ສົ່ງ​ເສີມໃຫ້​ໄວໜຸ່ມຫັນ​ມາ​ອ່ານສື່​ສິ່ງ​ພິມ​ຫລາຍ​ຂຶ້ນ

- advert banner 728 90 728x90 - ສົ່ງ​ເສີມໃຫ້​ໄວໜຸ່ມຫັນ​ມາ​ອ່ານສື່​ສິ່ງ​ພິມ​ຫລາຍ​ຂຶ້ນ

ໃນວັນທີ 9 ຕຸລານີ້, ຊ່ຽວຊານສື່​ມວນ​ຊົນ​ປະ​ເທດນອກແວ, ​​​ໄດ້​ຈັດ​ເວທີ​ພົບປະ​ແລກປ່ຽນ​ບົດຮຽນກັບສື່ມວນຊົນລາວຢູ່ສະມາຄົມ​ນັກ​ຂ່າວແຫ່ງ ສປປ ລາວ ​ເພື່ອຊອກ​ຫາ​ຊ່ອງທາງ​​ດຶງ​ດູ​ດໃຫ້​ໄວໜຸ່ມລາວຫັນ​ມາ​ອ່ານສື່​ສິ່ງພິມ​ຫລາຍ​ຂຶ້ນ.

- new3 - ສົ່ງ​ເສີມໃຫ້​ໄວໜຸ່ມຫັນ​ມາ​ອ່ານສື່​ສິ່ງ​ພິມ​ຫລາຍ​ຂຶ້ນ

​  ​ປັດຈຸບັນສື່​ມວນ​ຊົນພວມ​ປະສົບ​ກັບສິ່ງທ້າທາຍຕ່າງໆທີ່ສື່​ອອນ​ລາຍເຂົ້າ​ມາ​​ແຊກ​ແຊງ, ​ເຮັດ​ໃຫ້ຄວາມສົນໃຈຂອງຜູ້ອ່ານ, ຜູ້ເບິ່ງ, ຜູ້ຟັງ​ຕໍ່ສື່​ສິ່ງ​ພິມ, ວິທະຍຸ ​ແລະ ​ໂທລະພາບ​ນັບ​ມື້ໜ້ອຍຖອຍລົງ, ​ເຊິ່ງສິ່ງ​ທ້າ​ທ້າຍ​ດັ່ງກ່າວ​ເຮັດ​ໃຫ້​ສື່​ມວນ​ຊົນຕ້ອງ​ໄດ້​ບຸກບືນ​ພັດທະນາຕົນເອງ​ໃຫ້​ມີ​ຄຸນ​ນະພາ​ບ, ປັບປຸງ​ເນື້ອ​ໃນ, ​ເພີ່ມ​ຄວາມ​ສາມາດ​​ໃນ​ການຂຽນຂ່າວ​ທີ່​ດີ ​​ເປັນ​ຕົ້ນ​ແມ່ນ​ການກຳນົດ​ຄໍ​ລຳທີ່ໜ້າສົນ​ໃຈ, ​​ເພີ່ມ​ເນື້ອ​ຫາ​ສາ​ລະ​ໃໝ່ໆ, ​ເພື່ອ​ດຶງ​ດູດ​ໃຫ້​ໄວໜຸ່ມຫັນ​ມາ​ສົນ​ໃຈ ​ແລະ ອ່ານໜັງສື​ພີມ​ຫລາຍ​ຂຶ້ນ.

ສຳລັບ​ ສປປ ​ລາວ ສື່​ອອນ​ລາຍ ຫລື (ຂ່າວ​ເທິງ​ອິນ​ເຕີ​ເນັດ) ​​ເປັນ​ສື່​ທາງ​ເລືອກ​ໃໝ່ທີ່​​ເຂົ້າ​ມາ​ມີ​ບົດບາດ ​ແລະ ໄດ້​ຮັບ​ຄວາມ​ນິຍົມຫລາຍ​​ໃນ​ປັດຈຸບັນ, ​ເນື່ອງ​ຈາກ​ວ່າສາມາດ​ເຂົ້າ​ເຖິງ​ຂໍ້​ມູນ​ຂ່າວ​ສານ​ໄດ້​ສະ​ດວກ​ສະບາຍ, ​ວ່ອງ​ໄວ​, ທ່ວງທັນ​ເຫ​ດການ, ບໍ່​ກຳນົດ​ເວລາ, ພຽງ​ແຕ່​ມີ​ອິນ​ເຕີ​ເນັດກໍສາມາດ​ຮັບ​ຂ່າວ ສານ​​ໄດ້​ທຸກສະຖານ​ທີ່ດ້ວຍຄວາມໂດດເດັ່ນທີ່ປະຕິເສດບໍ່ໄດ້, ​ເຮັດ​ໃຫ້ຄົນ​ສ່ວນ​ໃຫຍ່​ຫັນ​ມາ​ອ່ານ​ຂ່າວເທິງອິນເຕີເນັດຫລາຍ​ຂຶ້ນ​ເປັນ​ຕົ້ນທາງ​ເຟສບຸກ, ​ເວ​ບ​ໄຊ ​ແລະ ສື່​ອອນ​ໄລຕ່າງໆ.

- lattana 1 - ສົ່ງ​ເສີມໃຫ້​ໄວໜຸ່ມຫັນ​ມາ​ອ່ານສື່​ສິ່ງ​ພິມ​ຫລາຍ​ຂຶ້ນ
error: Content is protected !!