ການຄົ້ນຄວ້າດ້ານວິທະຍາສາດ ແລະ ເຕັກໂນໂລຊີ ຢູ່ປະເທດເຮົາມີຜົນງານຫລາຍດ້ານ

- 1213 o - ການຄົ້ນຄວ້າດ້ານວິທະຍາສາດ ແລະ ເຕັກໂນໂລຊີ ຢູ່ປະເທດເຮົາມີຜົນງານຫລາຍດ້ານ
- Untitled design - ການຄົ້ນຄວ້າດ້ານວິທະຍາສາດ ແລະ ເຕັກໂນໂລຊີ ຢູ່ປະເທດເຮົາມີຜົນງານຫລາຍດ້ານ

ກອງ​ປະຊຸມ​ວິທະຍາສາດ ​ແລະ ​ເຕັກ​ໂນ​ໂລ​ຊີທົ່ວ​ປະ​ເທດປະຈຳ​ປີ 2017 ໄດ້ຈັດ​ຂຶ້ນ​ໃນ​ວັນ​ທີ 11 ຕຸລານີ້ ທີ່​ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ ​ ​ໂດຍ​ການ​ເປັນ​ປະທານ​ຂອງ​ທ່ານ ບໍ່​ວຽງຄຳ ວົງ​ດາລາ ລັດຖະມົນຕີກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ.

ທ່ານ ບຸນ​ຕີ ທະມິດ ຮອງ​ລັດຖະມົນຕີກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ ​ໄດ້​ລາຍ​ງານ​ວ່າ: ​ໃນຜ່ານມາ, ການ​ເຄື່ອນ​ໄຫວວຽກງານ​ວິທະຍາສາດ ​ແລະ ​ເຕັກ​ໂນ​ໂລ​ຊີ ໄດ້​ມີ​ການ​ຫັນປ່ຽນຢ່າງ​ຕັ້ງໜ້າໃນ​ຫລາຍ​ດ້ານ​ເຊັ່ນ: ໄດ້ລົງເກັບກຳ, ສັງລວມ ແລະ ຕີລາຄາປະເມີນເບື້ອງຕົ້ນໂຄງການຄົ້ນຄ້ວາທີ່ສະເໜີໃໝ່ຈໍານວນ 110 ໂຄງການຄົ້ນຄວ້າວິທະຍາສາດ ແລະ ພັດທະນາເຕັກໂນໂລຊີເຂົ້າສູ່ເຂດຈຸດສຸມບູລິມະສິດຂອງລັດຖະບານ, ຂະແແໜງການ ແລະ ທ້ອງຖິ່ນ ເພື່ອພັດທະນາເສດຖະກິິດສັງຄົມ ແລະ ລຶບລ້າງຄວາມທຸກຍາກຂອງປະຊາຊົນ, ໄດ້ອະນຸລັກຮັກສາພືດຕະກູນດອກເຜິ້ງຈຳນວນ 140 ຊະນິດ, ປູກໃນເຮືອນຮົ່ມຈຳນວນ 613 ຕົວຢ່າງ ແລະ ຂະຫຍາຍພັນພືດທີ່ເປັນປະໂຫຍດທາງດ້ານເສດຖະກິດ ປະກອບມີໄມ້ອຸດສາຫະກຳ, ພືດເປັນຢາ, ພືດເປັນອາຫານ ແລະ ອື່ນໆ ຈຳນວນ 165 ຊະນິດ, ສຶກສາຄົ້ນຄວ້າວິທີການ-ຂັ້ນຕອນການຜະລິດເຊື້ອແລັກຕິກ ແລະ ເຊື້ອຢິສ ເພື່ອຜະລິດເປັນຫົວເຊື້ອເຫລົ້າເຊັ່ນ: ເຫລົ້າວາຍ, ນົມສົ້ມ ແລະ ຫົວເຊື້ອປຸງແຕ່ງຜະລິດຕະພັນອາຫານອື່ນໆ, ສາມາດລວບລວມຂຽນເປັນປື້ມຄູ່ມືເພື່ອນຳໃຊ້ເຂົ້າອຸດສາຫະກຳປຸງແຕ່ງ, ໄດ້ສຶກສາຮຽນຮູ້ວິທີເກັບຕົວຢ່າງ ແລະ ຮັກສາເຊື້ອແມງໄມ້ເປັນສາຍພັນໃໝ່, ສາມາດປຸງແຕ່ງເປັນຢາຕ້ານມະເຮັງໄດ້. ນອກ​ນັ້ນ ​ຍັງ​ໄດ້ທົດລອງຜະລິດນ້ຳມັນໄບໂອດີເຊວ ແບບ ບີ5, ບີ100 ປະຕິກິລິຍາຈາກພືດໃຫ້ນ້ຳມັນຈາກປາມ ແລະ ທົດສອບໃສ່ຈັກຍັນມາຄູໂບຕ້າແມ່ນນຳໃຊ້ຢ່າງມີປະສິດທິພາບສູງ, ສຳເລັດການສ້າງເຄື່ອງຢອດເມັດເຂົ້າຈຳນວນ 6 ເຄື່ອງ, ປັດຈຸບັນຢູ່ໃນຂັ້ນຕອນການນໍາໃຊ້ໃນພື້ນທີ່ຕົວຈິງ ແລະ ສຳເລັດການຄົ້ນຄວ້າ ແລະ ພັດທະນາຊອບແວຣຈຳນວນໜຶ່ງ ເປັນຕົ້ນໂປຣແກຣມຄຸ້ມຄອງພະນັກງານ,​ ຄຸ້ມຄອງຊັບສິນ, ຄຸ້ມຄອງເອກະສານ, ຄຸ້ມຄອງນັບຄະແນນສຽງເລືອກຕັ້ງ, ຄົ້ນຄວ້າ ແລະ ພັດທະນາແຜນວົງຈອນ, ຮູບແບບຈຳລອງ ແລະ ລະບົບໂປຣແກຣມນຳເຂົ້າໃນການຄຸມໄຟອຳນາດ ແລະ ອຸປະກອນເອເລັກໂຕຣນິກ, ຄົ້ນຄວ້າລະບົບການປິດ-ເປີດໄຟ ແລະ ອຸປະກອນເອເລັກໂຕຣນິກແບບອັດຕະໂນມັດ, ຄົ້ນຄວ້າລະບົບແບບອັດຕະໂນມັດເຂົ້າໃນວຽກງານກະສິກຳ,​ ສ້າງໂປຣແກຣມຄຸ້ມຄອງຂໍ້ມູນພັກ ແລະ ສະມາຊິກພັກແບບລວມສູນ,​ ຄົ້ນຄວ້າສຸນວິ​ໄຈສາງຄອມພິວເຕີ້ ແລະ ເອເລັກໂຕຣນິກໂອເອັດ, ໄອໂອເອັດ, ແອນດຣອຍ ແລະ ສ້າງລະບົບຖານຂໍ້ມູນສະຖິຕິເຕັກໂນໂລຊີນະວັດຕະກຳໃຫ້ສາມາດລາຍງານ ແລະ ເຊື່ອມໂຍງກັບສູນສະຖິຕິແຫ່ງຊາດ ແລະ ພິເສດແມ່ນໄດ້ສຳເລັດການຄົ້ນຄວ້າກຳນົດເກັບຄ່າທຳນຽມ ແລະ ຄ່າບໍລິການນຳໃຊ້ດາຕ້າເຊັນເຕີ້, ຄ່າທຳນຽມ ແລະ ຄ່າບໍລິການດ້ານທຸລະກຳທາງເອເລັກໂຕຣນິກ.

- Wave100S AD to Website 2020 0 - ການຄົ້ນຄວ້າດ້ານວິທະຍາສາດ ແລະ ເຕັກໂນໂລຊີ ຢູ່ປະເທດເຮົາມີຜົນງານຫລາຍດ້ານ
- WhatsApp Image 2020 05 27 at 5 - ການຄົ້ນຄວ້າດ້ານວິທະຍາສາດ ແລະ ເຕັກໂນໂລຊີ ຢູ່ປະເທດເຮົາມີຜົນງານຫລາຍດ້ານ
- WhatsApp Image 2020 05 27 at 5 - ການຄົ້ນຄວ້າດ້ານວິທະຍາສາດ ແລະ ເຕັກໂນໂລຊີ ຢູ່ປະເທດເຮົາມີຜົນງານຫລາຍດ້ານ
error: Alert: ເນື້ອຫາຂ່າວມີລິຂະສິດ !!