ເຟີ​ສ ​ແຄ​ປີ​ໂຕລາວ ຈະປັບປຸງ​ໄມ້​ເກດສະໜາ​ໃນ​ລາວ​​ໃຫ້​ມີຄຸນ​ຄ່າສູງ

- kitchen vibe -   ເຟີ​ສ ​ແຄ​ປີ​ໂຕລາວ ຈະປັບປຸງ​ໄມ້​ເກດສະໜາ​ໃນ​ລາວ​​ໃຫ້​ມີຄຸນ​ຄ່າສູງ

 

ວັນ​ທີ 31 ມີນາ​ຜ່ານ​ມາ​ນີ້, ບໍລິສັດ ​ເຟີ​ສ ​ແຄ​ປີ​ໂຕລາວ​ ຈຳກັດ (FCL) ​ແລະ ​ບໍລິສັດ ​ໄບຣ ອາ​ກາ​ວູດ ຈຳກັດ ​ແຫ່ງປະ​ເທດ​ສິງກະ​ໂປ, ​ໄດ້ຕົກລົງ​ຮ່ວມ​ມື ເພື່ອປັບປຸງ​ຄຸນ​ນະພາ​ບ ​ແລະ ​ພັດທະນາ​ໂຄງການ​​ໄມ້​​ເກດສະໜາ​​ໃນ​ ສປປ ລາວ ​ໃຫ້​ມີ​ຄຸນຄ່າ​ສູງ ​ໂດຍ​ການ​ລົງ​ນາມ​ລະຫວ່າງ​ທ່ານ ​ເຣັກສ ຫວອງ ປະທານ​ບໍລິສັດ ​ເຟີ​ສ ​ແຄ​ປີ​ໂຕ​ລາວ ຈຳກັດ ​ແລະ ທ່ານ ຄາ​ເລັບ ລິ​ມ ຜູ້​ບໍລິຫານ​ບໍລິສັດ​ ​ໄບຣ ອາ​ກາ​ວູດ ຈຳກັດ, ມີຜູ້ຕາງໜ້າ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ​ເປັນ​ຈຳນວນ​ຫລາຍ.

- Visit Laos Visit SALANA BOUTIQUE HOTEL -   ເຟີ​ສ ​ແຄ​ປີ​ໂຕລາວ ຈະປັບປຸງ​ໄມ້​ເກດສະໜາ​ໃນ​ລາວ​​ໃຫ້​ມີຄຸນ​ຄ່າສູງ

ປະທານ​ບໍລິສັດ ​ເຟີ​ສ ​ແຄ​ປີ​ໂຕ​ລາວ ກ່າວ​ວ່າ: ເພື່ອ​ສ້າງ​ໃຫ້​ໄມ້​ເກດສະໜາ​ຢູ່​ລາວ​ຫລາຍ​ລ້ານ​ຕົ້ນ​ກາຍ​ເປັນ​ໄມ້​ທີ່​ມີ​ລາຄາ, ​ສາມາດສົ່ງ​ອອກ​ໄປ​ຈຳໜ່າຍ​ຢູ່​ຕ່າງປະ​ເທ​ດ​​ໄດ້, ​​​ຊຶ່ງ​ໃນ​ເບື້ອງ​ຕົ້ນ ບໍລິສັດ ​ເຟີ​ສ ​ແຄ​ປີ​ໂຕ​ລາວ ​ໄດ້​ເຊັນ​ສັນຍາ​ຊື້​​ຕົ້ນ​ໄມ້​ເກດສະໜາ​ກັບ​ລັດຖະ ບານ​ລາວ ຈຳນວນ 24 ລ້ານ​ຕົ້ນ​ໃນ​​ທົ່ວປະ​ເທດ, ​ເພື່ອນຳ​ໄປ​ສະກັດ​ເປັນ​ນ້ຳມັນເກດ​ສະໜາ, ​​​​ໃນ​ປັດຈຸບັນ ບໍລິສັດ ​ເຟີ​ສ ​ໄດ້​ມີ​ການ​ລົງມື​ປັບປຸງ ​ແລະ ຈັດ​ສັນ​ໄມ້​ດັ່ງກ່າວ​ ຈຳນວນ 30 ພັນ​ຕົ້ນ​ໃນ​ເຂດ​ແຂວງ​ວຽງ​ຈັນ, ​ໂດຍ​ການ​ນຳ​ໃຊ້​ຢາ​ບຳລຸງຊະນິດ​ໜຶ່ງທີ່​ບໍ່​ເປັນ​ອັນ​ຕະລາຍ​​ໃດໆຕໍ່ຊີວິດ ​ແລະ ​ສິ່ງ​ແວດລ້ອມ (ສາມາດ​ກິນ​ໄດ້), ​ໂດຍ​ການ ສີດຢາ​ດັ່ງກ່າວ​ເຂົ້າ​ໄປ​ໃນ​ຕົ້ນ​ໄມ້​ເກດສະໜາ​ເທື່ອ​ລະ​ຕົ້ນ ​ແລະ ​ພຽງ​ຄັ້ງ​ດຽວ​ໃນ​ປະລິມານ​ທີ່​ກຳນົດ​ໄວ້, ​ໂດຍໄດ້​ນຳ​ໃຊ້​ແຮງ​ງານ​ຂອງ​ປະຊາຊົນ​ໃນ​ບ້ານ​ດັ່ງກ່າວ​ ​ທັງ​ເປັນ​ການ​ສົ່ງ​ເສີມ​ໃຫ້ເຂົາ​ເຈົ້າ​ມີ​ວຽກ​​ເຮັດ​ງານ​ທຳ ​ແລະ ສ້າງ​ລາຍ​ຮັບທີ່​ໝັ້ນຄົງ​ຄື: ​ໃນ 6 ​ເດືອນຜ່ານ​ມາ, ກໍ​ສາມາດ​ຕັດ​ເອົາ​ຕົ້ນ​ໄມ້​ດັ່ງກ່າວ​ໄປ ຍ້ອນ​ໂຮງງານ​ເພື່ອ​ບົດ​ໃຫ້ມຸ່ນ ​ເພື່ອນຳ​ສົ່ງ​ອອກ​ໄປ​​ປະ​ເທດ​ຍີ່ປຸ່ນ ​ເພື່ອ​ສະກັດ​ເປັນ​ນໍ້າ​ມັນ​ເກດ​ສະໜາ, ຊຶ່ງ​ໂຄງການ​ດັ່ງກ່າວຈະ​ຊ່ວຍ​​ໃຫ້​ປະ​ເທ​ດລາວກາຍ​ເປັນ​ປະ​ເທດ​ທີ່​ມີ​ຊື່​ສຽງທາງ​ດ້ານ​ການ​ສົ່ງ​ອອກ​ໄມ້​ກິດຈະ​ໜາ​ໃນ​ອະນາຄົດ.

​​ໄລຍະ​ຜ່ານ​ມາ, ວິຊາ​ການ​ຈາກ​ຕ່າງປະ​ເທດ​ຫລາຍ​ຄົນໄດ້​ພະຍາຍາມ​ ​ແລະ ສຸມ​ໃສ່​ການ​ຮຽນ​ຮູ້​ເຕັກ​ໂນ​ໂລ​ຢີ, ອຸປະກອນ​ທີ່​ກ່ຽວຂ້ອງ ​ເພື່ອ​ນຳ​ມາ​ໃຊ້​ໃນ​ການ​​ສະກັດ​ນ້ຳມັນ​ຈາກ​ຕົ້ນ​ໄມ້​ດັ່ກ່າວ​ໃນ​ພາກກາງຂອງ​ລາວມາ​ແລ້ວ, ​ໂດຍ​ສະ​ເພາະ ຢູ່​ແຂວງ​ບໍລິ​ຄຳ​ໄຊ, ​ແຂວງວຽງ​ຈັນ ​ແລະ ນະຄອນຫລວງ​ວຽງ​ຈັນ, ການ​ທົດ​ລອງ​ດັ່ງກ່າວ​ແມ່ນ​ມີ​ຄວາມ​ກ້າວ ໜ້າ ​ແລະ ​ໄດ້​ຮັບ​ໝາກຜົນ​​ເປັນ​ຢ່າງ​ດີ, ຊຶ່ງເມື່ອ​ກ່ອນ​ປະຊາຊົນລາວສ່ວນ​ໃຫຍ່​ແມ່ນນິຍົມ​ກັນ​ປູກ​ໄມ້​ເກດສະໜາ​ເປັນ​ຈຳນວນ​ຫລວງຫລາຍ​, ​​ແຕ່ເນື່ອງຈາກ​ວ່າ​​ໄມ້​ປະ​ເພດ​ນີ້ມີ​ການຈະ​ເລີ​ນ​ເຕີບ​ໂຕ​ຊ້າ, ຊຶ່ງຕ້ອງ​ໃຊ້​ເວລາເກືອບ 10 ປີ ຈຶ່ງ​ສາມາດ​ນຳ​ໃຊ້​​ໄດ້, ຊຶ່ງ​ໄມ້​ດັ່ງກ່າວ​ກໍເປັນ​​ໄມ້ເນື້ອ​ອ່ອນ, ບໍ່​ສາມາດ​ແປ​ຮູບ​ເປັນ​ເຟີ​ນີ​ເຈີ ຫລື ອື່ນໆໄດ້, ຈຶ່ງ​ເຮັດ​ໃຫ້​ປະຊາຊົນ​ພົບ​ກັບ​ບັນຫາ​ໜັກໜ່ວງ, ບາງ​ຄອບຄົວ​ແມ່ນ​ຕັດ​ຖີ້ມ​ລ້າໆ​ເພື່ອ​ນຳ​ໃຊ້​ເນື້ອ​ທີ່​ດັ່ງກ່າວ​ເຮັດ​ກະສິກຳ ​ແລະ ອື່ນໆ, ​​ແຕ່​ກົງກັນຂ້າມ​ໄມ້​ດັ່ງກ່າວຈະ​ກັບ​ມາມີ​ຄຸນ​ຄ່າ ​ແລະ ປະ​ໂຫຍດທີ່​ສຸດ​ໃນ​ປັດຈຸບັນ, ພາຍຫລັງ​ມີ​ການ​ຮ່ວມ​ມື​ປັບປຸງ​ຄຸນຄ່າ​ຂອງ​ສອງ​ບໍລິສັດ​ທີ່​ມີ​ຊື່​ສຽງ​ດັ່ງກ່າວ.

- 3 -   ເຟີ​ສ ​ແຄ​ປີ​ໂຕລາວ ຈະປັບປຸງ​ໄມ້​ເກດສະໜາ​ໃນ​ລາວ​​ໃຫ້​ມີຄຸນ​ຄ່າສູງ
- 5 -   ເຟີ​ສ ​ແຄ​ປີ​ໂຕລາວ ຈະປັບປຸງ​ໄມ້​ເກດສະໜາ​ໃນ​ລາວ​​ໃຫ້​ມີຄຸນ​ຄ່າສູງ
- 4 -   ເຟີ​ສ ​ແຄ​ປີ​ໂຕລາວ ຈະປັບປຸງ​ໄມ້​ເກດສະໜາ​ໃນ​ລາວ​​ໃຫ້​ມີຄຸນ​ຄ່າສູງ