ຍີ່ປຸ່ນຊ່ວຍສ້າງສວນສາທາລະນະມິດຕະພາບ ຢູ່ແຂວງໄຊຍະບູລີ

- lao Japan - ຍີ່ປຸ່ນຊ່ວຍສ້າງສວນສາທາລະນະມິດຕະພາບ ຢູ່ແຂວງໄຊຍະບູລີ
- Untitled design - ຍີ່ປຸ່ນຊ່ວຍສ້າງສວນສາທາລະນະມິດຕະພາບ ຢູ່ແຂວງໄຊຍະບູລີ

ພິທີວາງສີລາເລິກໂຄງການກໍ່ສ້າງສວນສາທາລະນະມິດຕະພາບລາວ-ຍີ່ປຸ່ນຢູ່ແຂວງໄຊຍະບູລີ, ໃນມູນຄ່າຫລາຍກວ່າ 16 ຕື້ກີບ ແລະ ທຶນລັດຖະບານລາວສົມທົບອີກຈໍານວນໜຶ່ງ, ໄດ້ມີຂຶ້ນເມື່ອທ້າຍອາທິດຜ່ານມານີ້, ໂດຍມີທ່ານເຈົ້າແຂວງໄຊຍະບູລີ ພົງສະຫວັນ ສິດທະວົງ, ທ່ານເອກອັກຄະຣາຊະທູດຍີ່ປຸ່ນປະຈຳລາວ ທາເກຊິ ຮິກິຮາຣະ, ພ້ອມດ້ວຍມວນຊົນຊາວເມືອງໄຊຍະບູລີເຂົ້າຮ່ວມເປັນຈໍານວນຫລາຍ.

ສວນສາທາລະນະມິດຕະພາບດັ່ງກ່າວຕັ້ງຢູ່ບ້ານທ່ານາເມືອງ ແລະ ແຂວງໄຊຍະບູລີ, ມີເນື້ອທີ່ 2,5 ເຮັກຕາ,​ ຊຶ່ງຈະປະກອບມີການກໍ່ສ້າງເຮືອນຮູບຊົງເອກະລັກຍີປຸ່ນ ແລະ ຊົງລາວແບບລະຫລັງ, ພ້ອມກໍ່ສ້າງສວນດອກໄມ້ອ້ອມຮອບບໍລິເວນ ແລະ ຕິດຕັ້ງສິ່ງອໍານວຍຄວາມສະດວກຕ່າງໆໃຫ້ຜູ້ມາທ່ຽວຊົມ ແລະ ຈະໃຫ້ສໍາເລັດການກໍ່ສ້າງໃນປີ 2018, ໂດຍແມ່ນບໍລິສັດ BM ກໍ່ສ້າງຂົວທາງ, ເຄຫາສະຖານຈຳກັດຜູ້ດຽວເປັນຜູ້ຮັບເໝົາກໍ່ສ້າງ.

- Wave100S AD to Website 2020 0 - ຍີ່ປຸ່ນຊ່ວຍສ້າງສວນສາທາລະນະມິດຕະພາບ ຢູ່ແຂວງໄຊຍະບູລີ

ທ່ານເຈົ້າແຂວງໄຊຍະບູລີ ກ່າວວ່າ: ສວນສາທາລະນະແຫ່ງນີ້, ນອກຈາກເປັນການປັບປຸງທັດສະນີຍະພາບໃນເທດສະບານແຂວງໄຊຍະບູລີໃຫ້ມີຄວາມສວຍງາມ, ເປັນບ່ອນທ່ອງທ່ຽວ ແລະ ພັກຜ່ອນຂອງມວນຊົນຊາວແຂວງໄຊຍະບູລີ ແລະ ນັກທ່ອງທ່ຽວແລ້ວ, ຍັງເປັນສັນຍາລັກແຫ່ງມິດຕະພາບ ແລະ ການຮ່ວມມືຂອງສອງປະເທດລາວ-ຍີປຸ່ນໃຫ້ນັບມື້ແໜ້ນແຟ້ນຍິ່ງໆຂຶ້ນ.

- WhatsApp Image 2020 05 27 at 5 - ຍີ່ປຸ່ນຊ່ວຍສ້າງສວນສາທາລະນະມິດຕະພາບ ຢູ່ແຂວງໄຊຍະບູລີ
- WhatsApp Image 2020 05 27 at 5 - ຍີ່ປຸ່ນຊ່ວຍສ້າງສວນສາທາລະນະມິດຕະພາບ ຢູ່ແຂວງໄຊຍະບູລີ
error: Alert: ເນື້ອຫາຂ່າວມີລິຂະສິດ !!