ຂາຍເບ້ຍໄມ້ຊ່ວຍໃຫ້ຄອບຄົວພົ້ນທຸກ

- Untitled design - ຂາຍເບ້ຍໄມ້ຊ່ວຍໃຫ້ຄອບຄົວພົ້ນທຸກ

- Nang some 300x195 - ຂາຍເບ້ຍໄມ້ຊ່ວຍໃຫ້ຄອບຄົວພົ້ນທຸກ

ສວນກ້າເບ້ຍໄມ້ ຂອງ ນາງ ສົມສະນິດ, ເຊິ່ງຕັ້ງຢູ່ເຂດເສັ້ນທາງຕັດໃໝ່ ບ້ານໂພນພະເນົາ, ເມືອງໄຊເຊດຖານະຄອນຫລວງວຽງຈັນ, ເປັນຮ້ານຂາຍ ເບ້ຍໄມ້ຫລາກຫລາຍຊະນິດ  ແລະ ມີຄວາມງົດງາມເໝືອນ     ດັ່ງເຂດປ່າສະຫງວນແຫ່ງໃດໜຶ່ງ ທີ່ຖືກປົກຄຸມໄປດ້ວຍປ່າໄມ້ອັນ ດົກໜາຂຽວງາມອຸ່ມທຸ່ມ, ອັນເປັນ    ສິ່ງຊັກຊວນໃຫ້ຜູ້ຄົນອົດໃຈບໍ່ໄດ້ ແລ້ວຕ້ອງແວ່ເຂົ້າໄປເລືອກຊື້   ເບ້ຍໄມ້ຕ່າງໆດ້ວຍຄວາມພໍໃຈ ເພື່ອຈະນຳໄປປູກຢູ່ສວນ ແລ້ວແຕ່ ເງື່ອນໄຂຂອງແຕ່ລະຄົນ.

ນາງ ສົມສະນິດ ເຈົ້າຂອງ ຮ້ານໃຫ້ຮູ້ວ່າ: ການຂາຍເບ້ຍໄມ້  ນີ້ເບິ່ງຢ່າງໜຶ່ງຄືງ່າຍດາຍແຕ່ຕົວ   ຈິງແລ້ວມັນແມ່ນວຽກທີ່ຫຍຸ້ງ ຍາກ, ເຊິ່ງຈະຕ້ອງໄດ້ມີຄວາມດຸໝັ່ນອົດທົນໃນການບົວລະບັດຮັກສາເພາະຕົ້ນໄມ້ແຕ່ລະຊະນິດມັນມີຄວາມແຕກຕ່າງກັນ, ບາງຊະນິດກໍມັກຢູ່ຮົມ ແລະ ບາງ ຢ່າງກໍມັກແສງແດດຫລາຍ, ດັ່ງນັ້ນ ເຮົາຕ້ອງເຂົ້າໃຈໃນການ   ເບິ່ງແຍງດູແລໃຫ້ຖືກວິທີ, ຈິ່ງຈະເຮັດໃຫ້ເບ້ຍງົດງາມ  ແລະ ສາມາດນຳໄປປູກໄດ້. ບາງຄົນກໍ ມັກຕົ້ນໄມ້ປະດັບເອ້ບ້ານເຮືອນ, ບາງຄົນກໍມັກຕົ້ນໄມ້ໃຫ້ໝາກ ເຊັ່ນ: ຕົ້ນມ່ວງ, ຕົ້ນມີ້,    ຕົ້ນຂາມ ແລະ ອື່ນໆ, ບາງຄົນກໍມັກຕົ້ນໄມ້ ທີ່ມີມຸງຄຸນໃຫ້ຄວາມໂຊກລາບ ຕາມການເຊື່ອຖື ແລະ ອື່ນໆ.

ແຕ່ທັງໝົດນີ້ພວກເຮົາຕ້ອງມີຄວາມເຂົ້າໃຈຕໍ່ກັບການປູກ ແລະ ການບົວລະບັດຮັກສາພາຍຫລັງຕາມດິນ ແລະ ຝຸ່ນຄອກສຳລັບການປູກໃນຂັ້ນຕົ້ນແລ້ວ, ທຸກໆເຊົ້າຕ້ອງເອົາໃຈໃສ່ຫົດນ້ຳໃຫ້ເປັນປະຈຳ-ເມື່ອຕົ້ນ  ຕິດຮາກແລ້ວກໍຈະເລັງພູນດິນໃສ່ຝຸ່ນສິ່ງນີ້ເປັນປັດໄຈສຳຄັນທີ່ສຸດສຳລັບການດູແລ ແລະ ບົວລະບັດຮັກສາຕົ້ນໄມ້ເພື່ອໃຫ້ໃຫຍ່ສູງ.

ນອກຈາກນັ້ນແລ້ວ, ຍັງຈະຕ້ອງໄດ້ສຶກສາລະອຽດວ່າ ຕົ້ນໄມ້ທີ່ນຳມາປູກນັ້ນມັກຢູ່ໃນຮົ່ມຫລືຢູ່ແດດ, ມັກນ້ຳໜ້ອຍ ຫລືຫລາຍ. ເພາະຄົນສ່ວນ ຫລາຍບໍ່ຮູ້ແຫລ່ງທີ່ມາຂອງ ຕົ້ນໄມ້ແຕ່ລະຊະນິດຈິ່ງເຮັດ ໃຫ້ບາງຄັ້ງກໍຈະບໍ່ມີຜົນສຳເລັດ ເຊັ່ນ: ຕົ້ນໄມ້ໃຫ້ໝາກ, ຕົ້ນໄມ້ປະດັບ ແລະ ຕົ້ນໄມ້ອຸດສະຫະ ກຳເຫລົ່ານີ້ແມ່ນຕ້ອງໄດ້ສຶກສາຮຽນຮູ້ເຖິງວິທີການເລືອກ ດິນປູກ, ວິທີໃສ່ຝຸ່ນ,  ການໃຫ້ນ້ຳ ແລະ ລວມທັງສະຖານທີ່ສະພາບແວດລ້ອມຂອງມັນອີກດ້ວຍ.

- Wave100S AD to Website 2020 0 - ຂາຍເບ້ຍໄມ້ຊ່ວຍໃຫ້ຄອບຄົວພົ້ນທຸກ

ເຈົ້າຂອງຮ້ານເບ້ຍໄມ້ໃຫ້ ຮູ້ວ່າ: ການດູແລ ແລະ ບົວລະ  ບັດຮັກສາຕົ້ນໄມ້ກໍບໍ່ແຕກຕ່າງ ຈາກການລ້ຽງດູລູກ ແລະ ການ  ບົວລະບັດຮັກສາລູກນັ້ນລະ,  ເປັນວຽກທີ່ລະອຽດອ່ອນຕ້ອງ ເປັນຄົນທີ່ມີຄວາມດຸໝັ່ນ, ອົດ ທົນພາກພຽນ, ເປັນຄົນທີ່ຮັກ ຕົ້ນໄມ້ໃບຫຍ້າ, ຮັກທິວທັດທຳມະຊາດ ແລະ ສິ່ງແວດລ້ອມ ຈິ່ງຈະສາມາດດຳເນີນກິດຈະ ການດັ່ງກ່າວໄດ້, ເຊິ່ງມາຮອດ ປັດຈຸບັນນີ້ກໍໄດ້ 8-9 ປີ ແລ້ວທີ່ ຕົນພ້ອມຄອບຄົວໄດ້ຢຶດຖືເອົາ ອາຊີບນີ້ເປັນອາຊີບເສີມ  ແລະ ກໍສາມາດຊ່ວຍໃຫ້ຄອບຄົວ ມີລາຍຮັບນຳມາປົວແປງຊີວິດ ການເປັນຢູ່ຄອບຄົວສາມາດຫລຸດພົ້ນອອກຈາກຄວາມທຸກ ຍາກໄດ້ ແລະ ສາມາດຊ່ວຍໃຫ້ທຸລະກິດການກ້າເບ້ຍໄມ້-ປູກ ຕົ້ນໄມ້ຂາຍກາຍເປັນທຸລະກິດທີ່ດີຂອງຄອບຄົວ, ປັດຈຸບັນແຕ່ລະມື້ກໍສາມາດສ້າງລາຍ    ຮັບໄດ້ຈາກການຂາຍປະມານ 300.000-500.000 ກີບ ແລະ ໃນອະນາຄົດນີ້ກໍຈະຂະຫຍາຍສະຖານທີ່ອອກຕື່ມອີກ ເພື່ອໃຫ້ລູກຫລານໄດ້ມານຳໃຊ້ຊີວິດຢູ່ກັບຕົ້ນໄມ້ໃບຫຍ້າ ຄືກັບຕົນເອງ,   ເພື່ອໃຫ້ເຂົາເຈົ້າມີວຽກເຮັດງານທຳທີ່ໝັ້ນຄົງອີກດ້ວຍ.

ຖ້າຫາກຜູ້ໃດມີຄວາມສົນໃຈຫລືຕ້ອງການຊື້ຕົ້ນໄມ້-ເບ້ຍໄມ້ຊະນິດຕ່າງໆກະລຸນາໄປແວ່ ຊື້ໄດ້ທາງຮ້ານຈະຄຳປຶກສາທີ່ ດີໃນການປູກ ແລະ ວິທີບົວລະບັດຮັກສາຕົ້ນໄມ້-ເບ້ຍໄມ້ແຕ່ລະ ຊະນິດໃຫ້ຈະເລີນເຕີບໂຕຕາມຄວາມຕ້ອງການໄດ້.

- WhatsApp Image 2020 05 27 at 5 - ຂາຍເບ້ຍໄມ້ຊ່ວຍໃຫ້ຄອບຄົວພົ້ນທຸກ
- WhatsApp Image 2020 05 27 at 5 - ຂາຍເບ້ຍໄມ້ຊ່ວຍໃຫ້ຄອບຄົວພົ້ນທຸກ
error: Alert: ເນື້ອຫາຂ່າວມີລິຂະສິດ !!