ບໍລິສັດອາຄະເນພັດທະນາລາວທຸ້ມ​ເງິນ 5 ຕື້ໂດລາ​ເພື່ອສ້າງສູນການຄ້າທີ່ເມືອງທ່າແຂກ

- abc company - ບໍລິສັດອາຄະເນພັດທະນາລາວທຸ້ມ​ເງິນ 5 ຕື້ໂດລາ​ເພື່ອສ້າງສູນການຄ້າທີ່ເມືອງທ່າແຂກ
- Untitled design - ບໍລິສັດອາຄະເນພັດທະນາລາວທຸ້ມ​ເງິນ 5 ຕື້ໂດລາ​ເພື່ອສ້າງສູນການຄ້າທີ່ເມືອງທ່າແຂກ

ບໍລິສັດ​ ອາຄະ​ເນ​ພັດທະນາ​ລາວ ​ເອສອີ​ແຊັດ ຈໍາກັດ​, ໄດ້​ລົງທຶນ 5 ຕື້​ໂດ​ລາ​ສະຫະລັດ ​ເພື່ອສ້າງສູນການຄ້າ ແລະ ການບໍລິການຢູ່​ໂຊນ A,B,C ​ໃນເຂດເສດຖະກິດສະເພາະທ່າແຂກແຂວງຄຳມ່ວນ​ສຳ​ປະທານໃນ​ເນື້ອ​ທີ່​ 7 ​ເຮັກຕາ, ໃນໄລຍະເວລາ 73 ປີ ​ແລະ ຄາດວ່າຈະໃຫ້ສຳເລັດການກໍ່ສ້າງໃນ 5 ປີຕໍ່ໜ້າ.

ບໍລິສັດອາຄະ​ເນ​ພັດທະນາ​ລາວ ​ເອສອີ​ແຊັດ ເປັນໜຶ່ງ​ໃນ​ 22 ​ບໍລິສັດ ທີ່​ໄດ້​ເຂົ້າມາລົງ​ທຶນຢູ່ລາວ, ​​​ໂດຍ​ມີ​ຈຸດປະສົງ​​ພັດທະນາ​ໃນ​ຕອນ​ດິນ​ດັ່ງກ່າວ​​ ໃຫ້ກາຍ​ເປັນ​ເຂດ​ການ​ຄ້າ ​ແລະ ບໍລິການ,​ ສະຖາບັນການເງິນ, ອຸດສາຫະກຳການທ່ອງທ່ຽວແບບຄົບວົງຈອນ.

ພິທີວາງສີລາລຶກໂຄງການກໍ່ສ້າງສູນການຄ້າດັ່ງກ່າວໄດ້ມີ​ຂຶ້ນໃນວັນທີ 8 ຕຸລານີ້, ຢູ່ເຂດເສດຖະກິດສະເພາະທ່າແຂກແຂວງຄຳມ່ວນໂດຍການເຂົ້າຮ່ວມຂອງທ່ານຫົວໜ້າພະແນກແຜນການ ແລະ ການລົງທຶນແຂວງ, ຮອງເຈົ້າເມືອງທ່າແຂກ.

ໂຄງການດັ່ງກ່າວປະກອບ​ມີການກໍ່ສ້າງອາຄານ​ສະ​ຖາ​ບັນ​ການ​ເງິນ, ສູງ 65 ຊັ້ນ, ​ໂຮງ​ແຮມ​ລະດັບ 4 ດາວ ສູງ 35 ຊັ້ນ, 5 ດາວສູງ 40 ຊັ້ນ, ອາພາດເມັ້ນ 2 ຫລັງສູງ 45 ຊັ້ນ, ອາຄານຫ້າງ​ຊັບ​ພະ​ສິນຄ້າ, ສູງ 5 ຊັ້ນ, ອາຄານກວດພະຍາດແບບຄົບວົງຈອນ 5 ຊັ້ນ ແລະ ສວນສາທາລະນະ ​​ອື່ນໆ.

- Wave100S AD to Website 2020 0 - ບໍລິສັດອາຄະເນພັດທະນາລາວທຸ້ມ​ເງິນ 5 ຕື້ໂດລາ​ເພື່ອສ້າງສູນການຄ້າທີ່ເມືອງທ່າແຂກ

 

- WhatsApp Image 2020 05 27 at 5 - ບໍລິສັດອາຄະເນພັດທະນາລາວທຸ້ມ​ເງິນ 5 ຕື້ໂດລາ​ເພື່ອສ້າງສູນການຄ້າທີ່ເມືອງທ່າແຂກ
- WhatsApp Image 2020 05 27 at 5 - ບໍລິສັດອາຄະເນພັດທະນາລາວທຸ້ມ​ເງິນ 5 ຕື້ໂດລາ​ເພື່ອສ້າງສູນການຄ້າທີ່ເມືອງທ່າແຂກ
error: Alert: ເນື້ອຫາຂ່າວມີລິຂະສິດ !!