ນາຍົກກຳປູເຈຍຈະແຈກໂບນັດ ພະນັກງານ-ລັດຖະກອນ ແລະ ກອງທັບທີ່ເກີດລູກປີໜ້າ

- advert banner 728 90 728x90 - ນາຍົກກຳປູເຈຍຈະແຈກໂບນັດ ພະນັກງານ-ລັດຖະກອນ ແລະ ກອງທັບທີ່ເກີດລູກປີໜ້າ

ນາຍົກລັດຖະມົນຕີ ຮຸນ​ເຊ​ນ ຂອງ​ກຳປູ​ເຈຍ ປະກາດ​ວ່າ: ລັດຖະບານ​ຈະ​ແຈກ​ໂບນັດ​ໃຫ້​ພະນັກງານ-​ລັດຖະກອນ ແລະ ກອງທັບທີ່​ເກີດ​ລູກ​ແຕ່​ເດືອນ​ມັງກອນ​ປີໜ້າ.

- new3 - ນາຍົກກຳປູເຈຍຈະແຈກໂບນັດ ພະນັກງານ-ລັດຖະກອນ ແລະ ກອງທັບທີ່ເກີດລູກປີໜ້າ

ສຳນັກ​ຂ່າວ​ຊິນ​ຮົວຂອງ​ທາງ​ການ​ຈີນ​ລາຍ​ງານ​ອ້າງ​ຄຳ​ກ່າວ​ຂອງ​ຜູ້ນຳ​ກຳປູ​ເຈຍ​ລະຫວ່າງ​ພິທີ​ຈົບ​ການ​ສຶກສາ​ຂອງ​ມະຫາວິທະຍາ​ໄລ​ແຫ່ງ​ໜຶ່ງ​ໃນ​ນະຄອນຫລວງ​ພະນົມ​ເປັນ​ວ່າ: ມານ​ດາ​ທີ່​ໃຫ້​ກຳ​ເນີ​ດລູກ 1 ຄົນ​ຈະ​ໄດ້​ຮັບ​ເງິນ 200 ​ໂດ​ລາ​ສະຫະລັດ, ສ່ວນ​ມານ​ດາ​ທີ່​ໃຫ້​ກຳ​ເນີ​ດລູກ 2 ຄົນ​ຈະ​ໄດ້​ຮັບ​ເງິນ 400 ​ໂດ​ລາ​ສະຫະລັດ ​ແລະ ຈະ​ເພີ່ມ​ເປັນ 600 ​ໂດ​ລາ​ສະຫະລັດ ສຳລັບ​ມານ​ດາ​ທີ່​ມີ​ລູກ 3 ຄົນ. ປັດຈຸບັນ ກຳປູ​ເຈຍ​ມີພະນັກງານ-​ລັດຖະກອນ ​ແລະ ກອງທັບ​ທີ່​ເປັນ​ຜູ້ຍິງ​ປະມານ 92.198 ຄົນ ​ແລະ ​ໃນ​ແຕ່ລະ​ປີ ມີ​ພະນັກງານ​ເກີດ​ລູກ 10.844 ຄົນ ຫລື ຄິດ​ເປັນ 11,7%.

ຜູ້ນຳ​ກຳປູ​ເຈຍ​ກ່າວ​ວ່າ: ນັບ​ແຕ່​ປີໜ້າ​ເປັນຕົ້ນ​ໄປ, ລັດຖະບານ​ຈະ​ຈັດ​ສັນ​ເງິນ​ປີ​ລະ 2,1 ລ້ານ​ໂດ​ລາ​ສະຫະລັດ ​ເພື່ອ​ຊ່ວຍ​ເຫລືອ​ພະນັກງານ​-ລັດຖະກອນ ​ແລະ ກອງທັບ​ທີ່​ໃຫ້​​ເກ​ີດລູກ. ກ່ອນ​ໜ້າ​ນີ້ ​ໃນ​​ເດືອນ​ຜ່ານ​ມາ, ນາຍົກລັດຖະມົນຕີຫາກໍ​ປະກາດ​ແຈກ​ໂບນັດ​ໃຫ້​ກຳມະກອນ​ໂຮງງານ​ຕັດຫຍິບ ​ແລະ ​ເກີບ​ທີ່​ເກີດ​ລູກ​ນັບ​ແຕ່​ເດືອນ​ມັງກອນ​ປີໜ້າ​ເຊັ່ນ​ດຽວ​ກັນ. ຖື​ເປັນ​ນະ​ໂຍບາຍ​ໃໝ່​ຂອງ​ລັດຖະບານ​ພາຍ​ໃຕ້​ການ​ນຳ​ຂອງ​ພັກ​ປະຊາຊົນ​ກຳປູ​ເຈຍ ຫລື CPP ຕໍ່​ສັງຄົມ.

- lattana 1 - ນາຍົກກຳປູເຈຍຈະແຈກໂບນັດ ພະນັກງານ-ລັດຖະກອນ ແລະ ກອງທັບທີ່ເກີດລູກປີໜ້າ
error: Content is protected !!