3 ເຄັດລັບດີໆທີ່ຈະຊ່ວຍຮັບມືເວລາທີ່ທ່ານເຮັດຜິດພາດ

- 020910 2017 - 3 ເຄັດລັບດີໆທີ່ຈະຊ່ວຍຮັບມືເວລາທີ່ທ່ານເຮັດຜິດພາດ
- Untitled design - 3 ເຄັດລັບດີໆທີ່ຈະຊ່ວຍຮັບມືເວລາທີ່ທ່ານເຮັດຜິດພາດ

ຄົງຈະດີບໍ່ໜ້ອຍຫາກເຮົາສາມາດເບິ່ງເຫັນບັນຫາທີ່ຈະເກີດຂຶ້ນໃນອະນາຄົດໄດ້ລ່ວງໜ້າ ຫລື ແມ່ນແຕ່ຍ້ອນກັບໄປແກ້ໄຂຂໍ້ຜິດ ພາດໃນອະດີດໄດ້, ແຕ່ແນວໃດກໍເປັນໄປບໍ່ໄດ້ຢູ່ແລ້ວ ດັ່ງນັ້ນຈົ່ງເຂົ້າໃຈໃໝ່ວ່າ ຄວາມຜິດພາດທີ່ມັນເກີດຂຶ້ນນັ້ນບໍ່ແມ່ນສິ່ງທີ່ຊົ່ວ ຮ້າຍໄປໝົດ ເພາະການທີ່ຕ້ອງພົບກັບຄວາມຜິດພາດຢູ່ເລື້ອຍໆມັກເປັນກຸນແຈລູກສຳຄັນຂອງຄວາມສຳເລັດກໍເວົ້າໄດ້. ຂໍ້ຜິດພາດ ຕ່າງໆທີ່ເຂົ້າມາໃນຊີວິດເຮົານັ້ນລ້ວນເປັນບົດຮຽນທີ່ສອນເຮົາໃຫ້ແຂງແກ່ນຂຶ້ນ ແລະ ກ້າວຂ້າມໄປອີກຂັ້ນໜຶ່ງສະເໝີ ແລະ ຕໍ່ໄປນີ້ ແມ່ນ 3 ເຄັດລັບດີໆທີ່ຈະຊ່ວຍໃຫ້ເຮົາສາມາດຮັບມືກັບຂໍ້ຜິດພາດໃນຊີວິດໄດ້ເປັນຢ່າງດີ.

  1. ເບິ່ງຄວາມຜິດພາດໃຫ້ເປັນດັ່ງຂັ້ນໄດຂັ້ນໜຶ່ງ : ຢ່າໃຫ້ຄວາມຜິດພາດຕ່າງໆມາເຮັດໃຫ້ ທ່ານຕ້ອງເຄັ່ງຄຽດ ຫລື ເຮັດໃຫ້ ທ່ານໝົດກຳລັງໃຈ, ຕ້ອງຄຳນຶງໄວ້ວ່າຄວາມເຄັ່ງຄຽດ ແລະ ຄວາມທໍ້ຖອຍຕ່າງໆທີ່ເກີດຂຶ້ນນັ້ນບໍ່ໄດ້ມີປະໂຫຍດຫຍັງເລີຍ ທັງຍັງ ອາດກາຍເປັນສິ່ງທີ່ເຂົ້າມາຈຳກັດຮູບແບບການໃຊ້ຊີວິດຂອງເຮົາໃນອະນາຄົດນຳ ດັ່ງນັ້ນ ເວລາທີ່ເກີດຂໍ້ຜິດພາດຫຍັງຂຶ້ນມາ ຢ່າ ເບິ່ງວ່າມັນແມ່ນບັນຫາ ແຕ່ຈົ່ງເບິ່ງວ່າມັນແມ່ນບົດຮຽນໃນການກ້າວໄປສູ່ຂັ້ນໄດຂັ້ນໃໝ່ ເປົ້າໝາຍໃໝ່ທີ່ດີຂຶ້ນກ່ວາເກົ່າ. ເວລາທີ່ເກີດຂໍ້ຜິດພາດຫຍັງຂຶ້ນມາ ຢ່າເບິ່ງວ່າມັນແມ່ນບັນບັນຫາ ແຕ່ຈົ່ງເບິ່ງວ່າມັນແມ່ນບົດຮຽນ.
  2. ເປີດໃຈຍອມຮັບຂໍ້ຜິດພາດທີ່ເກີດຂຶ້ນ : ເຮົາອາດຈະຕ້ອງໃຊ້ຄວາມກ້າຈັກໜ້ອຍໃນການເປີດໃຈຍອມຮັບຂໍ້ຜິດພາດຕ່າງໆພ້ອມທັງຄຳນຶງເຖິງສາເຫດທີ່ເຮັດໃຫ້ເກີດຂໍ້ຜິດພາດເຫລົ່ານັ້ນ ເພື່ອທີ່ຈະໄດ້ເອົາມາເປັນບົດຮຽນບໍ່ໃຫ້ເກີດຂຶ້ນອີກເປັນເທື່ອທີສອງ ແລະ ຈື່ໄວ້ວ່າສິ່ງທີ່ເກີດຂຶ້ນ ແລະ ຜິດພາດໄປແລ້ວລ້ວນແຕ່ມີບົດຮຽນດີໆເຊື່ອງຢູ່ສະເໝີ ຢ່າປ່ອຍໃຫ້ມັນຈາງຫາຍໄປຢ່າງບໍ່ມີຄຸນຄ່າ.
  3. ຄຳນຶງໄວ້ວ່າການບໍ່ຍອມຮັບຂໍ້ຜິດພາດມີແຕ່ເສຍກັບເສຍ : ເປັນຫຍັງຈຶ່ງມີແຕ່ເສຍກັບເສຍ ? ກໍຍ້ອນຍິ່ງບໍ່ຍອມຮັບຄວາມຈິງທີ່ເກີດຂຶ້ນ ເຮົາຈະຍິ່ງເສຍທັງບົດຮຽນດີໆທີ່ຄວນຮຽນຮູ້ ແລະ ເສຍ ທັງເວລາທີ່ຕ້ອງພາດແລ້ວພາດອີກ ໂດຍທີ່ບໍ່ຮູ້ສາເຫດທີ່ໄປທີ່ມາຂອງບັນຫາ, ແຕ່ຫາກເມື່ອໃດກໍຕາມທີ່ເຮົາຍອມພະເຊີນໜ້າກັບຄວາມຜິດພາດນັ້ນ ເປີດໃຈຍອມຮັບມັນ ເຮົາກໍຈະສາມາດໃຊ້ປະໂຫຍດຈາກມັນໄດ້ຢ່າງເຕັມທີ່.

ຈະເປັນເລື່ອງທີ່ດີຫລາຍ ຖ້າຫາກເຮົາທຸກຄົນເອົາຂໍ້ຜິດພາດຕ່າງໆທີ່ເກີດຂຶ້ນໃນຊີວິດມາປັບໃຊ້ໃຫ້ເກີດປະໂຫຍດກັບໂຕເອງ ຫລາຍທີ່ສຸດ, ຈື່ໄວ້ສະເໝີວ່າການເຮັດຜິດພາດບໍ່ແມ່ນເລື່ອງຊົ່ວຮ້າຍ ດັ່ງຄຳເວົ້າຂອງ ທ່ານ ອັລເບີດ ໄອສະໄຕ ທີ່ວ່າ : ຄົນທີ່ບໍ່ເຄີຍເຮັດຜິດພາດເລີຍແມ່ນຄົນທີ່ບໍ່ເຄີຍລອງເຮັດສິ່ງໃໝ່ ຍິ່ງເຮົາເຮັດຜິດພາດຫລາຍເທົ່າໃດ ເຮົາກໍຍິ່ງເຂົ້າໃຈ ແລະ ເບິ່ງຍ້ອນກັບໄປຮຽນຮູ້ສາເຫດຂອງຄວາມຜິດພາດນັ້ນໄດ້ ພ້ອມທັງສາມາດຍ່າງຕໍ່ໄປດ້ວຍຄວາມໝັ້ນໃຈ ແລະ ບໍ່ຕ້ອງເສຍເວລາເຮັດຜິດພາດຊຳ້ສອງ.

- Wave100S AD to Website 2020 0 - 3 ເຄັດລັບດີໆທີ່ຈະຊ່ວຍຮັບມືເວລາທີ່ທ່ານເຮັດຜິດພາດ
- WhatsApp Image 2020 05 27 at 5 - 3 ເຄັດລັບດີໆທີ່ຈະຊ່ວຍຮັບມືເວລາທີ່ທ່ານເຮັດຜິດພາດ
- WhatsApp Image 2020 05 27 at 5 - 3 ເຄັດລັບດີໆທີ່ຈະຊ່ວຍຮັບມືເວລາທີ່ທ່ານເຮັດຜິດພາດ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!