9 ແນວຄິດຊ່ວຍໃຫ້ຊີວິດການເຮັດວຽກຂອງທ່ານມີຄວາມສຸກ

- advert banner 728 90 728x90 - 9 ແນວຄິດຊ່ວຍໃຫ້ຊີວິດການເຮັດວຽກຂອງທ່ານມີຄວາມສຸກ
  1. ທ່ານເປັນຜູ້ເລືອກສະເໝີ : ທ່ານເປັນຄົນດຽວທີ່ເລືອກໃຫ້ໂຕເອງມີຄວາມສຸກໃນການເຮັດວຽກໄດ້ ເຖິງຈະພົບແຕ່ເລື່ອງບໍ່ດີໃນບ່ອນເຮັດວຽກ ທ່ານກໍຕ້ອງຄິດໃນແງ່ບວກໄວ້, ພະຍາຍາມບໍ່ຈົມຢູ່ກັບສິ່ງບໍ່ດີ, ຢູ່ໃຫ້ຫ່າງຈາກຄົນທີ່ເຮັດໃຫ້ທ່ານຄິດລົບ ແລະ ຢູ່ກັບຄົນທີ່ມີຄວາມສຸກກັບວຽກແທນ ແລ້ວທຸກຢ່າງຈະດີຂຶ້ນເອງ.
  2. ທ່ານມີໜ້າທີ່ພັດທະນາຕົນເອງ : ບໍ່ມີໃຜເປັນຫ່ວງທ່ານໄດ້ດີເທົ່າກັບໂຕທ່ານເອງ ການເຮັດວຽກທຸກມື້ນີ້ໝາຍເຖິງການປ່ຽນໜ້າທີ່ໄປເລື້ອຍໆ ເພື່ອສະສົມປະສົບການ ແລະ ສ້າງຜົນງານ ດັ່ງນັ້ນ ຄວາມຫົດຢືດ ແລະ ປັບໂຕໃນການເຮັດວຽກໃຫ້ຫລາກຫລາຍ ແລະ ຫລາຍກ່ວາເກົ່າຈຶ່ງມີຜົນດີຫລາຍກ່ວາຈະເຮັດວຽກເປັນເສັ້ນຊື່ໄປເລື້ອຍໆ.
  3. ຢ່າອາຍທີ່ຈະຖາມຫາຄຳຕຳໜິວິຈານ : ສຳລັບຫລາຍໆຄົນຄຳຕຳໜິວິຈານດຽວທີ່ເຂົາໄດ້ຮັບກໍຄືການປະເມີນຜົນງານປະຈຳປີ ແລ້ວມັນຍັງເປັນສິ່ງທີ່ເຮັດໃຫ້ພວກເຂົາເຄັ່ງຄຽດຫລາຍທີ່ສຸດນຳອີກ, ຄົນກຸ່ມ Gen Y ແລະGen X ໄດ້ທຳລາຍລະບົບນີ້ໂດຍການຖາມຫາຄຳຕຳໜິວິຈານຈາກຫົວໜ້າເລື້ອຍໆ ພວກເຂົາຕ້ອງການຈະຮູ້ໃຫ້ໄວ ແລະ ເລື້ອຍທີ່ສຸດວ່າພວກເຂົາເຮັດວຽກດີພໍຫລືຍັງ. ສຳລັບບາງຄົນມັນເປັນທາງດຽວທີ່ຈະຮູ້ໄດ້ວ່າເຮັດຫຍັງໄດ້ດີແດ່. ນອກຈາກນີ້ ມັນຍັງເປັນໂອກາດໃຫ້ພວກເຂົາໄດ້ແກ້ໄຂບັນຫາແຕ່ຫົວທີ ຄຳຕຳໜິວິຈານເປັນກຸນແຈສຳຄັນ ຫາກເຮົາເຊື່ອວ່າໂຕເອງມີໜ້າທີ່ຕ້ອງພັດທະນາຕົນເອງ.
  4. ຈັບກຸ່ມກັບຄົນປະເພດດຽວກັນກັບທ່ານ : ຫາກຸ່ມໝູ່ເຮັດວຽກທີ່ມີປະສົບການ ແລະ ວິຖີຊີວິດຄ້າຍຄືກັບທ່ານ ມັນຈະຊ່ວຍຫລຸດຄວາມກົດດັນລະຫ່ວາງວຽກຂອງທ່ານໄດ້ ເນື່ອງຈາກທ່ານມີ ທີມ ທີ່ສາມາດລົມກັນໄດ້ທຸກເລື່ອງ.

ທ່ານບໍ່ສາມາດປ່ຽນນິໄສຄົນອື່ນ ແຕ່ທ່ານສາມາດປ່ຽນການປະຕິບັດຕໍ່ພວກເຂົາໄດ້ ຢ່າໃຫ້ການກະທຳຂອງຄົນອື່ນສົ່ງຜົນຕໍ່ຊີ ວິດຕົນ ການປ່ອຍໃຫ້ເພື່ອນຮ່ວມງານບໍ່ດີມີອິດທິພົນເໜືອທ່ານອາດສົ່ງຜົນໃຫ້ທ່ານຮູ້ສຶກບໍ່ຢາກເຮັດວຽກໃນທີ່ສຸດ.

- new3 - 9 ແນວຄິດຊ່ວຍໃຫ້ຊີວິດການເຮັດວຽກຂອງທ່ານມີຄວາມສຸກ
  1. ໜີໃຫ້ຫ່າງຈາກຄວາມຄິດດ້ານລົບ : ການຕັດສິນໃຈທີ່ຈະມີຄວາມສຸກໝາຍເຖິງການຫລີກໜີຈາກການຕິສິນນິນທາ, ບົດສົນທະນາລົບໆ ແລະ ຄົນຄິດລົບ ບໍ່ວ່າທ່ານຈະເບິ່ງໂລກໃນດ້ານດີປານໃດ ຄົນເຫລົ່ານີ້ກໍອາດມີອິດທິພົນຕໍ່ຄວາມຮູ້ສຶກທ່ານໄດ້ ຄ້າຍກັບວ່າພວກເຂົາດູດກືນອົກຊີແຊນໃນອາກາດໄປໝົດຈົນທ່ານຢູ່ບໍ່ໄດ້.
  2. ໄຈ້ແຍກບັນຫາສ່ວນໂຕອອກຈາກວຽກ : ຫາກທ່ານມີບັນຫາສ່ວນໂຕເຂົ້າມາຮຸກຮານ ການທີ່ຈະມີຄວາມສຸກ ແລະ ເຮັດວຽກໄດ້ດີນັ້ນຄົງເປັນເລື່ອງຍາກ ນອກຈາກນີ້ ເພື່ອນຮ່ວມວຽກກໍບໍ່ຢາກແບກຮັບຄວາມທຸກຂອງທ່ານນຳ ດັ່ງນັ້ນ ທ່ານຕ້ອງແຍກມັນອອກໃຫ້ໄດ້.

7.​ ເບິ່ງໂລກໃນແງ່ບວກເປັນຫລັກ : ເຖິງວ່າທ່ານຈະບໍ່ໄດ້ຮັກວຽກທີ່ເຮັດຢູ່ ແຕ່ມັນຍັງຄົງມີບາງແງ່ມຸມທີ່ທ່ານມັກຢູ່ແນ່ນອນ ໃຫ້ເນັ້ນໄປໃສ່ມຸມນັ້ນ ແລະ ດຶງມາເປັນສ່ວນໜຶ່ງຂອງແງ່ມຸມອື່ນໆໃນການເຮັດວຽກ.

- lattana 1 - 9 ແນວຄິດຊ່ວຍໃຫ້ຊີວິດການເຮັດວຽກຂອງທ່ານມີຄວາມສຸກ
  1. ຫັນມາເຮັດຄວາມຮູ້ຈັກກັບຄົນໃໝ່ໆໄວ້ : ຄົນສ່ວນຫລາຍເບິ່ງວ່າການມີໝູ່ສະໜິດໃນບ່ອນເຮັດວຽກເປັນເລື່ອງບໍ່ມີສາລະ, ແຕ່ຄວາມຈິງແລ້ວ ມັນເປັນສິ່ງສຳຄັນເຮົາເຮັດວຽກມື້ລະຫລາຍຊົ່ວໂມງ ສະນັ້ນ ການຈະມີຄົນທີ່ທ່ານໄວ້ໃຈທີ່ຄອຍຊ່ວຍເຫລືອ ແລະ ຄອຍແບ່ງປັນສິ່ງຕ່າງໆໄດ້ກໍເປັນສິ່ງສຳຄັນບໍ່ໜ້ອຍເລີຍ.
  2. ທ້ອນເງິນໄວ້ເຜື່ອຕອນລາອອກ : ບາງເທື່ອອາດບໍ່ມີທາງເລືອກອື່ນນອກຈາກການລາອອກຈາກວຽກ ບໍ່ມີຫຍັງຊົ່ວຮ້າຍໄປ ກ່ວາການລາອອກ ແຕ່ອອກບໍ່ໄດ້ ເພາະທ່ານຫ່ວງເລື່ອງເງິນ ດັ່ງນັ້ນ ທ່ານຕ້ອງທ້ອນເງິນໄວ້ແດ່ ເພື່ອໃຫ້ມີອິດສະຫລະທີ່ຈະໄດ້ຕັດສິນໃຈເຊົາເຮັດວຽກທີ່ບໍ່ມັກໂດຍໄວທີ່ສຸດ. ທ່ານຈະມີສຸຂະພາບກາຍ ແລະ ຈິດທີ່ດີໄດ້ໃນທຸກແງ່ມຸມຊີວິດຫາກຮູ້ຈັກຄວບຄຸມຊີວິດຕົນເອງ ບໍ່ໃຫ້ໃຜມີອຳນາດພໍທີ່ຈະປ່ຽນແປງ ຫລື ບິດເບືອນຊີວິດຂອງທ່ານໄດ້ນອກຈາກໂຕເອງ ສະນັ້ນ ຢ່າໃຫ້ຄົນອື່ນເຂົ້າມາບົງການຊີ້ນຳ ແລະ ມື້ນັ້ນຈະເປັນມື້ແຫ່ງການເລີ່ມຕົ້ນໃຫ້ທ່ານກັບມາເອົາໃຈໃສ່ຈັດການຊີວິດ ແລະ ການເຮັດວຽກຂອງໂຕເອງຢ່າງມີຄວາມສຸກອີກເທື່ອໜຶ່ງ.
error: Content is protected !!