ເບິ່ງມາດຕະການແກ້ໄຂ ເຫລົ້າໂວດກາປອມຢູ່ຣັດເຊຍ

- advert banner 728 90 728x90 - ເບິ່ງມາດຕະການແກ້ໄຂ ເຫລົ້າໂວດກາປອມຢູ່ຣັດເຊຍ

- 645453e19350483a93481c5870ca08e5 - ເບິ່ງມາດຕະການແກ້ໄຂ ເຫລົ້າໂວດກາປອມຢູ່ຣັດເຊຍ

- new3 - ເບິ່ງມາດຕະການແກ້ໄຂ ເຫລົ້າໂວດກາປອມຢູ່ຣັດເຊຍ

ໂດຍ: ວິ​ເສດ ສະ​ແຫວ​ງສຶກສາ

ມື້ນີ້​ຜູ້​ຂຽນ​ໄດ້​ສັງ​ລວມ​ເອົາ​ບັນດາ​ມາດ​ຕະການ​ເພື່ອ​ແກ້​ໄຂ​ບັນຫາ​ສິນຄ້າ​ປອມ ​ແລະ ສິນຄ້າ​ຜິດ​ກົດໝາຍ​ຢູ່​ສະຫະພັນຣັດ​ເຊຍ ວ່າ​ຢູ່​ປະ​ເທດ​ນີ້​ເຂົາ​ເຮັດ​ກັນ​ແນວ​ໃດ ​ແລະ ມີ​ຫຍັງ​ພໍ​ຖອດ​ໄວ້​ເປັນ​ບົດຮຽນ ​ເພາະ​ບັນຫາ​ສິນຄ້າ​ປອມ​ສິນຄ້າ​ຜິດ​ກົດໝາຍ​ ກໍ​ຄື​ສິນຄ້າ​ເສຍ​ຄຸນ​ນີ້​ຢູ່​ລາວ​ພວກ​ເຮົາ​ກໍ​ບໍ່​ໜ້ອຍ​ໜ້າ​ໃຫ້​ປະ​ເທດ​ອື່ນ​ໃນ​ພາກພື້ນ ​ແລະ ສາກົນ. ສຳລັບ​ຢູ່​ສະຫະພັນຣັດ​ເຊຍ​ນັ້ນ​ແມ່ນ​ເລື່ອງ​ບັນຫາ​ເຫລົ້າ​ໂວ​ດກາ​ປອມ. ​ໂວ​ດກາ (ບໍ່​ແມ່ນ​ໂວ​ນກາ​ຄື​ຫລາຍ​ຄົນ​ເຂົ້າ​ໃຈ) ນັ້ນ ​ແມ່ນ​ຜະລິດ​ຕະພັນ​ສັນຍາ​ລັກ​ທີ່​ໂດດ​ເດັ່ນ​ປະ​ເພດ​ເຫລົ້າ​ເດັດ​ທີ່​ມີ​ລົດ​ຊາດ​ເປັນ​ເອກະລັກ​ບໍ່​ຄື​ໃຜ ​ແລະ ບໍ່​ມີ​ໃຜ​ຄື. ມີ​ບາງ​ປະ​ເທດ​ໄດ້​ພະຍາຍາມ​ຮຽນ​ແບບ, ທັງ​ຊື້ ​ແລະ ວິທີ​ປຸງ​ແຕ່ງ​ເຫລົ້າ​ໂວ​ດກາ ​ແຕ່​ສຳລັບ​ຄໍ​ໂວ​ດກາ​ແລ້ວ​ຕ່າງ​ກໍ​ບອກ​ວ່າ ບໍ່​ມີ​ໃຜ​ຮູ້​ໂວ​ດກາຣັດ​ເຊຍ​ໄດ້​ເລີຍ. ​ເມື່ອ​ຫລາຍ​ປີຜ່ານມາ ​ເຄີຍ​ມີ​ບັນຫາ​ລະດັບ​ສາກົນ (​ໃນ​ກຸ່ມ​ປະ​ເທດ​ທີ່​ຜະລິດ​ເຫລົ້າ​ໂວ​ດກາ) ​ເລື່ອງ​ວ່າ: ​ເຫລົ້າ​ໂວ​ດກາ​ນັ້ນຕ້ອງ​ຜະລິດ​ຈາກ​ເຂົ້າ (​ເຂົ້າບະ​ເລ), ຖ້າ​ຜະລິດ​ຈາກ​ວັດຖຸ​ດິບ​ແນວ​ອື່ນ​ແລ້ວ​ບໍ່​ຄວນ​ເອີ້ນ​ວ່າ “​ໂວ​ດກາ” ​ເພາະ​ມີ​ບາງ​ປະ​ເທດ​ໃຊ້​ວັດຖຸ​ດິບ​ແນວ​ອື່ນ ​ແຕ່​ຕັ້ງຊື່ວ່າ “​ໂວ​ດກາ”. ​ໃນ​ໄລຍະ​ຫລັງໆ​ມາ​ນີ້ (ໜັງສືພິມ The Nation 25/12/2016) ​ໄດ້​ເວົ້າກ່ຽວ​ກັບ​ສິ່ງ​ທ້າ​ທາຍ​ໃຫຍ່​ທີ່​ທາງ​ການຣັດ​ເຊຍ​ຕ້ອງ​ແກ້​ໄຂ ​ເພື່ອ​ຮັກສາ​ເອກະລັກ​ແທ້​ຂອງ​ເຫລົ້າ​ໂວ​ດກາ ​ເພາະ​ເກີດ​ມີ​ບັນຫາ​ໂວ​ດກາ​ປອມ​ລົ້ນ​ເມືອງ​ທີ່​ຂາຍ​ກັນ​ໃນ​ລາຄາ​ຖືກໆ​ພຽງ​ປະມານ 2 ​ໂດ​ລາ​ສະຫະລັດ​ຕໍ່ 1 ​ແກ້ວ, ຖືກ​ກວ່າ​ລາຄາ​ທາງ​ການ 3 ​ເທົ່າ​ຕົວ. ​ໃນ​ເດືອນ​ທັນວາ​ປີ 2016 ທາງ​ການຣັດ​ເຊຍ​ໄດ້​ຢຶດ​ເຫລົ້າ​ໂວ​ດກາ​ປອມ​ໄດ້​ຫລາຍ​ກວ່າ 1 ​ແສນ​ແກ້ວ ​ເຊິ່ງຜະລິດ​ຢູ່​ໂຮງງານ​ແຫ່ງ​ໜຶ່ງ​ນອກ​ນະຄອນຫລວງ​ມົດ​ສະ​ກູ, ​ເປັນ​ໂວ​ດກາ​ປອມ​ມີ​ກາ​ໝາຍ ​ແລະ ມີ​ໃບ​ເສຍ​ພາສີ​ຄັກ​ແນ່. ນອກຈາກ​ເຮັດ​ໃຫ້​ເສຍ​ລາຍ​ຮັບ​ແລ້ວ ​ເຫລົ້າ​ໂວ​ດກາ​ປອມ​ເຫລົ່າ​ນີ້​ຍັງ​ກາຍ​ເປັນ​ມັດຈຸລາດ​ຂ້າ​ຊີວິດ​ຊາວຣັດ​ເຊຍ​ທີ່​ຕ້ອງການ​ຂອງ​ຖືກ​ເປັນ​ຈຳນວນ​ຫລວງຫລາຍ ຍ້ອນ​ມີ​ສ່ວນ​ປະສົມ​ເປັນ​ພິດ. ຕົວຢ່າງ​ໃນ​ອາທິດ​ສຸດ​ທ້າຍ​ຂອງ​ເດືອນ​ທັນວາ​ປີ 2016 ​ເຫລົ້າປອມ​ໄດ້​ຂ້າ​ຊີວິດ​ຄົນ​ໃນ​ເມືອງ​ອຽກກຸດ (ຢູ່​ເຂດ​ຊີ​ເບຣີ) ຈຳນວນ 71 ຄົນ. ການ​ແກ້​ໄຂ​ບັນຫາ​ຄົນ​ຂີ້​ເຫລົ້າຢູ່ຣັດ​ເຊຍ​ໃນ 2-3 ປີຜ່ານມາ​ນີ້ ​ເລີ່​ມດ້ວຍ​ການ​ຫ້າມ​ຂາຍ​ເຫລົ້າ​ໃນ​ເວລາ​ຄໍ່າ​ຄືນ​ໄປ​ພ້ອມໆ​ກັບ​ການ​ປັບ​ຂຶ້ນພາສີ​ເຫລົ້າ. ​ແຕ່​ຈະ​ຢຸດ​ຢູ່​ພຽງ​ສໍ່າ​ນີ້​ບໍ່​ໄດ້ ​ເພາະ​ຈະ​ມີ​ພວກ​ຫົວ​ໃສ​ຜະລິດ​ເຫລົ້າປອມ​ອອກ​ຈຳໜ່າຍ. ດັ່ງນັ້ນ ຈຶ່ງ​ຕ້ອງ​ມີ​ມາດ​ຕະການ​ເຄື່ອນ​ໄຫວ​ເລີກ​ຮື້ບ່ອນ​ຜະລິດ ​ແລະ ຈຳໜ່າຍ​ເຫລົ້າ​ເຖື່ອນ ​ເຊິ່ງກ​ໍ​ໄດ້​ຮັບ​ຜົນ​ທັນຕາ​ເຫັນ ຄື​ສາມາດ​ປິດ​ຮ້ານ​ຈຳໜ່າຍ​ເຫລົ້າ​ໄດ້ 170 ​ແຫ່ງ, ຢຶດ​ເຫລົ້າ​ເຖື່ອນ​ໄດ້​ກວ່າ 37 ລ້ານ​ລິດ (ສະຖິຕິ​ແຕ່​ເດືອນ​ຕຸລາ 2015-ທ້າຍ​ປີ 2016). ສຳຄັນ​ໄປ​ກວ່າ​ນັ້ນ ທາງ​ການຣັດ​ເຊຍ​ຍັງ​ໄດ້​ອອກ​ຄຳ​ສັ່ງ​ໃຫ້​ຜູ້​ປະກອບ​ການ​ຜະລິດ​ເຫລົ້າຈົດ​ທະບຽນ​ຜະລິດ​ຕະພັນ​ດ້ວຍ​ລະບົບ​ເອ​ເລັກ​ໂຕຣນິກສຳລັບ​ເຫລົ້າ​ແຕ່ລະ​ແກ້ວ ​ເພື່ອ​ໃຫ້​ສາມາດ​ຕິດຕາມ​ ນັບ​ແຕ່​ເວລາ​ຜະລິດ​ຈົນ​ຮອດ​ເວລາ​ຂາຍ​ໃຫ້​ລູກ​ຄ້າ. ມາດ​ຕະການ​​ເດັດຂາດ​ດັ່ງກ່າວ​ໃນ​ທີ່​ສຸດ​ກໍ​ໄດ້​ຊ່ວຍ​ໃຫ້​ເຫລົ້າ​ໂວ​ດກາ​ຖືກ​ກົດໝາຍ ສາມາດ​ຄອງ​ຕະຫລາດ​ຄືນ​ມາ​ໄດ້​ພາຍຫລັງ​ໄດ້​ຊຸດ​ໂຊມ​ມາ​ເປັນ​ເວລາ​ຫລາຍ​ປີ, ສ່ວນ​ເຫລົ້າ​ໂວ​ດກາ​ໃນ​ຕະຫລາດ​ມືດ​ນັ້ນ​ໄດ້​ຖືກ​ຕີ​ຖອຍ​ເທື່ອ​ລະ​ກ້າວ.

- lattana 1 - ເບິ່ງມາດຕະການແກ້ໄຂ ເຫລົ້າໂວດກາປອມຢູ່ຣັດເຊຍ
error: Content is protected !!