ຂະຫຍາຍເວລາເດີນທາງເຂົ້າ-ອອກດ່ານສາກົນນໍ້າເງິນແຂວງໄຊຍະບູລີ
March 16, 2024 - 9:33 AM
ວັນທີ 14 ມີນາ 2024 ນີ້ ຫົວໜ້າຄະນະຄຸ້ມຄອງດ່ານສາກົນນໍ້າເງິນ ອອກໜັງສືປະສານງານຫາພາກສ່ວນກ່ຽວຂ້ອງຕ່າງໆ ວ່າ: ນັບແຕ່ວັນທີ 18 ມີນາ 2024 ເປັນຕົ້ນໄປ ຈະມີການຂະຫຍາຍເວລາເດີນທາງເຂົ້າ-ອອກຂອງບຸກຄົນ, ພາຫະນະ ແລະ ເຄື່ອງໃຊ້ຕ່າງໆ ທີ່ດ່ານສາກົນນໍ້າເງິນແຂວງໄຊຍະບູລີ ຈາກເວລາ 08: 00 – 18: 00 ໂມງ ມາເປັນ ເວລາ 08: 00 – 20: 00 ໂມງ ແລະ ໃຫ້ທາງຫ້ອງວ່າການເມືອງເງິນ, ເມືອງຫົງ ສາ ແຂວງໄຊຍະບູລີ, ຜູ້ອໍານວຍການໃຫຍ່ ບໍລິສັດໄຟຟ້າຫົງສາ ຈໍາກັດ ຊ່ວຍແຈ້ງໃຫ້ບັນດາທ່ານການນໍາຂອງ ເມືອງພະນັກງານ, ທະຫານ, ຕໍາຫຼວດ,ນັກທຸລະກິດ ຜູ້ປະກອບການ ແລະ ປະຊາຊົນບັນດາເຜົ່າ ຢູ່ພາຍໃນ ເມືອງ, ຕ່າງເມືອງ ແລະ ຕ່າງແຂວງ ໃຫ້ຊາບທົ່ວເຖິງກັນດ້ວຍ.