ຮອງ​ນາຍົກລັດຖະມົນຕີລົງ​ຢ້ຽມຢາມ ​ແລະ ​ເຮັດ​ວຽກ​ຢູ່​ແຂວງ​ໄຊ​ຍະ​ບູລີ

- advert banner 728 90 728x90 - ຮອງ​ນາຍົກລັດຖະມົນຕີລົງ​ຢ້ຽມຢາມ ​ແລະ ​ເຮັດ​ວຽກ​ຢູ່​ແຂວງ​ໄຊ​ຍະ​ບູລີ

ທ່ານ ສົມ​ດີ ດວງ​ດີ ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ການ​ເງິນ ​ໄດ້​ລົງ​ເຄື່ອນ​ໄຫວ​ເຮັດ​ວຽກ​ຢູ່​ແຂວງ​ໄຊ​ຍະ​ບູລີ ​ເພື່ອ​ຊີ້​ນຳ​ວຽກ​ງານ​ການ​ເງິນ​ພາຍ​ໃນ​ແຂວງດັ່ງກ່າວ​ໃຫ້​ມີ​ຄວາມ​ຍຸຕິ​ທຳ ແລະ ​ໂປ່​ງ​ໃສ​ຂຶ້ນກວ່າ​ເກົ່າ ​ໂດຍ​ໄດ້​ຮັບ​ການ​ຕ້ອນຮັບ​ຢ່າງ​ອົບ​ອຸ່ນ​ຈາກ​ທ່ານ ພົງ​ສະຫວັນ ສິດ​ທະ​ວົງ ​ເຈົ້າ​ແຂວງ​ໄຊ​ຍະ​ບູລີ ພ້ອມ​ດ້ວຍ​ພະ​ນັກ​ງານ​ຫລັກ​ແຫ​ລ່ງຂອງ​ແຂວງດັ່ງກ່າວ.

- new3 - ຮອງ​ນາຍົກລັດຖະມົນຕີລົງ​ຢ້ຽມຢາມ ​ແລະ ​ເຮັດ​ວຽກ​ຢູ່​ແຂວງ​ໄຊ​ຍະ​ບູລີ

ຫົວໜ້າ​ພະ​ແນ​ກການ​ເງິນ​ແຂວງ​ໄຊ​ຍະ​ບູລີ ​ໄດ້​ລາຍ​ງານ​ສະພາບ​ການ​ກ່ຽວ​ກັບ​ການຈັດ​ເກັບ​ລາຍ​ຮັບ ​ແລະ ການ​ເງິນ​ແຂວງ​ຕໍ່​ທ່ານ​ຮອງ​ນາຍົກ​ວ່າ: ຕະຫລອດ​ໄລຍະ 9 ​ເດືອ​ນຜ່ານ​ມາ, ​ແຂວງ​ໄຊ​ຍະ​ບູລີ​ສາມາດ​ຈັດເກັບ​ລາຍ​ຮັບ​ໄດ້​ທັງ​ໝົດຫລາຍ​ກວ່າ 542 ຕື້ກີບ ​ເທົ່າ​ກັບ 79,48% ຂອງ​ແຜນການ, ທຽບ​ໃສ່​ໄລຍະ​ດຽວ​ກັນ​ລື່ນ 62,28% ​ໃນ​ນີ້​ລາຍ​ຮັບ​ພາຍ​ໃນ​ແຂວງ​ປະຕິບັດ​ໄດ້ກວ່າ 165 ຕື້ກີບ​ ​ເທົ່າ​ກັບ 77,74% ຂອງ​ແຜນການ​, ຮັບ​ດຸ່ນດ່ຽງ​ຈາກ​ສູນ​ກາງ​ກວ່າ 253 ຕື້ກີບ ​ເທົ່າ​ກັບ 78,88% ຂອງ​ແຜນການ ​ແລະ ລາຍ​ຮັບ​ພາສີ​ປະຕິບັດ​ໄດ້ 398 ກວ່າຕື້ກີບ ​ເທົ່າ​ກັບ 84,79% ​ແລະ ​ຄາດວ່າ 3 ​ເດືອນ​ທ້າຍ​ປີ ຈະ​ເກັບ​ໄດ້​ຕື່ມ​ອີກ 135 ກວ່າຕື້ກີບ.

​ໃນ​ໂອກາດ​ນີ້, ທ່ານຮອງ​ນາຍົກ ​ໄດ້​ຮຽກຮ້ອງ​ໃຫ້​ແຂວງ ​ໂດຍ​ສະ​ເພາະ​ຂະ​ແໜງ​ການ​ເງິນ​ແຂວງ ​ແລະ ​ເມືອງ​ຈົ່ງ​ສືບ​ຕໍ່​ປະຕິບັດ​ໜ້າ​ທີ່​ວິຊາ​ສະ​ເພາະ​ໃນ​ການ​ຈັດ​ເກັບ​ລາຍ​ຮັບ​ໄລຍະ 3 ​ເດືອນ​ທ້າຍ​ປີ​ໃຫ້​ໄດ້​ຕາມ​ຕົວ​ເລກ​ທີ່​ວາງ​ໄວ້, ສືບ​ຕໍ່​ຫັນ​ເອົາ​ຖານ​ຂໍ້​ມູນ​ລາຍ​ຮັບ​ຕ່າງໆ​ເຂົ້າສູ່​ລະບົບ​ທັນ​ສະ​ໄໝ, ​ເພີ່ມ​ທະວີ​ການ​ກວດກາ​ວຽກ​ງານ​ວິຊາ​ສະ​ເພາະ​ໃຫ້​ເປັນ​ລະບົບ​ຕໍ່​ເນື່ອງ, ມີ​ການ​ຄຸ້ມ​ຄອງ ​ແລະ ຕິດຕາມ​ການ​ປະຕິບັດ​ໜ້າ​ທີ່​ວຽກ​ງານ​ຂອງ​ພະນັກງານ​ເປັນ​ປົກກະຕິ, ​ຕ້ານ ​ແລະ ສະກັດ​ກັ້ນການ​ສໍ້​ລາດ​ບັງ​ຫລວງ, ສືບ​ຕໍ່​ປະຕິບັດ​​ຄຳ​ສັ່ງ​ຂອງ​ທ່ານນາຍົກລັດຖະມົນຕີ​ໃຫ້​ໄດ້​ຮັບ​ຜົນ​ດີ​ເທື່ອ​ລະ​ກ້າວ.

- lattana 1 - ຮອງ​ນາຍົກລັດຖະມົນຕີລົງ​ຢ້ຽມຢາມ ​ແລະ ​ເຮັດ​ວຽກ​ຢູ່​ແຂວງ​ໄຊ​ຍະ​ບູລີ

 

error: Content is protected !!