ກອງປະຊຸມຄົບຄະນະບໍລິຫານງານພັກກະຊວງກະສິກຳ ແລະ ປ່າໄມ້ຄັ້ງທີ 4 ສະໄໝທີ V

- Untitled design - ກອງປະຊຸມຄົບຄະນະບໍລິຫານງານພັກກະຊວງກະສິກຳ ແລະ ປ່າໄມ້ຄັ້ງທີ 4 ສະໄໝທີ V

- DSC 0144 300x200 - ກອງປະຊຸມຄົບຄະນະບໍລິຫານງານພັກກະຊວງກະສິກຳ ແລະ ປ່າໄມ້ຄັ້ງທີ 4 ສະໄໝທີ V  ວັນທີ 31 ມີນານີ້ກະຊວງກະສິກຳ ແລະ ປ່າໄມ້ໄດ້ຈັດກອງປະຊຸມຄົບຄະນະບໍລິຫານງານພັກກະຊວງເປີດກວ້າງຄັ້ງທີ 4 ສະໄໝທີ V, ໂດຍການເປັນປະສະຫາຍ ລຽນ ທີແກ້ວ ກຳມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງດັ່ງກ່າວ.

ສະຫາຍ ລຽນ ທີແກ້ວ ມີຄຳເຫັນຕໍ່ທີ່ປະຊຸມວ່າ: ເພື່ອເປັນການຜັນຂະຫຍາຍແຜນດຳເນີນງານຂອງຄະນະພັກກະຊວງພວກເຮົາ, ແນ່ໃສ່ສູ້ຊົນປະຕິບັດຄາດໝາຍເນື້ອໃນຂອງກອງປະຊຸມໃຫຍ່ຄັ້ງທີ 10 ຂອງພັກ ກໍຄືແຜນພັດທະນາຂະແໜງກະສິກຳ ແລະ ປ່າໄມ້, ພັດທະນາຊົນນະບົດ ແລະ ລຶບລ້າງຄວາມທຸກຍາກແຕ່ນີ້ຮອດປີ 2020 ໃຫ້ມີຜົນສໍາເລັດ,ທັງເປັນຂະບວນການແຂ່ງຂັນຮັກຊາດ-ພັດ ທະນາທົ່ວຂະແໜງການຕາມຂໍ້ແຂ່ງຂັນ 3 ເນື້ອໃນ 4 ເປົ້າໝາຍ, ເພື່ອປຸກລະດົມຈິດໃຈແຂ່ງຂັນຂອງທຸກການຈັດຕັ້ງ ແລະ ບຸກຄົນເຮັດສໍາເລັດໜ້າທີ່ການເມືອງຂອງຕົນ ແລະ ກອງປະຊຸມຄັ້ງນີ້ຍັງເປັນພື້ນຖານໃຫ້ແກ່ການກະກຽມການດຳເນີນກອງປະຊຸມໃຫຍ່ຮາກຖານພັກທົ່ວຂະແໜງກະສິກຳ ແລະ ປ່າໄມ້ໃນອີກບໍ່ດົນນີ້, ກ້າວໄປເຖິງການກະກຽມເນື້ອໃນ, ຜົນງານ ແລະ ບຸກຄະລາກອນທີ່ດີເດັ່ນເຂົ້າໃນການຈັດຕັ້ງຂັ້ນຕ່າງໆໃຫ້ມີຄວາມໝັກແໜ້ນ ແລະ ເຂັ້ມແຂງ, ໂດຍຜ່ານຂະບວນການທົດສອບໃນວຽກງານຜ່ານມາສາມາດສ້າງ ໄດ້ຄວາມເຊື່ອໝັ້ນ ແລະ ໄວ້ວາງໃຈຈາກມະຫາຊົນ ກໍຄືສະມາຊິກພັກ ແລະ ການ ຈັດຕັ້ງ, ສ້າງໃຫ້ໄດ້ວຽກດີຄົນເດັ່ນ, ລວມໝູ່ເປັນກຳລັງໃຫ້ຂະແໜງກະສິກຳ ແລະ ປ່າໄມ້ ແລະ ຂະແໜງພັດທະນາຊົນນະບົດ ແລະ ລຶບລ້າງຄວາມທຸກຍາກມີການຫັນປ່ຽນຮອບດ້ານ, ມີບາດກ້າວບຸກທະລຸຢ່າງຈະແຈ້ງໃນທົ່ວຂະແໜງການ ແລະ ກ້າວເຂົ້າສູ່ສັງກາດໃໝ່ແຫ່ງການຫັນເປັນອຸດສາຫະກຳ ແລະ ທັນສະໄໝ, ສະອາດ, ສີຂຽວ ແລະ ຍືນຍົງ, ສາມາດເປັນເຈົ້າການເຊື່ອມໂຍງເຂົ້າກັບສາກົນ ແລະ ພາກພື້ນໄດ້ຫລັງປີ 2020.

ປະທານກອງປະຊຸມ ກ່າວວ່າ: ຢາກເຮັດໃຫ້ຂະບວນການແຂ່ງຂັນຮັກຊາດ ແລະ ພັດທະນາເປັນຂະບວນຟົດຟື້ນໄດ້ ກໍຕໍ່ເມື່ອພວກເຮົາທຸກຄົນເປັນເຈົ້າການເອກະພາບຕໍ່ຈຸດປະສົງ, ຄາດໝາຍ ແລະ ກຽມພ້ອມຕັດສິນໃຈເຮັດສໍາເລັດວຽກງານທີ່ພັກມອບໝາຍໃຫ້ ແລະ ແຂ່ງຂັນກັນດ້ວຍຈິດໃຈສາມັກຄີອັນໜັກແໜ້ນ ແລະ ຊ່ວຍເຫລືອເຊິ່ງກັນ ແລະ ກັນດ້ວຍຄວາມຈິງໃຈ ເຊື່ອວ່າສະມາຊິກພັກທຸກຄົນຈະເຂົ້າຮ່ວມຢ່າງຕັ້ງໜ້າໃນຂະບວນການດັ່ງກ່າວ ແລະ ມີຜົນສຳເລັດຢ່າງແນ່ນອນ ແລະ ບໍ່ອະນຸຍາດໃຫ້ບຸກຄົນໃດ, ການຈັດຕັ້ງໃດຢູ່ນອກຂະບວນການດັ່ງກ່າວ ແລະ ໃນກອງປະຊຸມຄັ້ງນີ້ຍັງຈະໄດ້ຮັບຟັງການເຜີຍແຜ່ເອກະສານສຳຄັນຄື: ດຳລັດຂອງນາຍົກລັດຖະມົນຕີສະບັບເລກທີ 121/ນຍ ລົງວັນທີ 22 ຕຸລາ 2010 ວ່າດ້ວຍການເພີ່ມທະວີວຽກງານແຂ່ງຂັນ-ຍ້ອງຍໍໃນໄລຍະໃໝ່ ຫລື ຮັກຊາດ ແລະ ພັດທະນາ, ຄຳແນະນຳລັດຖະມົນຕີກະຊວງພາຍໃນສະບັບເລກທີ 01/ພນ ລົງວັນທີ 26 ກັນຍາ 2013 ກ່ຽວກັບການຈັດຕັ້ງປະຕິບັດດຳລັດຂອງນາຍົກລັດຖະມົນຕີສະບັບດັ່ງກ່າວ, ຮັບຟັງບົດສະຫລຸບການແຂ່ງຂັນຍ້ອງຍໍໃນໄລຍະໃໝ່ “ຮັກຊາດ ແລະ ພັດທະນາ” ແຕ່ປີ 2012-2016 ແລະ ປະກາດຂໍ້ແຂ່ງຂັນ 3 ຂະບວນການ 4 ເປົ້າໝາຍ, ເພື່ອເຮັດໃຫ້ວຽກງານດັ່ງກ່າວໄດ້ຮັບການຜັນຂະຫຍາຍ ແລະ ຈັດຕັ້ງປະຕິບັດໃຫ້ຖືກທິດ ແລະ ປາກົດຜົນເປັນຈິງ.

- Wave100S AD to Website 2020 0 - ກອງປະຊຸມຄົບຄະນະບໍລິຫານງານພັກກະຊວງກະສິກຳ ແລະ ປ່າໄມ້ຄັ້ງທີ 4 ສະໄໝທີ V
- WhatsApp Image 2020 05 27 at 5 - ກອງປະຊຸມຄົບຄະນະບໍລິຫານງານພັກກະຊວງກະສິກຳ ແລະ ປ່າໄມ້ຄັ້ງທີ 4 ສະໄໝທີ V
- WhatsApp Image 2020 05 27 at 5 - ກອງປະຊຸມຄົບຄະນະບໍລິຫານງານພັກກະຊວງກະສິກຳ ແລະ ປ່າໄມ້ຄັ້ງທີ 4 ສະໄໝທີ V
error: Alert: ເນື້ອຫາຂ່າວມີລິຂະສິດ !!