ອຽກລັງປະກາດສະຖານະການສຸກເສີນ ອົບພະຍົບປະຊາຊົນ ຫລັງພູໄຟພົ່ນໄຟ-ລາວາໄຫລອອກມາ

- 111 - ອຽກລັງປະກາດສະຖານະການສຸກເສີນ ອົບພະຍົບປະຊາຊົນ ຫລັງພູໄຟພົ່ນໄຟ-ລາວາໄຫລອອກມາ
- kitchen vibe - ອຽກລັງປະກາດສະຖານະການສຸກເສີນ ອົບພະຍົບປະຊາຊົນ ຫລັງພູໄຟພົ່ນໄຟ-ລາວາໄຫລອອກມາ

     ອຽກລັງປະກາດສະຖານະການສຸກເສີນ ພ້ອມສັ່ງອົບພະຍົບປະຊາຊົນອອກຈາກເຂດສ່ຽງໄພ ຫລັງພູໄຟຢູ່ເຣກຢາເນສພົ່ນໄຟຂຶ້ນເປັນຄັ້ງທີ 4 ໃນວັນທີ 16 ມີນາ ໂດຍມີຄວັນລອຍຂຶ້ນສູ່ຊັ້ນບັນຍາກາດ, ລາວາໄຫລອອກມາເປັນວົງກວ້າງ ແລະ ສະຫວ່າງເປັນສີສົ້ມແດງທ່າມກາງຄວາມມືດ.

    ລາວາໄຫລລົງພື້ນທາງລຸ່ມຢ່າງວ່ອງໄວ ໃກ້ກັບເຂດເມືອງກຣິນດາວິກ ເຮັດໃຫ້ທາງການທ້ອງຖິ່ນເລັ່ງອົບພະຍົບປະຊາຊົນບາງສ່ວນອອກຈາກທີ່ພັກອາໄສຂອງຕົນແລ້ວ ລວມທັງບລູລາກູນ ໜຶ່ງໃນສະຖານທີ່ທ່ອງທ່ຽວຍອດນິຍົມຂອງອຽກລັງຢູ່ຕັ້ງເຂດໃກ້ຄຽງກັນ. ເບື້ອງຕົ້ນຍັງບໍ່ມີລາຍງານຄວາມເສຍຫາຍ.

- Visit Laos Visit SALANA BOUTIQUE HOTEL - ອຽກລັງປະກາດສະຖານະການສຸກເສີນ ອົບພະຍົບປະຊາຊົນ ຫລັງພູໄຟພົ່ນໄຟ-ລາວາໄຫລອອກມາ

    ເຫດການພູໄຟທາງຕອນໃຕ້ຂອງອຽກລັງພົ່ນໄຟອອກມາຫລາຍໃນປີ 2010 ເຄີຍເຮັດໃຫ້ມີຄວັນລອຍກະຈາຍໄປທົ່ວນ່ານຟ້າຫລາຍປະເທດໃນເອີຣົບ ເຮັດໃຫ້ຕ້ອງໂຈະຖ້ຽວບິນ 1 ແສນກວ່າຖ້ຽວບິນ ເນື່ອງຈາກທັດສະນະວິໄສໃນການແນມເຫັນຕໍ່າລົງ.

     ຜູ້ຊ່ຽວຊານລະບຸວ່າ: ການເກີດຂຶ້ນຂອງພູໄຟຈະເປັນການເກີດຂອງຮອຍແຍກ (Fissure Eruption) ໂດຍປົກກະຕິຈະບໍ່ເຮັດໃຫ້ເກີດການລະເບີດຄັ້ງໃຫຍ່ ຫລື ມີການກະຈາຍຕົວຂອງຄວັນຂຶ້ນສູ່ຊັ້ນສຕຣາໂດສເຟຍ.

     ອຽກລັງຕັ້ງຢູ່ເທິງແຜ່ນເປືອກໂລກຢູເຣເຊຍ ແລະ ອາເມລິກາເໜືອ ຖືເປັນຈຸດຮ້ອນທີ່ມີໂອກາດເກີດແຜ່ນດິນໄຫວ ແລະ ພູໄຟລະເບີດໄດ້ເລື້ອຍໆ ອີກທັງຍັງເປັນປະເທດທີ່ມີພູໄຟທີ່ມີພະລັງຫລາຍກວ່າ 30 ແຫ່ງທົ່ວປະເທດ ເຮັດໃຫ້ອຽກລັງຕ້ອງກຽມພ້ອມຮັບມືຕໍ່ການລະເບີດຂອງພູໄຟຢູ່ສະເໝີ ລວມທັງດຶງເອົາແຜນ “ການທ່ອງທ່ຽວພູໄຟ” (Volcano Tourism) ເປັນໜຶ່ງໃນຈຸດຂາຍສໍາຄັນຂອງປະເທດ.

ອ້າງອີງ:

- 3 - ອຽກລັງປະກາດສະຖານະການສຸກເສີນ ອົບພະຍົບປະຊາຊົນ ຫລັງພູໄຟພົ່ນໄຟ-ລາວາໄຫລອອກມາ
- 5 - ອຽກລັງປະກາດສະຖານະການສຸກເສີນ ອົບພະຍົບປະຊາຊົນ ຫລັງພູໄຟພົ່ນໄຟ-ລາວາໄຫລອອກມາ
- 4 - ອຽກລັງປະກາດສະຖານະການສຸກເສີນ ອົບພະຍົບປະຊາຊົນ ຫລັງພູໄຟພົ່ນໄຟ-ລາວາໄຫລອອກມາ