ສະຕີລ ປ້ອງກັນແຊ໊ມກ໊ອຟເຊຟເວ ໂອເພນ ເອົາໄວ້ໄດ້
October 9, 2017 - 3:16 PM

ການແຂ່ງຂັນກ໊ອຟພີຈີເອທົວ ລາຍການ ເຊຟເວ ໂອເພນ ຊີງເງິນລາງວັນລວມ 6.2 ລ້ານໂດລາ ສະຫະລັດ ໃນ ເມືອງນາປາ ແຄລິຟໍເນຍ ສະ ຫະລັດ ອາເມຣິກາ ຫຼັງຈົບ ຮອບສຸດທ້າຍ ເບຣນແດນ ສະຕີລ ຊາວ ອາເມຣິກາ ປ້ອງ ກັນແຊ໊ມເອົາໄວ້ໄດ້ສຳເລັດ ເມື່ອເຮັດ 2 ເບີດີ້ໃນ 3 ຂຸມສຸດ ທ້າຍ ເຮັດເພີ່ມອີກ 3 ອັນເດີພາ 69 ຄະແນນ ລວມ 15 ອັນເດີ ພາ 273 ຄະແນນ ໜີຫ່າງ ໂທ ນີ ຟີເນົາ ໝູ່ຮ່ວມຊາດທີ່ໄດ້ອັນ ດັບ 2 ຫ່າງ 2 ສະໂຕຣກ ແລະ ເປັນການຄວ້າແຊ໊ມພີຈີເອທົວ ເປັນຄັ້ງທີ 3.
ດ້ານ ຟິລ ມິກເຄລສັນ ເຈົ້າຂອງແຊ໊ມພີຈີເອທົວ 42 ລາຍການ ເຮັດອີກ 2 ອັນເດີ ພາ 70 ຄະແນນ ລວມ ຈົບທີ 12 ອັນເດີພາ 276 ຄະແນນ ໄດ້ອັນດັບ 3 ຮ່ວມກັບ ເຊສສັນ ແຮດລີ. ສ່ວນ ໄທເລີ ດັນແຄນ ຜູ້ນຳຮອບຜ່ານມາ ເຊິ່ງບໍ່ເຄີຍ ໄດ້ແຊ໊ມພີຈີເອທົວ ມາກ່ອນຕີ ຫຼຸດເກີນໄປ 3 ໂອເວີພາ 75 ຄະແນນ ລວມເຫຼືອ 11 ອັນເດີ ພາ 277 ຄະແນນ ຈົບອັນດັບ 5 ຮ່ວມ