ແຂວງສະຫວັນນະເຂດ ເປີດປີທ່ອງທ່ຽວລາວ 2024  ຕິດພັນກັບງານສະຫວັນສຸກສັນຫັນສາ

ແຂວງສະຫວັນນະເຂດ ເປີດປີທ່ອງທ່ຽວລາວ 2024  ຕິດພັນກັບງານສະຫວັນສຸກສັນຫັນສາ - 431985050 919827096819774 5711630253098744823 n - ແຂວງສະຫວັນນະເຂດ ເປີດປີທ່ອງທ່ຽວລາວ 2024  ຕິດພັນກັບງານສະຫວັນສຸກສັນຫັນສາ
ແຂວງສະຫວັນນະເຂດ ເປີດປີທ່ອງທ່ຽວລາວ 2024  ຕິດພັນກັບງານສະຫວັນສຸກສັນຫັນສາ - kitchen vibe - ແຂວງສະຫວັນນະເຂດ ເປີດປີທ່ອງທ່ຽວລາວ 2024  ຕິດພັນກັບງານສະຫວັນສຸກສັນຫັນສາ

ພິທີເປີດປີທ່ອງທ່ຽວລາວ 2024 ທີ່ ແຂວງສະຫວັນນະເຂດ ຕິດພັນກັບງານສະ ຫວັນສຸກສັນຫັນສາ ຈັດຂຶ້ນໃນຕອນແລງວັນທີ 10 ມີນາ 2024 ໂດຍການເຂົ້າຮ່ວມຂອງ ທ່ານ ບຸນທອງ ຈິດມະນີ, ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນ ກາງພັກ, ຮອງປະທານປະເທດ, ທ່ານ ບຸນໂຈມ ອຸບົນປະເສີດ, ເຈົ້າແຂວງສະຫວັນນະເຂດ, ພ້ອມດ້ວຍການນໍາພັກ-ລັດຈາກສູນກາງ.

ປີທ່ອງທ່ຽວລາວ 2024 ທີ່ແຂວງສະຫວັນນະເຂດ ໄດ້ກໍານົດເອົາທາດອີງຮັງ-ຕິບເຂົ້າ-ປີ້ງໄກ່-ຊີ້ນສະຫວັນ-ມີຮູບນັກທ່ອງທ່ຽວ ເປັນສັນຍາລັກການທ່ອງທ່ຽວໂດດເດັ່ນທາງດ້ານແຫຼ່ງທ່ອງທ່ຽວ ແລະ ອາຫານທີ່ເປັນເອກະລັກສະເພາະຂອງແຂວງ ໂດຍກໍານົດທັງໝົດ 26 ກິດຈະກໍາ ໃນນັ້ນ ມີ 2 ກິດຈະກໍາລະດັບຊາດ, ມີ 9 ກິດຈະກໍາລະດັບແຂວງ ແລະ 15 ກິດຈະກໍາລະດັບເມືອງ-ນະຄອນ. ສະເພາະກິດຈະກໍາໃນໂອກາດເປີດງານໃນຄັ້ງນີ້ ລວມມີ: ການສະແດງສິນລະປະ-ວັນນະຄະດີ, ການສະແດງກ້ອນກໍາລັງສວນສະໜາມຕົວແທນຂອງພະແນກການ, ເມືອງ-ນະຄອນ, ຊັ້ນຄົນຕ່າງໆ ລວມທັງໝົດ 1.058 ກວ່າຄົນ

ງານສະຫວັນສຸກສັນຫັນສາທີ່ ເລີ່ມແຕ່ວັນທີ 10- 17 ມີນາ 2024 ມີກິດຈະກໍາທີ່ສໍາຄັນ ເປັນຕົ້ນ: ງານຕະຫຼາດນັດວາງສະແດງຈໍາໜ່າຍສິນຄ້າ ແລະ ເທສະການອາ ຫານໂດຍມີຜູ້ເຂົ້າຮ່ວມຈາກບັນດາຜູ້ປະກອບການຫ້າງຮ້ານພາຍໃນແຂວງທັງພາກລັດ ແລະ ເອກະຊົນ, ການໃສ່ບາດພຣະສົງ 108 ອົງຢູ່ແຄມນໍ້າຂອງໃນແຕ່ລະເຊົ້າ, ຊົມການສະແດງສິລະປະ ແລະ ວັດທະນະທໍາຈາກພາກສ່ວນຕ່າງໆ ໃນແຕ່ລະຄໍ່າຄືນ, ການປະກວດຟ້ອນກອງຕຸ້ມ-ກອງຫາງພື້ນບ້ານ, ການປະກວດ-ແຂ່ງຂັນການເປົ່າແຄນ, ການສະແດງ ລົງຄວ້າງເຂັນຝ້າຍ ວິຖີຊີວິດຂອງຊົນເຜົ່າຜູ້ໄທ, ການປະກວດ-ແຂ່ງຂັນເທສະການອາຫານພື້ນບ້ານ ເປັນຕົ້ນ: ປີ້ງໄກ່ແຊບເຊໂນ, ຕໍາໝາກຮຸ່ງ-ໝາກຖົ່ວ ແລະ ອາຫານອື່ນໆ, ຖະໜົນຄົນຍ່າງຂອງພີ່ນ້ອງສະມາຄົມຊາວຫວຽດ ນາມ ແລະສະມາຄົມຊາວຈີນ ເພື່ອຈໍາໜ່າຍ-ບໍລິການອາຫານອັນແຊບຊ້ອຍ ທີ່ເປັນເອກະລັກສະເພາະຕົວຂອງຊາວຫວຽດກຽວ ແລະ ຊາວຈີນ.

ແຂວງສະຫວັນນະເຂດ ເປີດປີທ່ອງທ່ຽວລາວ 2024  ຕິດພັນກັບງານສະຫວັນສຸກສັນຫັນສາ - 3 - ແຂວງສະຫວັນນະເຂດ ເປີດປີທ່ອງທ່ຽວລາວ 2024  ຕິດພັນກັບງານສະຫວັນສຸກສັນຫັນສາ
ແຂວງສະຫວັນນະເຂດ ເປີດປີທ່ອງທ່ຽວລາວ 2024  ຕິດພັນກັບງານສະຫວັນສຸກສັນຫັນສາ - 5 - ແຂວງສະຫວັນນະເຂດ ເປີດປີທ່ອງທ່ຽວລາວ 2024  ຕິດພັນກັບງານສະຫວັນສຸກສັນຫັນສາ
ແຂວງສະຫວັນນະເຂດ ເປີດປີທ່ອງທ່ຽວລາວ 2024  ຕິດພັນກັບງານສະຫວັນສຸກສັນຫັນສາ - 4 - ແຂວງສະຫວັນນະເຂດ ເປີດປີທ່ອງທ່ຽວລາວ 2024  ຕິດພັນກັບງານສະຫວັນສຸກສັນຫັນສາ