WHO ເປີດຕົວເຄືອຂ່າຍໂຄວິເນັດ ເພື່ອຕິດຕາມ-ປະເມີນໄວຣັສໂຄໂຣນາທົ່ວໂລກ

- 20230427 Canva WHO 1024x576 1 - WHO ເປີດຕົວເຄືອຂ່າຍໂຄວິເນັດ ເພື່ອຕິດຕາມ-ປະເມີນໄວຣັສໂຄໂຣນາທົ່ວໂລກ
- kitchen vibe - WHO ເປີດຕົວເຄືອຂ່າຍໂຄວິເນັດ ເພື່ອຕິດຕາມ-ປະເມີນໄວຣັສໂຄໂຣນາທົ່ວໂລກ

     ອົງການອະນາໄມໂລກ (WHO) ໄດ້ເປີດຕົວເຄືອຂ່າຍໃໝ່ເອີ້ນວ່າ: ໂຄວິເນັດ (CoViNet) ໃນວັນທີ 27 ມີນາ ເພື່ອກວດສອບ, ຕິດຕາມ ແລະ ປະເມີນໄວຣັສໂຄໂຣນາ SARS-CoV-2, ໄວຣັສ MERS-CoV ແລະ ໄວຣັສໂຄໂຣນາສາຍພັນໃໝ່ໆ ທີ່ມີຄວາມສໍາຄັນດ້ານສາທາລະນະສຸກໄດ້ແຕ່ຫົວທີ່ ແລະ ມີຄວາມແນ່ນອນ.

      ສໍານັກຂ່າວຊິນຮົວລາຍງານວ່າ: ເຄືອຂ່າຍໂຄວິເນັດເປັນການຕໍ່ຍອດຈາກເຄືອຂ່າຍຫ້ອງປະຕິບັດການອ້າງອີງ (Reference Laboratory) ກ່ຽວກັບພະຍາດໂຄວິດ-19 ຂອງ WHO ເຊິ່ງສ້າງຕັ້ງຂຶ້ນໃນໄລຍະທໍາອິດທີ່ເຊື້ອໂຄວິດ-19 ເລີ່ມແຜ່ລະບາດ ໂດຍເຄືອຂ່າຍໂຄວິເນັດຈະເນັ້ນໃສ່ SARS-CoV-2 ໃນຂັ້ນຕົ້ນ ແລະ ຈະຂະຫຍາຍຂອບເຂດໄປເຖິງໄວຣັສໂຄໂຣນາໃນວົງກວ້າງເພີ່ມຂຶ້ນ ລວມທັງ MERS-CoV ແລະ ໄວຣັສໂຄໂຣນາສາຍພັນໃໝ່ທີ່ອາດເກີດຂຶ້ນ.

- Visit Laos Visit SALANA BOUTIQUE HOTEL - WHO ເປີດຕົວເຄືອຂ່າຍໂຄວິເນັດ ເພື່ອຕິດຕາມ-ປະເມີນໄວຣັສໂຄໂຣນາທົ່ວໂລກ

     ໄວຣັສ SARS-CoV-2 ຄືສາຍພັນຂອງໄວຣັສໂຄໂຣນາທີ່ເຮັດໃຫ້ເກີດການແຜ່ລະບາດຂອງພະຍາດໂຄວິດ-19.

     WHO ລະບຸວ່າ: ໂຄວິເນັດເປັນເຄືອຂ່າຍຫ້ອງປະຕິບັດການລະດັບໂລກທີ່ມີຄວາມຊ່ຽວຊານໃນການເຝົ້າລະວັງໄວຣັສໂຄໂຣນາໃນມະນຸດ, ສັດ ແລະ ສິ່ງແວດລ້ອມ ໂດຍປັດຈຸບັນມີຫ້ອງປະຕິບັດການ 36 ແຫ່ງຈາກ 21 ປະເທດໃນທັງ 6 ພາກພື້ນຂອງ WHO.

     ຕົວແທນຈາກຫ້ອງປະຕິບັດການຕ່າງໆໄດ້ປະຊຸມກັນຢູ່ນະຄອນຫລວງເຈນີວາ ປະເທດສະວິດ ໃນວັນທີ 26-27 ມີນາ ເພື່ອສະຫລຸບແຜນປະຕິບັດການສໍາລັບປີ 2024-2025 ໂດຍມີເປົ້າໝາຍເພື່ອເພີ່ມຄວາມພ້ອມຂອງປະເທດສະມາຊິກຂອງ WHO ໃນການຮັບມືໄວຣັສໂຄໂຣນາດ້ວຍການກວດຈັບຕັ້ງແຕ່ຫົວທີ່, ການປະເມີນຄວາມສ່ຽງ ແລະ ການຕອບສະໜອງຕໍ່ຄວາມທ້າທາຍດ້ານສຸຂະພາບ. ທ່ານ ນາງ ມາເຣຍ ຟານ ເຄີໂຄບ ຮັກສາການຜູ້ອໍານວຍການພະແນກລະບາດວິທະຍາ ແລະ ການກຽມຄວາມພ້ອມ ແລະ ການປ້ອງກັນພະຍາດລະບາດຂອງ WHO ກ່າວວ່າ: ເຄືອຂ່າຍໂຄວິເນັດຈະມີບົດບາດສໍາຄັນໃນການກວດຈັບ ແລະ ຕິດຕາມໂຄໂຣນາໄວຣັສທີ່ເຮັດໃຫ້ເກີດຄວາມສ່ຽງດ້ານສາທາລະນະສຸກໄດ້ຢ່າງທັນທີ.

- 3 - WHO ເປີດຕົວເຄືອຂ່າຍໂຄວິເນັດ ເພື່ອຕິດຕາມ-ປະເມີນໄວຣັສໂຄໂຣນາທົ່ວໂລກ
- 5 - WHO ເປີດຕົວເຄືອຂ່າຍໂຄວິເນັດ ເພື່ອຕິດຕາມ-ປະເມີນໄວຣັສໂຄໂຣນາທົ່ວໂລກ
- 4 - WHO ເປີດຕົວເຄືອຂ່າຍໂຄວິເນັດ ເພື່ອຕິດຕາມ-ປະເມີນໄວຣັສໂຄໂຣນາທົ່ວໂລກ