ຕວກກີຢຸດບໍລິການວີຊາທັງໝົດ ໃຫ້ຊາວອາເມລິກາຢູ່ອາເມລິກາ

- advert banner 728 90 728x90 - ຕວກກີຢຸດບໍລິການວີຊາທັງໝົດ ໃຫ້ຊາວອາເມລິກາຢູ່ອາເມລິກາ

ສະຖານທູດ ​ແລະ ສະຖານ​ກົງສຸນ​ຕວກກີ​ຢູ່​ອາ​ເມ​ລິ​ກາ​ປະກາດ​ຢຸດ​ໃຫ້​ບໍລິການ​ວີ​ຊາ​ທັງ​ໝົດ​ແກ່​ຊາວ​ອາ​ເມ​ລິ​ກາ ​ເພື່ອ​ຕອບ​ໂຕ້​ທີ່​ຖືກ​ອາ​ເມ​ລິ​ກາ​ປະກາດ​ລັກສະນະ​ດຽວ​ກັນ​ກ່ອນ​ໜ້າ​ນີ້.

- new3 - ຕວກກີຢຸດບໍລິການວີຊາທັງໝົດ ໃຫ້ຊາວອາເມລິກາຢູ່ອາເມລິກາ

ສະຖານທູດຕວກກີ​ຢູ່​ນະຄອນຫລວງ​ວໍ​ຊິງ​ຕັນ​ປະກາດ​ໃນ​ວັນ​ທີ 8 ຕຸລາ​ຕາມ​ເວລາ​ທ້ອງ​ຖິ່ນ​ວ່າ: ​ເຫດການ​​ເມື່ອ​ມໍ່ໆ​ນີ້​ເຮັດ​ໃຫ້​ລັດຖະບານ​ຕວກກີ​ຕ້ອງ​ທົບ​ທວນ​ວ່າ: ລັດຖະບານ​ອາ​ເມ​ລິ​ກາ​ໃຫ້ການ​ຄຸ້ມ​ຄອງ​ຄວາມ​ປອດ​ໄພ​ສະຖານ​ທີ່ ​ແລະ ​ເຈົ້າໜ້າ​ທີ່​ການ​ທູດ​ຕວກກີ​ຫລາຍ​ໜ້ອຍ​ຊໍ່າ​ໃດ. ດັ່ງນັ້ນ ​ເພື່ອ​ຫລຸດ​ຈຳນວນ​ຜູ້​ໃຊ້​ບໍລິການ​ສະຖານທູດ ​ແລະ ສະຖານ​ກົງສຸນ​ຕວກກີ​ຢູ່​ອາ​ເມ​ລິ​ກາ​ໃຫ້​ເຫລືອ​ໜ້ອຍ​ທີ່​ສຸດ​ໃນ​ລະຫວ່າງ​ການ​ທົບ​ທວນ​ຍັງ​ບໍ່​ສຳ​ເລັດ ຈຶ່ງ​ໄດ້​ຢຸດ​ໃຫ້​ບໍລິການ​ວີ​ຊາ​ທັງ​ໝົດ​ແກ່​ຊາວ​ອາ​ເມ​ລິ​ກາ​ໂດຍ​ໃຫ້​ມີ​ຜົນ​ທັນທີ ຄວບ​ຄຸມ​ທັງ​ວີ​ຊາ​ໃນ​ໜັງສື​ເດີນທາງ, ວີ​ຊາ​ເອ​ເລັກ​ໂຕຣນິກ ​ແລະ ວີ​ຊາ​ກັບ​ດ່ານ​ເຂົ້າປະ​ເທດ.

- lattana 1 - ຕວກກີຢຸດບໍລິການວີຊາທັງໝົດ ໃຫ້ຊາວອາເມລິກາຢູ່ອາເມລິກາ

ການ​ປະກາດ​ຂອງ​ຕວກກີ​ມີ​ເນື້ອ​ໃນ​ດຽວ​ກັບ​ອາ​ເມ​ລິ​ກາ​ປະກາດ​ໄດ້​ປະກາດ​ກ່ອນ​ໜ້ານັ້ນບໍ່​ຮອດ 24 ຊົ່ວ​ໂມງ ພຽງ​ແຕ່​ສະຫລັບ​ຊື່​ປະ​ເທດ​ເທົ່າ​ນັ້ນ. ອາ​ເມ​ລິ​ກາ​ອອກ​ວີ​ຊາ​ໃຫ້​ຊາວ​ຕວກກີ​ຢູ່​ຕວກກີ​ພາຍຫລັງ​ສານ​ນະຄອນ​ອິສຕັນ​ບູນຂອງ​ຕວກກີ​ສັ່ງ​ຄວບ​ຄຸມ​ເຈົ້າໜ້າ​ທີ່​ຊາວ​ຕວກກີ​ຄົນ​ໜຶ່ງ​ໃນ​ສະຖານ​ກົງສຸນ​ອາ​ເມ​ລິ​ກາ ​ໂທດ​ຖານ​ພົວພັນ​ກັບ​ກຸ່ມ​ຂອງ​ທ່ານ ​ເຟທຸລາ ກູ​ເລນ ນັກ​ສອນ​ສາສະໜາ​ຊາວ​ຕວກກີ​ທີ່​ລີ້​ໄພ​ຢູ່​ອາ​ເມ​ລິ​ກາ ​ແລະ ຖືກ​ລັດຖະບານ​ຕວກກີ​ຕັ້ງຂໍ້​ຫາ​ວ່າ​ສັ່ງ​ການ​ການ​ກໍ່​ກະບົດ​ໃນ​ເດືອນ​ກໍລະກົດ​ປີ​ກ່ອນ.

error: Content is protected !!