ນະຄອນຫລວງພະບາງ ຈະຈັດບຸນປີໃໝ່ລາວເຕັມຮູບແບບ ຕິດພັນກັບປີທ່ອງທ່ຽວລາວ 2024

- 434415445 861566429330998 1407362286300190768 n - ນະຄອນຫລວງພະບາງ ຈະຈັດບຸນປີໃໝ່ລາວເຕັມຮູບແບບ ຕິດພັນກັບປີທ່ອງທ່ຽວລາວ 2024
- kitchen vibe - ນະຄອນຫລວງພະບາງ ຈະຈັດບຸນປີໃໝ່ລາວເຕັມຮູບແບບ ຕິດພັນກັບປີທ່ອງທ່ຽວລາວ 2024

ບຸນປີໃໝ່ລາວ ພສ 2567 ທີ່ນະຄອນຫລວງພະບາງ ແມ່ນຈະຈັດງານເຕັມຮູບແບບ ໂດຍຕິດພັນກັບການສະເຫລີມສະຫລອງປີທ່ອງທ່ຽວລາວ 2024, ເຊິ່ງໄດ້ກໍານົດເອົາວັນທີ 10-20 ເມສາ 2024 ເປັນມື້ຫລິ້ນບຸນປີໃໝ່ ແລະ ມີຫລາກຫລາຍກິດຈະກຳ ເປັນຕົ້ນ ການປະກວດນາງສັງຂານ, ພິທີແຫ່ຊ້າງຮຽງເກີຍ, ງານໂລະລາດ, ພິທີຕົບພະທາດຊາຍໃຫຍ່, ງານແຫ່ຫວໍ່, ສະເຫລີມສະຫລອງປີທ່ອງທ່ຽວລາວ 2024, ພິທີອາລາດຖະນາອົງພະບາງລົງຫົດສົງ ແລະ ອື່ນໆ.

ທ່ານ ວຽງທອງ ຫັດສະຈັນ ເຈົ້ານະຄອນ ຫລວງພະບາງ ໄດ້ຖະແຫລງຂ່າວ ກ່ຽວກັບການຈັດບຸນປີໃໝ່ລາວ ພສ 2567 ຄສ 2024 ທີ່ນະຄອນຫລວງພະບາງ ໃນທ້າຍອາທິດຜ່ານມາວ່າ: ປັດຈຸບັນ, ການນໍາຂອງແຂວງໄດ້ຕົກລົງໃຫ້ ນະຄອນ ຫລວງພະບາງ ສົມທົບກັບ ພະແນກ ຖະແຫລງຂ່າວ ວັດທະນະທຳ ແລະ ທ່ອງທ່ຽວແຂວງ ໃນການກະກຽມຈັດງານດັ່ງກ່າວ ໂດຍໄດ້ອອກຂໍ້ຕົກລົງແຕ່ງຕັ້ງ ຄະນະຮັບຜິດຊອບແຕ່ລະວຽກງານ ທັງໄດ້ກະກຽມວຽກງານແຕ່ລະດ້ານ ໂດຍຕິດພັນກັບການສ້າງຂະບວນການ ເພື່ອຕ້ອນຮັບການທ່ອງທ່ຽວພາຍໃນ ແລະ ຕ່າງປະເທດ ໃນໄລຍະບຸນປີໃໝ່ລາວ ໃຫ້ນັກທ່ອງທ່ຽວມີຄວາມປະທັບໃຈ ເປັນຕົ້ນ ວຽກງານອະນາໄມ, ປະດັບປະດາຕົວເມືອງ ແລະ ສະຖານທີ່ທ່ອງທ່ຽວ, ປັກທຸງຊາດ, ທຸງທິວໃສ່ຕາມຈຸດຕ່າງໆ, ກວດກາ ແລະ ຄວບຄຸມການຂາຍເຄື່ອງຊະຊາຍຢູ່ຕາມແຄມທາງ.

- Visit Laos Visit SALANA BOUTIQUE HOTEL - ນະຄອນຫລວງພະບາງ ຈະຈັດບຸນປີໃໝ່ລາວເຕັມຮູບແບບ ຕິດພັນກັບປີທ່ອງທ່ຽວລາວ 2024

ທ່ານ ວຽງທອງ ຫັດສະຈັນ ຍັງໄດ້ຮຽກຮ້ອງໃຫ້ປະຊາຊົນບັນດາເຜົ່າ, ພະນັກງານ, ທະຫານ, ຕຳຫລວດ, ຜູ້ປະກອບການທຸລະກິດ, ຜູ້ຈັດການ, ຜູ້ບໍລິການດ້ານຕ່າງໆ ຈົ່ງພ້ອມກັນເປັນເຈົ້າການທີ່ດີເຮັດວຽກງານປ້ອງກັນຊາດ-ປ້ອງກັນຄວາມສະຫງົບ, ເປັນເຈົ້າການໃນການປະກອບສ່ວນທາງດ້ານເຮື່ອແຮງ ແລະ ວັດຖຸປັດໄຈ ເຂົ້າໃນການຈັດບຸນປີໃໝ່ລາວໃນຄັ້ງນີ້ ໃຫ້ມີບັນຍາກາດເບີກບານມ່ວນຊື່ນ ແລະ ປະສົບຜົນສຳເລັດຢ່າງຈົບງາມ ແລະ ຂໍເຊີນຊວນປະຊາຊົນບັນດາເຜົ່າ, ນັກທ່ອງທ່ຽວ ທັງພາຍໃນ ແລະ ຕ່າງປະເທດ ພ້ອມກັນເຂົ້າມາທ່ຽວຊົມຫລວງພະບາງ ເມືອງມໍລະດົກໂລກ ຮັບຮອງວ່າທ່ານຈະໄດ້ສຳພັດກັບວັດທະນະທໍາ-ຮີດຄອງປະເພນີອັນດີງາມ ທີ່ສືບທອດກັນມາແຕ່ບູຮານນະການ.

- 5 - ນະຄອນຫລວງພະບາງ ຈະຈັດບຸນປີໃໝ່ລາວເຕັມຮູບແບບ ຕິດພັນກັບປີທ່ອງທ່ຽວລາວ 2024
- 4 - ນະຄອນຫລວງພະບາງ ຈະຈັດບຸນປີໃໝ່ລາວເຕັມຮູບແບບ ຕິດພັນກັບປີທ່ອງທ່ຽວລາວ 2024
- 3 - ນະຄອນຫລວງພະບາງ ຈະຈັດບຸນປີໃໝ່ລາວເຕັມຮູບແບບ ຕິດພັນກັບປີທ່ອງທ່ຽວລາວ 2024