ປະຊາຊົນສ່ອງແສງ! ໄຟອຳນາດຈຸດສາມແຍກໂບດນາຄຳ ເມືອງສີໂຄດຕະບອງ ເປ່ເພມາຫລາຍເດືອນ ຍັງບໍ່ທັນໄດ້ປັບປຸງແກ້ໄຂ
March 30, 2024 - 12:18 PM

ວັນທີ 30 ມີນາ 2024 ນີ້, ປະຊາຊົນຜູ້ສັນຈອນໄປ-ມາ ສ່ອງແສງວ່າ: ໄຟອຳນາດສາມແຍກໂບດນາຄຳ ຖະໜົນສຸພານຸວົງ ເມືອງສີໂຄດຕະບອງ ນະຄອນຫລວງວຽງຈັນ, ເປ່ເພມາດົນກວ່າ 4-5 ເດືອນແລ້ວ ປັດຈຸບັນຍັງບໍ່ທັນມີການປັບປຸງແກ້ໄຂເທື່ອ ເຮັດໃຫ້ການສັນຈອນແອອັດ, ມີຄວາມສັບສົນ ໃນເວລາເລັ່ງດ່ວນໂມງລັດຖະການ, ບໍ່ເປັນລະບຽບຮຽບຮ້ອຍ ສ່ຽງຕໍ່ການໃຫ້ເກີດອຸບັດເຫດສູງ.
ສະນັ້ນຈຶ່ງຮຽກຮ້ອງເຖິງພາກສ່ວນກ່ຽວຂ້ອງ ກວດກາ ແລະ ແກ້ໄຂບັນຫາດັ່ງກ່າວດ້ວຍ ທັງນີ້ກໍເພື່ອຄວາມເປັນລະບຽບຮຽບຮ້ອຍໃນການສັນຈອນ ແລະ ເພື່ອຄວາມປອດໄພຂອງຜູ້ໃຊ້ລົດໃຊ້ຖະໜົນອີກດ້ວຍ.