ພົບລົດຈັກຂອງຄົນຮ້າຍໃຊ້ກໍ່ເຫດ​ຍິງນັກທຸລະກິດຢູ່​ສູນ​ການ​ຄ້າ​ສີ​ໄຄ​ພລາຊາຖືກຖິ້ມຢູ່ແຄມນໍ້າຂອງ

- advert banner 728 90 728x90 - ພົບລົດຈັກຂອງຄົນຮ້າຍໃຊ້ກໍ່ເຫດ​ຍິງນັກທຸລະກິດຢູ່​ສູນ​ການ​ຄ້າ​ສີ​ໄຄ​ພລາຊາຖືກຖິ້ມຢູ່ແຄມນໍ້າຂອງ

​ເຈົ້າໜ້າ​ທີ່​ ປກສ ນະຄອນຫລວງ​ວຽງ​ຈັນ ໄດ້​ລາຍງານ​ຄວາມ​ຄືບ​ໜ້າການສືບສວນ-ສອບສວນຄະດີຄົນຮ້າຍ​ໃຊ້​ປືນ​ຍິງນັກທຸລະກິດຄົນໜຶ່ງເສຍຊີວິດຄາທີ່ຢູ່ສູນການຄ້າສີໄຄພລາຊາ ບ້ານນາແຮ່ ເມືອງສີໂຄດຕະບອງ ນະຄອນຫລວງວຽງຈັນວ່າ: ເຫດການສະເທືອນຂວັນດັ່ງກ່າວເກີດຂຶ້ນໃນເວລາປະມານ 9:27 ​ໂມງຂອງວັນທີ 7 ຕຸລານີ້ ໂດຍຜູ້ເສຍຊີວິດຊື່​ທ້າວ ຊູ​ຫວັງ​ທຽນ ອາຍຸ 60 ປີເຊື້ອຊາດ​ຈີນ ສັນຊາດ​ລາວ ​ເຊິ່ງເປັນ​ເຈົ້າຂອງ​ສູນ​ການ​ຄ້າດັ່ງກ່າວ ໂດຍຖືກ​ຍິງ​ດ້ວຍອາວຸດ​ປືນຫລາຍນັດຈົນ​ເສຍ​ຊີວິດ​ຄາ​ທີ່ ແລະ ຕາມການສອບຖາມຜູ້ເຫັນເຫດການບອກວ່າ: ກ່ອນເກີດເຫດ​ຜູ້ຕາຍໄດ້​ຂັບ​ລົດ​​ໃຫຍ່ຍີ່ຫຍໍ້ເລັກ​ຊັດສີດຳໝາຍເລກ​ທະບຽນ ກຕ6289 ກຳ​ແພງ​ນະຄອນ ມາ​ຈອດ​ຢູ່​ດ້ານ​ຫລັງ​​ສູນ​ການ​ຄ້າແລ້ວລົງມາ​ໄຂ​ປະຕູ​ທ້າຍ​ລົດ, ​ໃນ​ຂະນະ​ນັ້ນ​ໄດ້​ມີ​ຄົນ​ຮ້າຍ 2 ຄົນ​​ຂີ່​ລົດຈັກຄລິກສີຂາວບໍ່​ມີ​ປ້າຍ​ທະບຽນ, ໃສ່​ເສື້ອແຂນຍາວສີດຳ, ​​ໃສ່​ໝວກ​ກັນ​ກະທົບ​ສີດຳ ​ຂີ່​ເຂົ້າມາໃກ້​ຜູ້​ເສຍ​ຊີວິດ​ແລ້ວ​ຜູ້​ຊ້ອນທ້າຍໄດ້​​ໃຊ້ປືນສັ້ນ​ຍິງ​ຫລາຍນັດ ກ່ອນ​ຂີ່​ລົດຫລົບ​ໜີ​ໄປ ແລະ ຜ່ານການຕິດຕາມກ້ອງວົງຈອນປິດພົບວ່າຫລັງກໍ່ເຫດຄົນຮ້າຍໄດ້ຂີ່ລົດຈັກຫລົບໜີລົງມາຕາມເສັ້ນທາງສີໄຄ ແລະ ມື້ຕໍ່ມາໄດ້ມີປະຊາຊົນແຈ້ງວ່າມີລົດຈັກຖືກຖິ້ມໄວ້ໃນເຂດກອງແຮ່ໃກ້ແຄມຂອງເຂດບ້ານເກົ້າລ້ຽວ ເມືອງສີໂຄດຕະບອງ, ເມື່ອລົງກວດສອບເຫັນວ່າແມ່ນລົດຄັນດຽວກັນທີ່ຄົນຮ້າຍໃຊ້ກໍ່ເຫດ ແລະ ພົບເຫັນໝວກກັນກະທົບສີດໍາໜຶ່ງໜ່ວຍຖືກຖິ້ມຢູ່ໃກ້ຄຽງ ​ເຊິ່ງເຈົ້າໜ້າທີ່ໄດ້ເກັບມາໄວ້ເປັນຫລັກຖານໃນການສືບສວນ-ສອບສວນ ແລະ ຂຶ້ນ​ເປົ້າໝາຍ​ຕິດຕາມຄົນຮ້າຍມາ​ດຳ​ເນີນ​ຄະດີ​ຕາມລະບຽບ​ກົດໝາຍໂດຍໄວ.

- new3 - ພົບລົດຈັກຂອງຄົນຮ້າຍໃຊ້ກໍ່ເຫດ​ຍິງນັກທຸລະກິດຢູ່​ສູນ​ການ​ຄ້າ​ສີ​ໄຄ​ພລາຊາຖືກຖິ້ມຢູ່ແຄມນໍ້າຂອງ

+9 ນັດຕາຍຄາທີ່ປະທານບໍລິສັດອາຊ້ຽນວຽງຈັນກຸບ

- lattana 1 - ພົບລົດຈັກຂອງຄົນຮ້າຍໃຊ້ກໍ່ເຫດ​ຍິງນັກທຸລະກິດຢູ່​ສູນ​ການ​ຄ້າ​ສີ​ໄຄ​ພລາຊາຖືກຖິ້ມຢູ່ແຄມນໍ້າຂອງ
error: Content is protected !!