ງດີຫລາຍ.

– ດື່ມນຳ້ຫລາຍໆ :  ນຳ້ຊ່ວຍປັບສະພາບຄວາມດຸ່ນດ່ຽງຂອງຮ່າງກາຍ ແລະ ລະບົບສະໝອງ ສົ່ງຜົນໂດຍກົງຕໍ່ອາລົມຄວາມຮູ້ສຶກຂອງທ່ານ ຖ້າຮູ້ສຶກເມື່ອຍ ຢ່າລືມດື່ມນຳ້ ເພາະຄວາມຈິງແລ້ວທ່ານອາດຈະເມື່ອຍຍ້ອນຂາດນຳ້ກໍເປັນໄດ້.

- Wave100S AD to Website 2020 0 - ມີວິທີໃດແດ່ທີ່ຊ່ວຍໃຫ້ສົດຊື່ນຂຶ້ນໄດ້ໃນພາຍ 10 ນາທີ ?

– ເບິ່ງວີດີໂອຕະຫລົກ : ອາລົມດີອ່າວຫາຍາກ ສະນັ້ນ ຄວນຫາອັນໃດທີ່ຈະເຮັດໃຫ້ເກີດສຽງຫົວມາຊ່ວຍໃຫ້ຄວາມດັນເລືອດດີຂຶ້ນ,  ອັດຕາການເຕັ້ນຂອງຫົວໃຈ, ລະດັບສານທີ່ສົ່ງໄປຍັງປະສາດດີຂຶ້ນ ໂດຍສະເພາະແມ່ນການເບິ່ງວິດີໂອຕະຫລົກໆ ຫລື ຄລິບຕະຫລົກສັ້ນໆກໍໄດ້.

– ອອກໄປພົບແສງສະຫ່ວາງ : ມະນຸດກໍຕ້ອງໄດ້ຮັບພະລັງງານ ໂດຍຜົນວິໄຈຈາກ  Technische Universiteit Eindhoven ໃນເນເທີແລນ ເປີດເຜີຍວ່າ : ຄົນຈະມີຄວາມຕື່ນໂຕ ແລະ ດຸໝັ່ນຫລາຍຂຶ້ນເມື່ອຢູ່ພາບໃຕ້ແສງສະຫ່ວາງ, ລອງຍ່າງໄປໃກ້ໆແສງ ຫລື ອອກໄປຍ່າງເບິ່ງນົກເບິ່ງຕົ້ນໄມ້ຂ້າງນອກ ປະມານ 10 ນາທີ ກໍເອີ້ນພະລັງງານໄດ້ບໍ່ໜ້ອຍ.

– ກິນອາຫານທີ່ເຮັດມາຈາກທຳມະຊາດ ແລະ ມີນຳ້ຕານ : ຖ້າຢາກຕື່ນໂຕໄວ ກໍຫລີກເວັ້ນອາຫານທີ່ມີນຳ້ຕານໄປບໍ່ໄດ້ ເພາະນຳ້ຕານເຂົ້າສູ່ກະແສເລືອດໄດ້ໄວ ແລະ ສ້າງພະລັງງານໄດ້ທັນທີ, ແຕ່ນຳ້ຕານກໍເປັນແຫ່ລງຂອງຄວາມຕຸ້ຍ ສະນັ້ນ, ກໍຫາອາຫານຫວານໆທີ່ເຮັດຈາກທຳມະຊາດ ເຊັ່ນ : ໂຢເກິດ, ນົມສົ້ມ, ໝາກໄມ້ສົ້ມ ມາກິນແກ້ອາການງ່ວງເຫງົາຫາວນອນໄດ້ ຮັບຮອງຕື່ນໂຕ.

– ຄິດຮອດຄົນຮັກ ຫລື ຄອບຄົວ : ການຄິດຮອດຄົນຮັກ ຫລື ຄິດເຖິງເລື່ອງການມີເພດສຳພັນ ເຮັດໃຫ້ລະດັບນຳ້ຕານໃນເລືອດສູງຂຶ້ນໄດ້ ຈາກຜົນສຳຫລວດໂດຍ University of Western Ontario ໃນການາດາ ທີ່ທົດລອງກັບແມ່ຍິງ ແລະ ຜູ້ຊາຍ 183 ຄົນ ພົບວ່າ : ການຄິດຮອດແຟນ ຫລື ຜົວເມຍ ຊ່ວຍໃຫ້ຕື່ນໂຕ ແລະ ຫ້າວຫັນຂຶ້ນໄດ້.

- lattana banner 1 - ມີວິທີໃດແດ່ທີ່ຊ່ວຍໃຫ້ສົດຊື່ນຂຶ້ນໄດ້ໃນພາຍ 10 ນາທີ ?
-    AD conten website - ມີວິທີໃດແດ່ທີ່ຊ່ວຍໃຫ້ສົດຊື່ນຂຶ້ນໄດ້ໃນພາຍ 10 ນາທີ ?
- lattana banner - ມີວິທີໃດແດ່ທີ່ຊ່ວຍໃຫ້ສົດຊື່ນຂຶ້ນໄດ້ໃນພາຍ 10 ນາທີ ?
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!