ມີຫລາຍບັນຫາທີ່ກາຕາໂລນີ ຕ້ອງຄິດກ່ອນແຍກຕົວຈາກແອັສປາຍ

- advert banner 728 90 728x90 - ມີຫລາຍບັນຫາທີ່ກາຕາໂລນີ ຕ້ອງຄິດກ່ອນແຍກຕົວຈາກແອັສປາຍ

​ເວັບ​ໄຊ​ບລູມ​ເບີກ​ຊີ້​ວ່າ: ມີ​ຫລາຍ​ບັນຫາ​ທີ່​ແຄວ້ນ​ກາ​ຕາ​ໂລ​ນີ ຫລື ກາ​ຕາ​ລູນາ ທາງ​ຕາ​ເວັນ​ອອກສຽງ​ເໜືອ​ຂອງ​ແອັສປາຍ​ຈະ​ຕ້ອງ​ພິຈາລະນາ​ໃຫ້​ດີ​ກ່ອນຈະ​ຕັດສິນ​ໃຈ​ແຍກ​ຕົວ​ເປັນ​ເອກະລາດ.

- new3 - ມີຫລາຍບັນຫາທີ່ກາຕາໂລນີ ຕ້ອງຄິດກ່ອນແຍກຕົວຈາກແອັສປາຍ

ລັດຖະສະພາ​ແຄວ້ນ​ກາ​ຕາ​ໂລ​ນີຈະ​ເປີດ​ປະຊຸມ​ໃນ​ອາທິດ​ນີ້ ​ເຖິງ​ວ່າ​ສານ​ແອັສປາຍ​ສັ່ງ​ຫ້າມ. ຫລາຍ​ຝ່າຍ​ເຝົ້າຕິດຕາມ​ວ່າ: ກາ​ຕາ​ໂລ​ນີຈະ​ໃຊ້​ກອງ​ປະຊຸມ​ດັ່ງກ່າວ​ປະກາດ​ແຍກ​ຕົວ​ເປັນ​ເອກະລາດ​ຈາກ​ແອັສປາຍ ຫລື ບໍ່ ​ແລະ ຖ້າ​ເຮັດ​ແບບ​ນັ້ນ​ແທ້, ລັດຖະບານ​ນາຍົກລັດຖະມົນຕີ ມາຣີ ອາ​ໂນ ຣາຮອຍ ຈະ​ສັ່ງ​ຢຸດ​ສະຖານະ​ພາບ​ການ​ປົກຄອງ​ຕົນ​ເອງ​ຂອງ​ກາ​ຕາ​ໂລ​ນີ​ແລ້ວ​ສົ່ງ​ກອງ​ກຳລັງ​ເຂົ້າ​ໄປ​ຄວບ​ຄຸມ ຫລື ບໍ່. ບລູມ​ເບີກ​ຊີ້​ວ່າ: ມີ​ຫລາຍ​ເລື່ອງ​ທີ່​ກາ​ຕາ​ໂລ​ນີຕ້ອງ​ພິຈາລະນາ​ໃຫ້​ດີ ທັງ​ເລື່ອງ​ເສດຖະກິດ, ຄວາມ​ໝັ້ນຄົງ ​ແລະ ການ​ພົວພັນ​ກັບ​ພາຍ​ນອກ ​ເພາະ​ສ່ວນ​ຫລາຍ​ຖືກ​ຄວບ​ຄຸມ​ໂດຍ​ລັດຖະບານ​ກາງ​ແອັສປາຍ.

ສະ​ຖາ​ບັນ​ການ​ເງິນ​ຫລາຍ​ແຫ່ງ​ສະ​ແດງ​ທ່າ​ທີ​ແລ້ວ​ວ່າ​ຈະ​ຍ້າຍ​ອອກ​ຈາກ​ແຄວ້ນ​ກາ​ຕາ​ໂລ​ນີ​ໄປ​ເມືອງ​ອື່ນ​ໃນ​ແອັສປາຍ​ເຊັ່ນ: ​ໄກ​ຊາ​ບັງ. ທະນາຄານ​ໃຫຍ່​ອັນ​ດັບ​ສາມ​ຂອງ​ປະ​ເທດ ​ເຊິ່ງຢູ່​ໃນ​ໄກາ​ຊາກຣຸບ ຜູ້​ຖື​ຫຸ້ນ​ບໍລິສັດ​ໃຫຍ່​ທີ່​ສຸດ​ໃນ​ປະ​ເທດ 6 ​ແຫ່ງ​ຈາ​ກທັງ​ໝົດ 24 ​ແຫ່ງ. ຂະນະ​ດຽວ​ກັນ ກາ​ຕາ​ໂລ​ນີບໍ່​ສາມາດ​ລະດົມ​ທຶນ​ຈາກ​ຕະຫລາດ​ພາຍ​ນອກ​ໄດ້ ​ເພາະ​ຖືກ​ຈັດ​ຢູ່​ອັນ​ດັບ​ຕໍ່າ​ສຸດ ຈຶ່ງ​ຕ້ອງ​ອາ​ໄສ​ເງິນ​ຈາກ​ລັດຖະບານ​ກາງ​ມາ​ແຕ່​ປີ 2012 ​ເຊິ່ງ​ເປັນ​ເຈົ້າໜີ້ລາຍ​ໃຫຍ່​ທີ່​ສຸດ​ໃນ​ປັດຈຸບັນ. ດ້ານ​ສາທາລະ​ນູປະ​ໂພ​ກສຳຄັນ​ເຊັ່ນ: ​ໄຟຟ້າ, ​ແກັສ, ການ​ສື່ສານ​ໂທ​ລະ​ຄົມມະນາຄົມ, ຫົນທາງ, ທາງ​ລົດ​ໄຟ ​ແລະ ສະໜາມ​ບິນ​ໃນ​ກາ​ຕາ​ໂລ​ນີລ້ວນ​ເປັນ​ຂອງ​ບໍລິສັດ​ທີ່ຢູ່​ພາຍ​ໃຕ້​ການ​ເບິ່ງ​ແຍງ​ຂອງ​ລັດຖະບານ​ກາງ.

- lattana 1 - ມີຫລາຍບັນຫາທີ່ກາຕາໂລນີ ຕ້ອງຄິດກ່ອນແຍກຕົວຈາກແອັສປາຍ

ສ່ວນ​ການ​ພົວພັນ​ກັບ​ສະຫະພາບ​ເອີຣົບ (EU) ທີ່​ແອັສປາຍ​ເປັນ​ສະມາຊິກ​ຢູ່​ນັ້ນ, EU ປະກາດ​ຈະ​ແຈ້ງ​ແລ້ວ​ວ່າ​ບໍ່​ຍອມຮັບ​ຜົນ​ການ​ລົງ​ປະຊາ​ມະຕິ​ແຍກ​ຕົວ​ເປັນ​ເອກະລາດ​ໃນ​ວັນ​ທີ 1 ຕຸລາ ​ແລະ ຖ້າ​ມີ​ການ​ແຍກ​ຕົວ​ແທ້ ປະ​ເທດ​ໃໝ່​ຈະ​ຕ້ອງ​ຍື່ນ​ຂໍ​ເປັນ​ສະມາຊິກ​ໃໝ່. ດ້ານ​ການ​ຮັກສາ​ຄວາມ​ປອດ​ໄພ​ໃນ​ກາ​ຕາ​ໂລ​ນີ​ເປັນ​ໜ້າ​ທີ່​ຂອງ​ຕຳຫລວດ​ທ້ອງ​ຖິ່ນ​ທີ່​ມີ​ກຳລັງ​ 17.000 ຄົນ, ​ແຕ່​ບໍ່​ມີ​ກຳລັງ​ທະຫານ​ຂອງ​ຕົນ​ເອງ ​ເນື່ອງ​ຈາກ​ທະຫານ​ທັງ​ໝົດ 73.000 ຄົນ​ທີ່​ກະຈາຍ​ທົ່ວ​ປະ​ເທດ​ຂຶ້ນກັບ​ລັດຖະບານ​ກາງ​ເທົ່າ​ນັ້ນ.

error: Content is protected !!