ລາວສະຫລອງວັນເດັກນ້ອຍຍິງປະຈຳປີ 2017

- celebration - ລາວສະຫລອງວັນເດັກນ້ອຍຍິງປະຈຳປີ 2017
- Untitled design - ລາວສະຫລອງວັນເດັກນ້ອຍຍິງປະຈຳປີ 2017

ວັນທີ 11 ຕຸລານີ້, ສູນກາງສະຫະພັນແມ່ຍິງລາວຮ່ວມກັບກະຊວງແຜນການ ແລະ ການລົງທຶນ ແລະ ອົງການສະຫະປະຊາຊາດກອງທຶນສຳລັບປະຊາກອນ (UNFPA) ປະຈຳລາວ, ໄດ້ຈັດພິທີສະເຫລີມສະຫລອງວັນເດັກນ້ອຍຍິງປະຈຳປີ 2017, ໂດຍການເຂົ້າ ຮ່ວມຂອງທ່ານນາງ ອິນລາວັນ ແກ້ວບຸນພັນ ປະທານສູນກາງສະຫະພັນແມ່ຍິງລາວ, ມີຮອງຫົວໜ້າຫ້ອງການອົງການ ສປຊ ກອງທຶນສຳລັບປະຊາກອນປະຈຳພາກພື້ນອາຊີ-ປາຊີຟິກປະຈຳບາງກອກ, ມີຜູ້ຕາງໜ້າອົງການ ສປຊ ກອງທຶນສຳລັບປະຊາກອນປະຈຳລາວ, ພ້ອມດ້ວຍພາກສ່ວນກ່ຽວຂ້ອງຕ່າງໆເຂົ້າຮ່ວມເປັນຈຳນວນຫລາຍ.
ທ່ານປະທານສູນກາງສະຫະພັນແມ່ຍິງລາວ ກ່າວວ່າ: ປີຜ່ານມາ, ສປປ ລາວ ໄດ້ຮ່ວມກັນສະຫລອງວັນເດັກນ້ອຍຍິງສາກົນ ແລະ ໄດ້ເປີດໂຕນາງນ້ອຍທີ່ເປັນຕົວແທນໃຫ້ແກ່ໄວໜຸ່ມຍິງລາວອາຍຸ 10-19 ປີທີ່ມີປະມານ 7 ກວ່າຄົນ ເພື່ອໃຫ້ເຂົ້າເຈົ້າໄດ້ຮັບສິດໃນການພັດທະນາ ແລະ ເຂົ້າເຖິງການສຶກສາ, ສາທາລະນະສຸກ, ປາສະຈາກການໃຊ້ຄວາມຮຸນແຮງ, ຫລີກເວັ້ນການແຕ່ງດອງກ່ອນໄວອັນຄວນ ແລະ ກ້າວຂຶ້ນເປັນຜູ້ໃຫຍ່ທີ່ພຽບພ້ອມໄປດ້ວຍຄວາມຮູ້, ຄວາມສາມາດ, ມີສຸຂະພາບແຂງແຮງ ແນໃສ່ເປັນກຳລັງແຮງຊຸກຍູ້ໃຫ້ບັນລຸເປົ້າໝາຍສະຫັດສະວັດ ແລະ ໃນພິທີຄັ້ງນີ້, ພວກເຮົາໄດ້ເຫັນຄວາມຄືບໜ້າໃນການເອົາໃຈໃສ່ໄວໜຸ່ມຍິງກໍຄືນາງນ້ອຍຕິດພັນກັບການຈັດຕັ້ງແຜນພັດທະນາເສດຖະກິດ-ສັງຄົມ ແລະ ການບັນລຸເປົ້າໝາຍການພັດທະນາແບບຍືນຍົງ ກໍຄືວິໄສທັດ 2030. ສິ່ງສຳຄັນແມ່ນຈະໄດ້ປຶກສາຫາລືຄຳຄິດເຫັນຂອງບັນດາຜູ້ເຂົ້າຮ່ວມກ່ຽວກັບການຮ່ວມມືໃນການຈັດຕັ້ງແຜນງານສຳລັບໄວໜຸ່ມຍິງ, ຊຶ່ງເອີ້ນວ່າ: ຂອບແຜນວຽກນ້ອຍ 2030 ທີ່ຈະເປັນພື້ນຖານໃຫ້ແກ່ການຕິດຕາມຄວາມຄືບໜ້າຂອງແຜນງານໄວໜຸ່ມຍິງພາຍໃຕ້ SDGs, ຊຶ່ງຈະຮັບປະກັນໄດ້ວ່າ: ໄວໜຸ່ມຍິງຈະບໍ່ຖືກປະປ່ອຍໄວ້ຂ້າງຫລັງ.
ຮອງລັດຖະມົນຕີກະຊວງແຜນການ ແລະ ການລົງທຶນ ກ່າວວ່າ: ລັດຖະ ບານໃຫ້ຄວາມສຳຄັນ ແລະ ເອົາໃຈໃສ່ວຽກງານດັ່ງກ່າວເປັນວຽກບູລິມະສິດ ເພື່ອຮັບປະກັນວ່າເດັກນ້ອຍ ແລະ ໄວໜຸ່ມເຫລົ່ານີ້ຈະມີສຸຂະພາບແຂງແຮງ, ມີການວາງແຜນຄອບຄົວທີ່ຖືກຕ້ອງຕາມຮີດຄອງປະເພນີ, ວັດທະນະທຳ, ລະບຽບກົດໝາຍ ແລະ ສອດຄ່ອງກັບການພັດທະນາໃນໄລຍະໃໝ່ ເພື່ອສ້າງໃຫ້ເຂົາເຈົ້າເປັນກຳລັງຊຸກດັນທີ່ເຂັ້ມແຂງໃນການປະກອບສ່ວນພັດທະນາ ແລະ ເຮັດໃຫ້ປະເທດເຮົາບັນລຸເປົ້າໝາຍຫລຸດພົ້ນອອກຈາກສະຖານະພາບປະເທດດ້ອຍພັດທະນາໃນປີ 2020 ແລະ ການພັດທະນາແບບຍືນຍົງໃນປີ 2030.

- WhatsApp Image 2020 05 27 at 5 - ລາວສະຫລອງວັນເດັກນ້ອຍຍິງປະຈຳປີ 2017
- WhatsApp Image 2020 05 27 at 5 - ລາວສະຫລອງວັນເດັກນ້ອຍຍິງປະຈຳປີ 2017
- Wave100S AD to Website 2020 0 - ລາວສະຫລອງວັນເດັກນ້ອຍຍິງປະຈຳປີ 2017
error: Alert: ເນື້ອຫາຂ່າວມີລິຂະສິດ !!